JISAYA 11:11 - Tanou Moonsoi Timugon

¹¹ Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 11:11 ပူးပေါင်းရင်းမြစ်များ

MIKA 7:12

Mamaguli' ulun min intor ra ati ayuk intok – intor ra sirangon ru Asyur am rabugus ru Misir, intor ra tana' ru Sungoi Iprat, intor ra sandaup ru raat, am intor ra kagunungan ondo' maalur.

ROMA 11:26

Koson raginio ngaangai' ulun ru Israil bayagon. Tinulisan noyo ra Buuk kitab; “Intor ra bandar Sion matong Mamamayag no, mangiru' Io ra ngaangai' kalaatan ru papag ri Jakub.

JISAYA 10:20

Masaboi niayuk bulintok amon ulun ru Israil ondo' naayag kalo boo lumansan ra bansa' ondo' itik poyo mamuso risilo. Topot-topot ilo malansan ra Tuhan, i Aki Kapuuno' ru Israil, i Aki Kapuuno' ondo' matulai.

GOSIA 11:11

Intor ra Misir mansiab ilo mongoi Raki' koson ra kinataki' ru susuit, am intor ra Asyur koson ra susuit asang. Ibiton Ku ilo muli' ra baloi nilo saguli'. Aku, Tuhan nakaindagu noyo.”

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

JISAYA 24:15

am ulun tampilon ra sirangon mongompor Riso. Namagun ra libung ru nagas mongompor ra Tuhan, i Aki Kapuuno' ru Israil.

JISAYA 10:9

Kinala ku bandar Kalno am Karkimis, bandar Gamat am Arpad. Kinala ku bandar Samaria am Damsyik.

KASAUKAN 11:2

Paat ilo minanding tampilon ra sirangon, nakatuum ilo ra tana' limayak ra Babilonia am pamagun ilo ra intok raginio.

KASAUKAN 10:22

Anak-anak ungkuyon ri Siim iono i Ilam, Asyur, Arpaksad, Lud am i Aram, ilo ti noyo kinamatuaan ru ondo' namakai ra inggalan nilo.

KASAUKAN 10:10

Pamarintaan galing ri Nimrod nakaaya' Babil, Irik am Akad. Katatalu no ralalom ru pagun Babilonia.

2 KORINTUS 3:16

Kaa' paninili no bungkiasin, sabap ra tinulisan noyo ra Buuk Kitab, “Binungkias ri Musa paninili i, paat io nakauma' ra Tuhan.”

ROMA 11:15

Paat ra ilo kalo inapu ri Aki Kapuuno' ulun ra bokon ra tana' ti mobonsoi saguli' Riso. Ati kulaan amon ru apuon ilo saguli' ri Aki Kapuuno'? Maaru' ginio koson ra ulun minatoi maayag saguli'!

JAKARIA 9:2

Gamat ondo' nambalit ra pagun Siria pana longgom ru Tuhan, koson niayuk ra bandar Tirus am Sidon am ra ngaangai' kapintaran ru mamagun nano.

JAKARIA 5:11

Taam io, “Inibit nilo io ra Babilonia, am nambaal riso ra kuil ra giu' no. Paat mopongo kuil no, paayanon bakul no ra giu' no koson sambaan.”

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

GOSIA 1:11

Ulun ru Jiuda am ulun ru Israil pasimpungon saguli'. Mampalantik ilo ra sangulun tingganai ra tayar ru bansa' nilo; igondo' poyo masauk ilo ra makasingkot am langkaya' giu' ra pagun nilo. Sotopot no orou ru Jijriil masauk ra orou maayo!

DANIL 11:18

Mopongo raginio raja' ru Siria mamulunsar ra bansa'-bansa' ondo' minayan giu' ra igig ru raat, manguasa' ra masuang bansa'. Kaa' sangulun tingganai ru bansa' ra bokon mangala ra raja' ru Siria am mopolonggo' ra pagasaban ondo' binaal nano, am mambalos ra pagasaban no riso.

DANIL 8:2

Ralalom ru pinaintalang no, pulali' ku nakaliman ra inan ku giu' ra wilayah Ilam, giu' ra Susan, pusor bandar Pirsia. Minigor aku mamaar ra Sungoi Ulai.

YEHEZKIEL 30:14

Saukon Ku tampilon rabugus ru Misir kolondo' tutuu' am masiluk, am solobon Ku bandar Soan giu' ra tampilon ralayo. Ukumin Ku Tibi, pusor bandar no,

YEHEZKIEL 27:6

Kakabil-kakabil muno binaal intor ra puun tataun oak intor ra Basan. Sulig muno binaal intor ra tataun pain intor ra Siprus, am limpor muno binaal intor ra gading.

JIRIMIA 49:23

Koon raginio noyo ragu ru Tuhan intor ra bandar Damsyik, “Mamagun ru bandar Gamat am Arpad maimamang am magalabo sabap ra nokorongog ilo ra tanou malaat. Guang nilo maimamang am magalabo nakalumpa' risilo koson ra kinulun ru raat.

JIRIMIA 44:1

Indagu Tuhan raki' intor ra ngaangai' ulun ru Israil ondo' minayan giu' ra Misir, giu' ra bandar Migdol, Tapanis, Mimpis am tampilon rabugus ru pagun no.

JIRIMIA 31:10

Indagu Tuhan, “Rongog kano bansa' kau ngaangai'! Potonowo' noyo tanou Kuno ra sandaup ru raat Ulun Kuno ondo' pinantutuliar Kuno timungon Ku am alungin Ku koson ra magagalung mantamung ra domba nano.

JISAYA 45:14

Mindagu Tuhan ri Israil, “Gogoto' min kalangkayaan ru tana' ru Misir am Itiopia, Ulun-ulun ru Siba ondo' mangaikang masauk ra longgom muno; nabangkil ilo am mugar ra talikuron muno. Migulatur ilo am mangiou, ‘I Aki Kapuuno' totopot minunor ramuyun; Io no i Aki Kapuuno' rondo'-rondo' ayuk!

JISAYA 42:12

Moonsoi ra ulun ondo' minayan ra pagun-pagun maalur mongompor am mapatulai ra Tuhan!

JISAYA 42:10

Rimbayi' noyo Tuhan ra rimbai bagu; Omporo' Io no, akau titikop ru tana'! Omporo' Io no, okou raat am ngaangai' suang nano, paririmbai kano, akau mamagun ru pagun-pagun ra maalur!

JISAYA 11:16

Ulun Nano ra ondo' lakat poyo naayag, mokoondo' ralan maayo mingkual intor ra Asyur, koson ra kinamatuaan ru ulun ru Israil miningkual intor ra Misir.

MAZMUR 68:22

Ulu ru pantula' no popolon ri Aki Kapuuno', ilo ondo' marayus maayag ralalom ru tula.

KASAUKAN 14:1

Mokoondo' apat ngaulun raja', iono: Raja' Amrapil intor ra Babilonia, Raja' Ariok intor ra Ilasar, Raja' Kidorlaomir intor ra Ilam am Raja' Tidial intor ra Goyim nangayou ra limo ngaulun raja' ra bokon, iono: Raja' Bira intor ra Sodom, Raja' Birsya intor ra Gomora, Raja' Syinab intor ra Adma, Raja' Simibir intor ra Jiboim am raja' intor ra Bila ondo' sabiton niayuk ra Joar.

ESTER 10:1

Raja' Agaswiros nambaal ra kandoi-kandoi pajajalon ra mamagun giu' ra libung-libung ru nagas am niayuk giu' ra libung-libung ra asak giu' ra ralalom ru pamarintaan nano.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 19:21

Mintalang Tuhan ra inan galama' ra ulun ru Misir, makaulig am sumamba ilo Riso, am magibit ilo ra taak simbalui am taak pataakon Riso. Magibot ilo Riso am suguton nilo ibot no.

JISAYA 19:22

Ukumin ru Tuhan ulun ru Misir, kaa' kalupus raginio mamabas Io risilo. Sumaguli' ilo Riso, am rongogon No pakiasian nilono am niayuk mamabas risilo.

JISAYA 37:31

Namagun ru Jiuda ondo' nabayag lumangkaya' koson ra tatanom ondo' nanangasi am mangkawa'.

YEHEZKIEL 29:14

Polosoon Ku ilo mayan giu' ra tampilon rabugus ru Misir, pagun intor nilo. Mayan ilo ra giu' am manirong rondo' pamarintaan ondo' malawo,

YEHEZKIEL 32:24

“Soroi i Ilam ra giu', liniputan ru lobong-lobong ru saujor nano. Ilo ngaangai' minatoi ralalom pangayawan, am timinuun ra intok ru ulun minatoi ra kalo nakaulig ri Aki Kapuuno'. Bulintok naayag, nampatabual ilo mampalalaa' ra gino ngai' ru ulun, kaa' raino minatoi ilo am nansaan ra uyu'.

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

DANIL 1:2

Nangiou Tuhan ra Raja' Nibukadnijar namparakop ra Raja' Joyakim am nampagaau santayaran intor ra kuliamos mongologo giu' ra Baloi ru Tuhan. Nagibit Raja' Nibukadnijar nababaya' riso kukula' ngaulun rinakop am pinaayan ilo giu' ra kuil ru dewa-dewa nano giu' ra Babil. Nambuli io ra kuliamos mongologo no giu' ra ralalom ru intok-intok pambulian ru kuil.

KASAUKAN 2:13

Sungoi karuo, ininggalanan ra Gigon, ondo' tumilis lumiput ra pagun Kus.

SAGULION 9:29

Sala' ka kia ilo ti ulun ondo' pinili' Muno masauk ra ulun Muno galama'? Ilo noyo ondo' inibit Muno miningkual intor ra Misir ra kuasa' am kaikangan Muno ondo' maayo.’ ”

2 RAJA'-RAJA' 17:24

Nagibit raja' ru Asyur ra ulun intor ra bandar Babil, Kuta, Awa, Gamat am Siparwaim minongoi ra bandar-bandar giu' ra Samaria koson mamalit ra ulun ru Israil ondo' pinatiran ra pagun. Sinalingapu nilo ra bandar-bandar no am ayan ra giu' no.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 22:6

Ulun ru Siria minatong kiminura' ra kuda am kurita' kuda, ulun ru Ilam nananggal ra panah am tanggayan no, am ulun ru Kir tumampos magibit ra ampin.

JISAYA 49:12

Intor ra maalur ulun Kuno sararatong, intor ra ralayo, kalasaan am Sinim giu' ra rabugus.”

GOSIA 11:10

Indagu Tuhan, “Mansangal Aku koson ra singa' ra pantula' ru ulun Kuno, am ulun Kuno maya' Raki'. Intor ra tampilon kalasaan matong ilo Raki' ra mataki'.

JAKARIA 8:7

Mamayag Aku ra ulun Kuno intor ra pagun-pagun intok ilo pinatiran,