JISAYA 10:34 - Tanou Moonsoi Timugon

³⁴ Tagaron ilo ru Tuhan, koson ra puun giu' tatanga' ru kataunan tagaron ra kapak. Kabalu' pana maikang ilo koson ra puun ondo' moonsoi kaga' giu' ra Libanon, maaba' ilo niayuk.

JISAYA 10:34 ပူးပေါင်းရင်းမြစ်များ

JISAYA 37:24

Nanusub kou ra kukula' ngaulun koson lumimbau ri saang Kuno, pangkaraan muno kurita' kuda muno makapanguasa' ra gunung-gunung mangasawat giu' ra Libanon. Ragu muno ayuk maayo ra tinagar mu kunu' puun ru tataun sidar ondo' masawat kaga', am puun ru sipris ondo' moonsoi kaga', am naliput mu kunu' kataunan ru Libanon ondo' makapal no.

PINAINTALANG 18:21

Rondo' malaikat ra maikang no boo nangkayang ra rondo' batu kinsaran maayo am patiri' no ra raat am indagu, “Koson noyo ragitio baal ru bandar Babil ondo' maayo, lunsayon saboi mapuso am kalo boo makito io.

PINAINTALANG 10:1

Kakito ku boo rondo' poyo malaikat maikang tumuun intor ra suruga'. Kinulumput io ru gaun no am liminiput bulintung no ra ulu nano. Bulos nano makabinusasal koson ra mato ru orou am kalayam nano koson ra sinimbula' ru apui.

2 PITRUS 2:11

Kaa' malaikat-malaikat pana ondo' maayo poyo kinaikang am kuasa' nilai no ka ulun-ulun migigiangku ra mangingila' no, kalo noyo makakau' manguu' am magasab risilo ondo' maayag ra matulai no ra saang ru Tuhan.

2 TISALONIKA 1:7

Am poyo mangani' Io ra katasuan ramuyun ondo' raino ti imboloon, mogondo' niayuk ramon. Gitio saukon Nano paat ra Tuhan Jisus mintalang intor ra suruga' mabaya' ra malaikat mangaikang Nano,

NAGUM 1:12

Gitio noyo ragu ru Tuhan ra ulun Nano, “Kabalu' pana ulun ru Asyur maikang am masuang, pusoon ilo am lumiot. Akau ulun Kuno, kabalu' pana nangkinibit Aku noyo ramuyun naimbolo', kalo boo baalon Ku ginio.

DANIL 4:23

Tatanga' ra okou magilong, rondo' malaikat tumuun intor ra suruga' am mindagu, ‘Tagaro' puun tataun no am pusoo', kaa' polosoon tuor nano ra tana'. Bongkoso' tuor no ra rantai basi' am tambaga', am patatango' tuor no mabaya' ra sakot giu' ra padang. Polosoo' ulun no matiu' ru bolobou, am polosoo' io mayan ra giu' masimpung ra bibiag buoi tulu' ngambilor.’

JIRIMIA 48:2

katulayan ru Moab liminiot noyo. Ginaau noyo ru pantula' bandar Gisybon; pantula' naguguum koson mamuso ra bansa' ru Moab. Bandar Madmin masauk ra masiluk; saujor ru pantula' mamulunsar riso.

JIRIMIA 22:7

Mangator Aku ra ulun koson manutuk raginio. Magibit ilo ra kapak, puuton boo lugu'-lugu' ondo' moonsoi, ondo' binaal intor ra tataun sidar. Mopongo raginio pasuboon nilo boo ra ralalom ru apui.

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JISAYA 31:8

Asyur pusoon ra pangayawan, kaa' sala' ka ralalom ikang ru ulun. Ulun ru Asyur magiru' mangiruan ra pangayawan, am nasuangan tuu' bagu nilono saukon ra ulipon.

JISAYA 10:18

Kataunan makapal am umo ra malabung giu' ra Asyur pinuso toojo koson ra sangulun marualan maimbolo' suku' matoi.

MAZMUR 103:20

Omporo' noyo Tuhan, akau ngaangai' malaikat ondo' maikang am mapanggol, ondo' mangkirongog am mambaal ra susuban Nano!

JISAYA 2:13

Pusoon No ngaangai' puun ru sidar ondo' masawat giu' ra Libanon, am ngaangai' puun mangaayo giu' ra Basan.

JISAYA 33:9

Pagun nokoloso am masiluk. Kataunan ra Libanon nasauk liminonot; limayak Saron ra malabung nasauk koson ra tana' kaagisan; giu' ra Basan am Gunung Karmil raun-raun nangatutu'.

YEHEZKIEL 31:3

Okou koson ra puun tataun sidar giu' ra Libanon, nososok ra pango ondo' masuang am moonsoi, puun tataun ondo' masawat saboi untu nano makasaboi ra gaun.