JISAYA 11:3 - Tanou Moonsoi Timugon

³ Masaga' io gumagaya' ra Tuhan. Kalo mangakim io ra ulun ra igondo' ilong kapoam sumugut ra ragu ru ulun.

JISAYA 11:3 ပူးပေါင်းရင်းမြစ်များ

2 SAMUIL 14:17

Mangintopot aku ra bantu' muno jamin ru pamayagan kuno sabap ra okou koson ra malaikat ri Aki Kapuuno', ondo' makapandai ra atan ondo' moonsoi am atan ondo' malaat. Gama' ru Tuhan, i Aki Kapuuno' muno mabaya' rirun!”.

2 SAMUIL 14:8

Taam raja' no, “Uli' no. Salingapuon ku baal raginio.”

1 RAJA'-RAJA' 3:28

Paat ra ulun ru Israil nokorongog ra namatasan ru Raja' Salomo, mangurumat ilo kaga' riso sabap ra nakapandai ilo ra nangani' i Aki Kapuuno' riso ra kapintaran koson mampaugar ra katimpakan.

1 RAJA'-RAJA' 3:9

Ginio ra anii' aku ra kapintaran ondo' gogoton kuno koson mamarinta ra ulun Muno ra matimpok, am maa' raginio mapandayan ku ondo' moonsoi am ondo' malaat. Amon ru kalo, kalo lair masaga' aku mamarinta ra ulun Muno ondo' maayo ti?”

AYUP 12:11

Makapandai ulun ra akanon ondo' maamis paat kinamin ra rila', am ragu-ragu ondo' mapintar paat mangkirongog raginio.

AYUP 34:3

Nakapandai ulun ra akanon ondo' maamis paat mangkinam; am ragu-ragu ondo' mapintar paat mokorongog.

AMSAL 2:5

Bagu matutunan mu arati' ru malaa' ra Tuhan, am makaalap kou ra katutunan intor ri Aki Kapuuno'.

AMSAL 2:9

Amon ru rongogon min bilin kutu, mapandayan min atan ondo' motopot, matimpok, kalo maagat ra sapapa'. Mapandayan min atan sotopot no baalon min.

JISAYA 33:6

am manaak ra kaansayan ra ulun Nano. Magail Io manindung ra ulun Nano, am niayuk manaak risilo ra kapintaran am kapandayan. Rapu' nilo ra mokologo ioginio urumat am malaa' ra Tuhan.

YEHEZKIEL 45:8

Tana' no masauk ra longgom ru ulun manguasa' ondo' mamarinta giu' ra Israil, maa' raginio kalo mangimbolo' io ra mamagun, kaa' mompoloso ra tana' ondo' suwo no masauk ra longgom ru bansa'-bansa' ru Israil.

MIKA 4:3

Manalasai Io ra pansangaran ra gino ngai' ru bansa'-bansa', ra gino ngai' ru kuasa'-kuasa' maayo ondo' mamaar am ondo' maalur. Mampalarom ilo ra ilang-ilang nilo masauk ra radu', am tutura' nilo masauk ra pais pamutul. Bansa'-bansa' kalo boo makapangayou, am kalo boo tumampos ra mangayou.

LUKAS 2:52

Siminukor boo i Jisus am gaai-gaai kapintaran Nano am niayuk kasagain Io ri Aki Kapuuno' am ulun.

JUANIS 2:25

Kalo pana paintutunon Io ra osoi ayuk pana, sabap ra Io galama' nakatutun noyo ra ngaangai' guangon ru ulun.

JUANIS 7:24

Langgai' min noyo mangakim ra ulun maya' ra atan ondo' makito ayuk, kaa' akimi' min noyo maya' ra atan ondo' motopot.”

IBRANI 5:14

Kaa' pangilaan malandom intor ri Aki Kapuuno' maratian ayuk ru ulun ondo' siminingkot ra pangintapatan, ginio mogondo' ra akanon ondo' sapaan ru ulun nasukor ayuk, ondo' nakaili' noyo am makaulig ra atan moonsoi am atan malaat.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”