JISAYA 11:14 - Tanou Moonsoi Timugon

¹⁴ Mababaya' ilo mongoi pamulunsar ra ulun ru Palistin tampilon ra kalasaan am mampagaau ra mamagun tampilon ra sirangon. Kalaan nilo mamagun ru Idom am Moab. Mamagun ru Amon tuminduku' risilo.

JISAYA 11:14 ပူးပေါင်းရင်းမြစ်များ

JOIL 3:19

Misir masauk ra tana' kaagisan, am Idom masauk ra tuntur ru nalunsai, sabap ra namulunsar ilo ra Jiuda am namatoi ra mamagun nano ondo' kolondo' sala.

DANIL 11:41

am poyo mamulunsar ra tana' ondo' moonsoi am mamatoi ra kaaparan ribu ulun; kaa' pagun ru Idom, Moab am ulun ondo' lakat poyo soroi giu' ra Amon bayagon.

JIRIMIA 49:28

Koon raginio noyo ragu ru Tuhan intor ra bansa' ru Kidar am libung-libung ondo' kinuasa' ru Gajor, iono libung-libung ondo' kinala ru Raja' Nibukadnijar intor ra Babilonia, “Bulunsaro' bansa' ru Kidar, am pusoo' ulun intor ra tampilon sirangon!

JISAYA 25:10

Tuhan manindung ra Bulur Sion, kaa' namagun ru Moab kikinjangin koson ra rami kikinjangin giu' ra intok majamol.

AMOS 9:12

Ulun ru Israil manguasa' ra tayar ru pagun Idom ondo' kalo najajou, am ngaangai' ru pagun ondo' igondo' nasauk ra longgom Kuno.” Gini noyo ragu ru Tuhan ondo' manugut ra baal raginio.

MATIUS 8:11

Karaa' min gitio! Masuang ulun sala' ka bansa' ru Jaudi mabubunsag mababaya' ri Abragam, i Isak am i Jakub giu' ra Tana' Bagu ri Aki Kapuuno'.

JIPANYA 2:5

Aibui boo ramuyun, akau ulun ru Palistin, bansa' ondo' minayan giu' ra nagas. Inaru' noyo ru Tuhan ukuman ramuyun. Mamuso Io ramuyun, am kolondo' sangulun pana maayag.

JISAYA 60:14

Anak-anak ru ulun nangimbolo' rirun matong migulatur koson mangurumat rirun. Ngaangai' ulun ondo' nakaili' nagasab rirun matong migulatur ra kalayam muno. Manabit ilo rirun ra ‘Bandar ru Tuhan’, ‘Sion, Bandar ri Aki Kapuuno' ru Israil, i Aki Kapuuno' ondo' matulai’.

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JISAYA 16:14

kaa' ragino mindagu Tuhan, “Ralalom buoi talu ngambilor, nansalinut kinalangkayaan ondo' anggakon ru Moab no mapuso. Namagun nano ra masuang masauk kalo kukula' am malawo.”

UNTABAN 24:17

Nakakito aku ra orou matong, nakakito aku ra bansa' ru Israil. Intor ra bansa' no, matong sangulun raja', raja' no koson ra butitin mapaang kaga', ondo' sumalula' intor ra Israil. Mamuso io ra tingganai-tingganai ru Moab, am mamuso ra ngaangai' ulun ru Sit.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 14:29

Alii ra ulun ru Palistin, kabalu' pana tataun lalamba' ondo' pinampalamba' ramuyun no pinandak, pai' kau paringkuanang sabap ra amon santaun kukuo matoi, santaun poyo makalalaa' kaga' no matong. Sanginan tambuakal makakawo mabak intor ra talu' ru kukuo.

JISAYA 15:1

Gitio noyo tanou ru Tuhan intor ra Moab. Bandar Ar am Kir pinuso ralalom sorondom ayuk. Titikop pagun ru Moab masauk ra masiluk.

JISAYA 63:1

“Osoi kia io minatong intor ra bandar Bojra giu' ra Idom? Osoi kia io nambayang ra malia' am mugar ra maikang kaga'?” “Io Tuhan ondo' makakuasa' koson mamayag. Io matong koson mapabala' ra kamanangan Nano.”

JIRIMIA 40:11

Liliwa' raginio, ngaangai' ulun ru Israil giu' ra pagun Moab, Amon, Idom am pagun-pagun ra bokon nokorongog ra raja' ru Babilonia nangiou noyo ra santayaran ulun ru Israil mayan giu' ra Jiuda, am ra raja' no nampalantik ri Gidalia masauk ra gabenor nilo.

JIRIMIA 48:40

Binantu' noyo ru Tuhan ra rondo' bansa' manumbit ra Moab koson ra sanginan kanui ondo' nanumbit ra kawo no nabingkal.

JIRIMIA 49:22

Pantula' mamulunsar ra Bojra koson ra susuit kanui ondo' nanumbit ra kawo miningkal. Paat orou raginio saujor ru Idom mangalaa' koson ra ruandu' ondo' maganak.”

YEHEZKIEL 25:14

Ulun Kuno Israil susubon Ku mansuli' ra Idom. Polosoon nilo Idom makaliman ra sangit Kuno ondo' moporos. Makapandai boo Idom ra ati kulaan malimanan masauk intok papaabusan ra sangit Kuno.” Tuhan Raja' nakaindagu noyo.

ABAKUK 1:8

Kuda ru ulun Babilonia maribok poyo intor ra ampunguon am masangit poyo intor ra taani ondo' maitilan. Pulalai ru saujor mangkuda ru Babilonia matong intor ra pagun-pagun maalur; kuda nilo mokobolos ra kukurutuk. Pulalai saujor mangkuda matong mamulunsar koson ra susuit kanui manimpar ra ondo' akanon.

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

TINGGANAI RU BANSA' 6:3

Moonong ra ulun ru Israil mantanom, matong ulun ru Midian mababaya' ra ulun ru Amalik am bansa' ra bokon intor ra tana' kaagisan, am mamulunsar ra ulun ru Israil.

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

JIPANYA 2:7

Mamagun ru Jiuda ondo' maayag mayan ra tana' min. Alungin nilo bibiag tinambiag ra giu' no, am paat ra rondom ti mombolong ilo giu' ra baloi-baloi giu' ra bandar Askilon. Tuhan, i Aki Kapuuno' nilo mabaya' risilo am mampasauk risilo langkaya' saguli'.