JISAYA 10:4 - Tanou Moonsoi Timugon

⁴ Bulintok mangayou matoi kau, kapoam ralaaton koson ra ulun rinakop. Kaa' nasauk pana baal koson raginio, sangit ru Tuhan lakat poyo kalo malulu'; lakat Io poyo masaga' mangukum ramuyun.

JISAYA 10:4 ပူးပေါင်းရင်းမြစ်များ

JISAYA 22:2

Kalo moonsoi ngaangai' ulun ru bandar mangiantak am magilakup maansukan. Ulun mino ondo' minatoi ralalom ru pangayawan ti sala' ka minatoi sabap ra namulunsar.

JISAYA 24:22

Timungon ri Aki Kapuuno' raja'-raja' koson ra ulun narakop ralalom rondo' luang. Aputon No ilo saboi orou pangakiman risilo masuku'.

JISAYA 34:3

Baangkai nilono kalo lobongon, kaa' polosoon mootong. Ngaangai' gunung masauk malia' sabap ra maliuran ru raraa'.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JISAYA 9:11

Bansa' ru Siria tampilon ra sirangon am bansa' ru Palistin tampilon ra kalasaan mampagaal ra kabang koson monolon ra Israil. Kaa' kabalu' pana masauk baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JISAYA 9:12

Ulun ru Israil lakat poyo kalo tumalikur intor ra tula. Kabalu' pana Tuhan Ondo' Maayo Kaga' Kuasa' nangukum risilo, kaa' lakat ilo poyo kalo sumaguli' Riso.

JISAYA 9:16

Ginio ra kalo polosoon ru Tuhan ulun mamulok nilo lumabus. Kalo igogondo' Io pakaasi' ra ulun napuor am lalaing nailusan ra matuo, sabap ra ngaangai' ulun no namatir ra pangintapatan am liminaat. Nansalinut raguon nilono malaat. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JISAYA 9:17

Kalaatan ru ulun raginio manimbula' koson ra apui monolob ra kusingan am kaalaban. Simbula' nano koson ra kataunan nosolob ondo' lisun nano makapal.

JISAYA 9:20

Namagun ra Manasi am namagun ra Ipraim mangayou ra rondo' am bokon, am mababaya' ilo mamulunsar ra Jiuda. Kaa' masauk pana baal raginio, sangit ru Tuhan lakat poyo kalo malulu'; lakat Io poyo masaga' mangukum risilo.

JIRIMIA 15:2

Amon ru mangkuot ilo rirun ra intok musiti' ilo mongoi, taamo' koson ragitio, ‘Indagu Tuhan, ulun ondo' inaru' matoi sabap ra maruol, polosoon noyo ilo matoi sabap ra maruol! Ulun ondo' inaru' matoi ralalom pangayawan, polosoon noyo ilo matoi ralalom pangayawan! Ulun ondo' inaru' ra matoi sabap ra bitilan, polosoon noyo ilo matoi ra bitilan! Ulun ondo' inaru' masauk ra ulun rinakop, polosoon noyo ilo auton koson ra ulun rinakop!’

JIRIMIA 37:10

Amon ru makasugut kau mangala ra ngaangai' saujor ru Babilonia, saboi ondo' soroi ayuk am ulun ondo' nangapilatan giu' ra ralalom ru kim-kim, kaa' tumirong ilo am monolob ra bandar ti saboi makai'.”

JIRIMIA 4:8

Ginio ra pantangi' no am panulaboi no, pambayang no ra konoon karung tatandu' ra mangiluk guang, sabap ra sangit ru Tuhan ondo' bibilak ra Jiuda kalo poyo nakalinos.

GOSIA 9:12

Kaa' kabalu' pana anak-anak inanak am pinasukor, alapon Ku anak-anak nilo am kolondo' sangulun pana maayag. Paat ra Aku mangiruan ramuyun, baal-baal makalalaa' lumumpa' ramuyun.”

IMAMAT 26:17

Manggal Aku ramuyun saboi kalaan kau ru pantula'. Kuasaan kau ru ulun ondo' masisang ramuyun, am malaa' kau kaga' saboi magiru' kau kabalu' pana kolondo' ulun mangilou ramuyun.

SAGULION 32:30

Kua kia saribu ngaulun naala ru sangulun, am mopor ngaribu ngaulun naala ru ruo ngaulun ayuk? Tuhan, Aki Kapuuno' nilo nangiruan noyo risilo; i Aki Kapuuno' nilo ondo' mapanggol napataak noyo risilo ra pantula'.