JISAYA 11:12 - Tanou Moonsoi Timugon

¹² Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 11:12 ပူးပေါင်းရင်းမြစ်များ

MAZMUR 107:3

am magibit ramuyun sumaguli' intor ra pagun-pagun suai, intor ra sirangon am kalasaan, intor ra ralayo am rabugus.

MAZMUR 147:2

Tuhan napatapuli' ra Jirusalim; Ibiton No ulun ru Israil sumaguli' intor ra namatiran.

MAZMUR 60:4

Ginonggon Mu tana' ti suku' nalapak; punaa' noyo nangapilang no sabap ra tana' ti mauyog.

MAZMUR 68:22

Ulu ru pantula' no popolon ri Aki Kapuuno', ilo ondo' marayus maayag ralalom ru tula.

JISAYA 11:10

Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 18:3

Rongogo' noyo, alii ra ngaangai' namagun ra tana' ti! Inaani' min noyo bandira' ondo' paundokon giu' ra munung ru gunung-gunung! Inaani' min noyo bujung no samputin!

JISAYA 24:16

Intor ra pagun-pagun maalur kaga' maining rimbai pangamparan ri Aki Kapuuno' Ondo' Matimpok Kaga'. Kaa' aku galama' kolondo' kalansanan! Maimbolo' aku! Ulun-ulun mangalaat no rayusin nilo lumaat raki'; kalaatan nilono najanjayan kaga'.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 43:6

Susubon Ku pagun giu' ra ralayo mapalabus risilo, am pagun giu' ra rabugus mapalabus risilo. Polosoon noyo ulun Kuno muli' intor ra pagun-pagun maalur, intor ra titikop pompor ru tana'.

JISAYA 49:22

Tuhan Raja' mindagu ra ulun Nano, “Aniin Ku ra pulanu ra bansa'-bansa' am pasagulion nilo anak-anak muno; anak-anak muno ra ungkuyon no kubibilon, am anak-anak muno ra ruandu' saanin.

JISAYA 49:5

Ra kalo poyo naanak, piniau aku noyo ru Tuhan masauk ra ulipon Nano, koson mapalulur ra ulun ru Israil, maa' raginio sumaguli' ilo Riso. Tuhan napasauk raki' urumaton toojo. I Aki Kapuuno' noyo kaikangan kuno.

JISAYA 54:7

“Sangkinolor ayuk buoi Aku nanatang rirun; ralalom ru togom maayo okou alapon Ku saguli'.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 60:4

Ilai' noyo atan masauk ra libung muno; ulun muno timinimung koson muli' rirun. Anak ungkuyon muno minuli' intor ra pagun maalur, am anak ruandu' muno kinubibil.

JISAYA 62:10

Akau namagun ru Jirusalim, ingkual no intor ra bandar, am pambaal ra ralan ondo' bayaan ru ulun mino ondo' minuli' intor ra pamatiran. Baalo' noyo santaun sangkul; patiri' noyo batu-batu! Pabigoro' noyo bandira' maa' raginio bansa'-bansa' makapandai

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

JIRIMIA 23:3

Timungon Ku ulun Kuno ra bokon intor ra pagun-pagun intok Kuno nampatutuliar risilo. Ibiton Ku ilo saguli' ra namagunan nilo. Mokoondo' ilo ra masuang papag am lumanja' suang nilo.

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”

JIRIMIA 50:4

Indagu Tuhan, “Masaboi paat no, mamagun ru Israil am Jiuda matong mababaya' liliwa' mantangi' am maguyum Raki', i Aki Kapuuno' nilo.

JIRIMIA 51:12

Pangani' ra pulanu koson mamulunsar ra timbok ru bandar Babil. Kapioto' pagalungan! Posoroyo' saujor-saujor giu' ra intok ru sigagama'! Awangi' pantula'!” Nambaal Tuhan ra atan ondo' rinagu Nano intor ra ulun ru Babilonia.

YEHEZKIEL 28:25

Indagu Tuhan Raja', “Ibiton Ku ulun ru Israil muli' intor ra pagun-pagun intok nampatuliaran Kuno risilo, am ngaangai' bansa' makapandai boo ra Aku ti matulai. Ulun ru Israil mayan poyo ra pagun nilo galama', tana' ondo' tinaakan Kuno ri Jakub, ulipon Kuno.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

GOSIA 2:2

Amon ru rumayus io mambaal raginio, iruon Ku ngaangai' binayang nano saboi magibaang koson paat ra io inanak. Pasaukon Ku io koson ra tana' ondo' kolondo' tutuu' am mapua', am matoi io boo ra paason.

JIPANYA 3:10

Kaa' niayuk intor ra Itiopia ondo' maalur, ulun Kuno ondo' nantutuliar no matong am mampataak ra taak simbalui Raki'.

JAKARIA 10:6

Kaikangon Ku mamagun ru Jiuda; mamayag Aku ra mamagun ru Israil. Makaasi' Aku risilo am magibit risilo ngaangai' muli'. Pamakuan Kuno risilo ilain koson ayuk ra ilo kalo igondo' Ku impayi'. Aku noyo Tuhan, i Aki Kapuuno' nilo; iowon Ku pakiasian nilo.

JAKARIA 8:7

Mamayag Aku ra ulun Kuno intor ra pagun-pagun intok ilo pinatiran,

JUANIS 7:35

Tingganai ru ulun ru Jaudi nagindagu ra rondo' am bokon, “Ati nua' angayan Nano saboi kalo makatuum takau Riso? Mongoi Io kia ra ulun ru Jaudi ondo' liminatok ayan ra bandar ru ulun ru Junani? Mongoi Io kia pangila' ra ulun ru Junani?

SAGULION 32:26

Aku musiti' no mamuso risilo ngaangai', maa' raginio kolondo' sangulun pana mangkara' risilo.

JAKUBUS 1:1

Aku i Jakubus, sangulun ulipon ri Aki Kapuuno' am niayuk ulipon ru Tuhan Jisus Kristus. Kaansayan ku ra ngaangai' ulun ri Aki Kapuuno' ondo' soroi ra titikop ru tana' ti.

PINAINTALANG 5:9

Narimbai ilo ra rimbai bagu: “Okou no maaya' mangalap ra naskhah rinulun no am mampalungkab ra segel no, sabap ra pinatoi Kou noyo ra pinatayan Muno namayag Kou ra ulun intor ra moonong papag, ragu, bansa' am pagun, koson ilo ti pataakon ri Aki Kapuuno'.

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.