JISAYA 11:10 - Tanou Moonsoi Timugon

¹⁰ Masuku' sangarawan bulintok ra sangulun raja' papag ru raja' Daut masauk ra tatandu' ru ngaangai' bansa'. Matong ilo riso, am bansa' nano galama' masauk ra sasabiton.

JISAYA 11:10 ပူးပေါင်းရင်းမြစ်များ

KASAUKAN 49:10

Mampaguut i Jiuda ra susukur ru parinta. Papag nano magail mamarinta. Bansa'-bansa' magibit ra upiti riso, am migulatur ra guang gumagaya' ra saang nano.

1 TUNUNG RU BANSA' ISRAIL 2:12

Obid, Isai.

MAZMUR 116:7

Kolondo' pagalabaan kuno, sabap ra moonsoi Tuhan raki'.

MAZMUR 145:11

Tunungon nilo katulayan am kuasa' Muno koson ra Raja', am mapabala' ra kuasa' Muno,

MAZMUR 149:5

Musiti' no maansukan ulun ri Aki Kapuuno' sabap ra namanang ilo, am masuaban ilo maririmbai ra maansukan.

MAZMUR 91:1

Ulun ondo' sumindung Riso Ondo' Masawat Kaga', ulun ondo' siminindung Riso Ondo' Maayo Kaga' Kuasa',

MAZMUR 91:4

Sindungin No akau ra kawo Nano; maayag kau ralalom ru pagalungan Nano; gagaya' Nano mangampin am magalung rirun.

JISAYA 11:1

Papag ri Raja' Daut koson ra puun ondo' tinagar. Kaa' koson ra talantar bagu tumuu' ra tuor ru puun tataun, koson niayuk ra sangulun raja' bagu ondo' sumalula' intor ra papag ri Raja' Daut.

JISAYA 11:12

Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 14:3

Langgain ru Tuhan karualan am kaimbalaan ru ulun ru Israil. Palabuson No ilo intor ra kandoi maagat ondo' pinajajal risilo.

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:2

Bulintok orou ra matong bulur intok ru Baloi ru Tuhan masauk ra bulur ondo' masawat kaga' ra ilo ngai' bulur ra bokon. Ngaangai' bansa' saguguluyur mongoi ra giu',

JISAYA 2:3

am mindagu ilo, “Ongoi takano ra bulur ru Tuhan, ra baloi ri Aki Kapuuno' ru Israil. Mangila' Io ritakau ra atan kasagaan Nano; am maya' takau ra ralan ondo' pinili' Nano, sabap pangilaan ru Tuhan intor ra Jirusalim; intor ra Sion Io mindagu ra ulun Nano.”

JISAYA 28:12

Tuhan manaak ramuyun ngaangai' ra intok tangusan, kaa' marara' kau mangkirongog Riso.

JISAYA 42:4

Kalo maimamang kapoam lumuku saboi mapabigor io ra katimpakan ra tana'. Pagun-pagun ondo' maalur magiginaa ra pangilaan nano.”

JISAYA 49:22

Tuhan Raja' mindagu ra ulun Nano, “Aniin Ku ra pulanu ra bansa'-bansa' am pasagulion nilo anak-anak muno; anak-anak muno ra ungkuyon no kubibilon, am anak-anak muno ra ruandu' saanin.

JISAYA 59:19

Intor ra sirangon suku' ra kalasaan, moonong ulun malaa' ra katulayan am kuasa' Nano. Matong Io koson ra timug ru sungoi ondo' maaug am koson ra bagiu'.

JISAYA 60:3

Bansa'-bansa' ra bokon matong saguguluyur ra sinda muno, raja'-raja' nabunduk ru sinda siminila' koson rirun.

JISAYA 60:5

Makito mu baal raginio am bulos muno maamis ra ilain; maansukan kaga' guang muno am maayo guang. Rapu' ru bansa'-bansa' poropogon rirun, kinalangkayaan intor ra sandaup ru raat tumuluk rirun.

JISAYA 62:10

Akau namagun ru Jirusalim, ingkual no intor ra bandar, am pambaal ra ralan ondo' bayaan ru ulun mino ondo' minuli' intor ra pamatiran. Baalo' noyo santaun sangkul; patiri' noyo batu-batu! Pabigoro' noyo bandira' maa' raginio bansa'-bansa' makapandai

JISAYA 66:19

am makaliman ra Aku noyo mangukum risilo. Kaa' santayaran risilo no bayagon Ku, am pootoron Ku ra bansa'-bansa' giu' ra pagun-pagun maalur, ondo' kalo poyo igondo' pokorongog ra katulayan Kuno, kapoam makakito ra kinaayo Kuno am kuasa' Kuno. Pootoron Ku ilo giu' ra Sipanyol, Libia am Lidia mabaya' ra ulun mapandai kaga' mamanah, am niayuk giu' ra Tubal am Junani. Pabalaan nilo katulayan Kuno ra tatanga' ru ngaangai' bansa' no.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

AGAI 2:9

Baloi Kuno ondo' bagu maindon poyo intor ragili, am giu' no panganian Ku ra ulun Kuno ra kalangkayaan am kaansayan.” Ginio noyo ragu ru Tuhan Ondo' Maayo Kaga' Kuasa'.

JAKARIA 6:13

Io noyo ondo' mambaal ra Baloi Kuno am mangapu ra urumat ondo' aniin ru raja', am mamarinta io ra mamagun nano. Sangulun imam mamaya' riso am maguyu mangandoi ra moonsoi.’

UNTABAN 10:33

Paat ra ulun ru Israil nangiruan ra Sinai, gunung matulai no, minugar ilo buoi talu ngoorou. Kaban Nabantuan ru Tuhan magail ibiton sumigulu risilo koson maguyum ra intok pangkiman nilo.

MATIUS 12:21

am ngaangai' bansa' malansan Riso.”

MATIUS 8:11

Karaa' min gitio! Masuang ulun sala' ka bansa' ru Jaudi mabubunsag mababaya' ri Abragam, i Isak am i Jakub giu' ra Tana' Bagu ri Aki Kapuuno'.

LUKAS 2:32

Koson ra sinda mapakatawang ra ralan manulu' Io ra ulun sala' ka Jaudi rumatong Rirun. Io niayuk sinda ondo' mampasauk ra ulun Muno Israil urumaton.”

JUANIS 12:32

Paat ra Aku ti painsawaton intor ra tana', poongoyon Ku ngaangai' ulun Raki'.”

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 28:28

Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

IBRANI 4:1

Raino, bantu' ri Aki Kapuuno' ni lakat poyo soroi ra tumangus takau mabaya' Riso. Intor raginio, ilalai' takau noyo ra kolondo' ra sangulun kalo makatangus mabaya' Riso.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.

PINAINTALANG 22:16

“Aku, i Jisus, nakapanusub Aku no ra malaikat Kuno mongoi pampabala' ramuyun ra baal ragitio ra pasimpungan ulun Kristian no. Aku ti papag ru raja' Daut; Aku no butitin sirangon ondo' mapaang no.”

PINAINTALANG 5:5

Indagu boo sangulun intor ra tingganai no raki', “Pai' pantangi'! Ilai' noyo! Singa' intor ra bansa' ru Jiuda, papag maayo ru raja' Daut no, nangala io noyo ra kuasa' ru kalaatan. Mamalungkab Io ra tulu' segel am mamingkal ra naskhah rinulun no.”