JISAYA 12:1 - Tanou Moonsoi Timugon

¹ Masuku' niayuk orou bulintok ra akau marimbai, “Tuhan, maringkuanang aku Rirun, sabap Okou napakaansuk raki'. Galing i sumangit Kou raki', kaa' ragino masalui noyo guang Muno.

JISAYA 12:1 ပူးပေါင်းရင်းမြစ်များ

MAZMUR 30:5

Rimbayo' pangamparan ra Tuhan, akau ulun Nano ondo' gumagaya'! Karaa' noyo atan ondo' binaal ru Io Ondo' Matulai Kaga' am maringkuanang Riso!

JISAYA 25:1

Tuhan, Okou noyo i Aki Kapuuno' kuno; mangurumat aku Rirun am mongompor ra inggalan Muno. Nambaal Kou ra kandoi-kandoi makaimuag kaga'; inatang Mu noyo intor poyo ra galing i; am pinaugar mu ralalom gogot ru guang.

JISAYA 54:8

Sangkinolor ayuk Aku timinalikur rirun sabap ra sangit Kuno ra lumuab-luab. Kaa' ralalom ru togom makaasi' Aku rirun.” Gini noyo ragu ri Aki Kapuuno' Mamamayag rirun.

JAKARIA 14:9

Tuhan pana masauk boo ra raja' ru titikop ru tana' ti. Moonong ulun sumamba Riso koson ri Aki Kapuuno' am makaulig Riso ra nogondo' inggalan.

GOSIA 6:1

Indagu ulun ru Israil, “Ibok saguli' takano ra Tuhan. Namparuol Io ritakau, kaa' maaru' mamabas Io poyo ritakau. Namilat Io ritakau, kaa' maaru' bongkoson No pilat-pilat takau.

JISAYA 51:3

“Jirusalim, bansukon Tokou, am ngaangai' ondo' minayan ra napuutan Muno. Padang-padang muno ra mapua' saukon Ku ra taman, koson ra Idin, taman Kuno ra malabung. Giu' no ulun maantak am maansukan, am maringkuanang ra marimbai-rimbai.

JISAYA 35:10

Ulun ondo' pinalabus ru Tuhan no muli'; makasaboi ilo giu' ra Jirusalim ra guang maansukan, liliwa' marimbai am magigindii. Maansukan ilo ra sabuoi-buoi no, am makalabus intor ra guang mangiluk.

JISAYA 14:3

Langgain ru Tuhan karualan am kaimbalaan ru ulun ru Israil. Palabuson No ilo intor ra kandoi maagat ondo' pinajajal risilo.

JISAYA 49:13

Parimbai no, okou limbowon, pagilakup noyo okou tana', akau gunung-gunung, pagilakup noyo maansukan! Sabap ra Tuhan matong mangansuk ra ulun Nano, makaasi' Io ra ulun Nano ondo' inimpayan.

JISAYA 25:9

Bulintok ra baal raginio masauk, ngaangai' ulun mindagu, “Io no i Aki kapuuno' takau! Io no inaanin takau koson mamayag ritakau. Io no Tuhan ra inaanin takau. Ragino magilakup takau koson maansukan sabap Io namayag ritakau.”

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

JAKARIA 14:20

Paat raginio lunsing-lunsing ra pinabayang ra kuda pana inukir ra ragu-ragu “Patimpokon tayar ru Tuhan”. Pagangan-pagangan giu' ra Baloi ru Tuhan masauk ra mapasau koson ra mangkuk-mangkuk ondo' pinabanta' giu' ra saang ru altar.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

JISAYA 66:13

Bansukon Takamin giu' ra Jirusalim, koson ra ina' mapabansuk ra anak nano.

JISAYA 26:1

Masuku' bulintok no rimbayon ru ulun rimbai ragitio giu' ra tana' Jiuda: Bandar takau ti maikang! I Aki Kapuuno' mangampin ra timbok Nano!

JISAYA 11:16

Ulun Nano ra ondo' lakat poyo naayag, mokoondo' ralan maayo mingkual intor ra Asyur, koson ra kinamatuaan ru ulun ru Israil miningkual intor ra Misir.

JISAYA 10:25

Kalo boo mabuoi lumonggo' Aku mangukum ramuyun, am pusoon Ku ilo.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 10:4

Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

AYUP 13:16

Maaru' lair kinabaani kuno mamayag raki', sabap kolondo' ulun malaat ondo' baani muma' ri Aki Kapuuno'.

MAZMUR 9:1

Ra tingganai santimungan maririmbai. Sumugut ra layuk ri Mut-Labin. Mazmur ri Daut.

MAZMUR 71:21

Saukon Mu aku ra urumaton toojo; mangansuk Kou poyo raki' saguli'.

JISAYA 54:7

“Sangkinolor ayuk buoi Aku nanatang rirun; ralalom ru togom maayo okou alapon Ku saguli'.

JISAYA 54:9

“Koson ra bulintok ri Nuu Aku nambantu' tana' ti kolondo' boo rosob, koon niayuk ragino ti Aku mambantu' ra kalo boo sumangit Aku am mangilalaa' ramuyun.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 64:5

Apuon Mu ulun mabanis guang, ondo' maayag sumugut ra kasagaan Muno. Sumangit Kou ramon, kaa' akai lakat makatula. Ioupana Okou sumangit kaga', rayusin mai mambaal ra sala intor poyo ra galing i.

JISAYA 65:18

Pakaansuk noyo am kaantak noyo ra sabuoi-buoi no sabap ra inangun Kuno. Jirusalim bagu ondo' inangun Kuno mototop ra kaansukan am namagun nano maantak guang.

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

JAKARIA 8:11

Kaa' pamakuan Kuno ra ulun intor ra bansa' ragitio ondo' lakat poyo naayag suai intor ra galing i.

JAKARIA 8:19

“Mampali ondo' binaal ra sila' kaapat, kalimo, katulu' am koopor masauk ra pangiantakan ondo' natikop ra kaansukan am kasagaan ru mamagun Jiuda. Tagami' noyo katapatan am kaansayan!”

NIGIMIA 8:10

Uli' kano am pambaal kano ra bunsag. Pantayar kano ra akanon am wain min risilo ondo' natutusan. Orou raiti' orou patimpokon ra Tuhan takau. Ginio ra pai' kano pangiluk guang. Kaansukan ondo' tinaakan ru Tuhan ramuyun mangikang ramuyun.”

AYUP 11:16

Kapaganan muno pana kalo boo karaan mu, koson ra liur ondo' miniit noyo am lilianin ru ulun.

MAZMUR 85:4

Kalo boo sumangit Kou risilo, am inorot Mu sangit Muno ra bibilak no.

MAZMUR 86:17

Iou Tuhan, paintalango' kinoonsoi Muno raki', am ulun ondo' masisang raki' maringkauyu', magilong bulintok ra Okou mapabansuk am mangindangan raki'.

JISAYA 60:10

Mindagu Tuhan ra Jirusalim, “Ulun bansa' ra suai mambaal saguli' ra timbok muno, am raja'-raja' nilono magayam rirun. Ragili nangukum Aku rirun ralalom ru sangit Kuno, kaa' ragino Aku masaga' makaasi' rirun.

JIRIMIA 31:13

Paat raginio ralaa-ralaa mansayau ra maansukan. Ungkuyon-ungkuyon, matutuo am mamulok maansukan. Bansukon Ku ilo am mangulau ra kangilukan nilo masauk ra kaansukan. Kalumpusan masauk ra kaansayan.

JAKARIA 1:16

Ginio ra siminaguli' Aku ra Jirusalim koson makaasi' ra bandar no. Baloi Kuno baalon saguli' am bandar no punaan.”