JISAYA 10:5 - Tanou Moonsoi Timugon

⁵ Mindagu Tuhan, “Aibui boo ra Asyur! Pamakuan Kuno ra Asyur koson ra tataun pamalamba' mangukum ra ulun ondo' sangitin Kuno.

JISAYA 10:5 ပူးပေါင်းရင်းမြစ်များ

KASAUKAN 10:11

Intor ra pagun raginio, minongoi io ra Asyur am pambaal io ra bandar Niniwi, Rigobot-Ir, Kalag,

2 RAJA'-RAJA' 18:25

Mangkara' kau kia ra mamulunsar aku ra pagun min am mamuso raginio ra kalo indanganon ru Tuhan? Tuhan galama' nanusub raki' mamulunsar am niayuk mamuso raginio.”

2 RAJA'-RAJA' 19:25

Kalo poyo kia nokorongog kou ra Aku noyo nangatang ra ngaangai' no intor ra galing i? Raino binaal Ku noyo. Aku no ondo' nangani' rirun ra kuasa' koson mamuso ra bandar-bandar mokoondo' ra kubu saboi nasauk ra tuntur ru batu.

MAZMUR 125:3

Ulun malaat kalo rayusin no mamarinta ra pagun ru ulun ri Aki Kapuuno', maa' raginio ulun ondo' gumagaya' ri Aki Kapuuno' kalo maya' mambaal ra malaat.

MAZMUR 17:14

Palabuso' aku no intor ra ulun ondo' manimung ra rapu' ra tana' ti. Ratangi' ilo ra karaat ondo' natampos Mu noyo risilo; am ukumi' niayuk ngaangai' anak suku' ra akupu nilono.

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

JISAYA 10:25

Kalo boo mabuoi lumonggo' Aku mangukum ramuyun, am pusoon Ku ilo.

JISAYA 13:5

Minatong ilo intor ra pagun ra mangaalur, pompor ru tana' ti. Sabap ra sangit Nano, Tuhan matong koson mamuso ra titikop ru tana' ti.

JISAYA 14:24

Nampator Tuhan Ondo' Maayo Kaga' Kuasa', “Atan ondo' inatang Kuno masugut. Atan ondo' inaru' Kuno masauk.

JISAYA 14:25

Pusoon Ku ulun ru Asyur giu' ra Israil pagun Kuno, am manginginjang risilo intor ra rasawat ru gunung-gunung Kuno. Palabuson Ku ulun Kuno intor ra pangimbalaan ru ulun ru Asyur am intor ra kapaganan nilono.

JISAYA 23:13

Sala' ka ulun ru Asyur, kaa' ulun ru Babilonia ondo' nopoloso ra tambiag masigo salilitau giu' ra Tirus. Ulun ru Babilonia ondo' namangun ra manara-manara koson mampalibung ra pantula'; ilo noyo namuut ra kubu-kubu giu' ra Tirus, am niayuk napasauk ra bandar no napuut.)

JISAYA 26:20

Subol kano ra baloi mino, akau bansa' kuno, am angabi' kulobon. Pansibuni sangkinolor, saboi sangit ru Tuhan luminos.

JISAYA 29:2

am porotongon ri Aki Kapuuno' karaat ra bandar ondo' sabiton ra Altar ri Aki Kapuuno'. Bolos pantangian am manulaboi maining, am titikop ru bandar no masauk koson ra altar ondo' natuba' ru raraa'.

JISAYA 30:27

Kuasa' am katulayan ru Tuhan makito intor ra maalur. Apui am lisun tatandu' ra kasangitan Nano. Bulintok ra Io mindagu, ragu no sumuru koson ra apui.

JISAYA 30:30

Porongogon ru Tuhan bolos Nano ondo' matulai no, am moonong ulun makaliman ra kasangitan Nano ondo' makasimbula'. Kasangitan Nano maparatong ra apui ondo' makapangumpo, bagiu', rasam batu am rasam maawas.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

JISAYA 34:2

Tuhan sumangit kaga' ra ngaangai' bansa' am pulalai ru saujor nilono. Mangukum am mamuso Io risilo.

JISAYA 66:14

Paat ra akau makakito ra kasaukan raginio, maansukan kau. Maligag kau koson ra sakot malabung. Bagu no makapandai kau ra Aku, Tuhan mangindangan ra ulun ondo' gumagaya' Raki', am pakitonon Ku sangit Kuno ra pantula' Kuno.”

JISAYA 7:17

Porotongon ru Tuhan raja' Asyur, am okou mabaya' ra ngaangai' papag muno am niayuk mamagun makaliman ra karaat ondo' malaat kaga' ka atan ondo' natutunan nilo intor ra Israil nakatuliar intor ra Jiuda.

JISAYA 7:20

Bulintok raginio Tuhan mampagaji' ra sangulun manunukur, ioginio raja' Asyur intor ra sandaup ru sungoi Iprat. Raja' no manukur ra jangut am abuk ra ulu ru ulun ru Israil, am niayuk bulu ra inan nilono.

JISAYA 8:4

Ra kalo poyo makapanabit io ‘ina'’ am ‘ama'’, ngaangai' rapu' ru bandar Damsyik am ngaangai' kuliamos ondo' ginaau ru Samaria ibiton ru raja' ru Asyur.”

JISAYA 8:7

Aku, Tuhan, mamparatong ra raja' ru Asyur am ngaangai' saujor nano koson mangayou ra Jiuda. Jumalai ilo koson ra liur intor ra Sungoi Iprat ondo' lumuab-luab am masakob tobo nano.

YEHEZKIEL 22:31

Ginio ra pinaabus Ku sangit Kuno risilo. Koson ra apui, mamuso Aku risilo sabap ra binaal nilo.” Tuhan Raja' nakaindagu noyo.

YEHEZKIEL 7:10

Orou karaat ra tayar ru Israil mamaar noyo. Pampatayan gumaai-gaai. Kalimbawan nokopolos ra tampak nano.

DANIL 11:36

“Raja' ru Siria mambaal maya' ra kasagaan ru guang. Nabaya' ra kalimbawan, karaan ru raja' ra maayo io poyo intor ra dewa ru ati pana, am poyo makakuasa' poyo intor ri Aki Kapuuno' Ondo' Masawat Kaga'. Nambaal raja' no raginio saboi ra paat ri Aki Kapuuno' mangukum riso. Baalon ri Aki Kapuuno' totopot koson ra inatangan Nano.

NAGUM 1:1

Gitio noyo tanou intor ri Aki Kapuuno' intor ra bandar Niniwi. Tanou ti pinabala' ralalom pinaintalang ri Nagum, sangulun nabi intor ra Ilkos.

ABAKUK 1:12

Iou Tuhan, Okou i Aki Kapuuno' intor noyo ra galing. Okou i Aki Kapuuno' kuno ondo' matulai am mantilayun. Iou Tuhan, i Aki Kapuuno' kuno am manindung raki', nampili' Kou ra ulun Babilonia; nampaikang Kou risilo maa' raginio makapangukum ramon.

JIPANYA 2:13

Mopongo raginio pakayon ru Tuhan kuasa' Nano koson manutuk ra Asyur. Bandar Niniwi saukon ra intok ondo' masiluk kaga' am tana' kaagisan ondo' mapua'.

UNTABAN 24:24

Matong ulun-ulun mapajunjung no intor ra Siprus am napagaau ra Asyur am Gibir. Kaa' pupus no ilo pana mapuso ra sabuoi-buoi no.”