JISAYA 10:3 - Tanou Moonsoi Timugon

³ Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JISAYA 10:3 ပူးပေါင်းရင်းမြစ်များ

KASAUKAN 31:1

Norongog ri Jakub anak-anak ungkuyon ri Laban minindagu ragitio, “Inalap ri Jakub no ngaangai' rapu' ru ama' takano. Ngaangai' kalangkayaan nano, ginio intor ra rapu' ru ama' takano.”

2 RAJA'-RAJA' 7:15

Minugar ilo saboi ra Sungoi Jordan, am giu' ra galur ru ralan nakakito ilo ra bayang am kuliamos-kuliamos ondo' tinatang ru ulun ru Siria paat ra ilo nagigiru'. Kopongo raginio ulun-ulun sinusub no siminaguli' am pambala' ra raja' ra baal raginio.

AYUP 31:14

Amon ru kalo, ati kulaan aku muma' ri Aki Kapuuno'? Atan kia ondo' maragu kuno paat ra aku akimin ri Aki Kapuuno'?

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 17:4

Mindagu Tuhan, “Bulintok nano masuku' paat ra kuasa' ru Israil no langgain, am kinalangkayaan nilono mapuso.

JISAYA 20:6

Bulintok raginio, ulun ondo' minayan ra libung ru nagas pagun ru Palistin no mindagu, ‘Ilai' noyo baal ondo' nasauk ra bansa' ondo' kalansanin takano koson mangampin ritakau intor ra pangayawan ru raja' ru Asyur! Ati kulaan takau maayag?’ ”

JISAYA 26:14

Ragino minatoi ilo noyo am kalo boo maayag saguli'; baangkai nilono kalo boo tumirong saguli', sabap inukuman Mu ilo am namuso risilo. Kolondo' osoi-osoi pana mangkara' risilo.

JISAYA 26:21

Tuhan matong intor ra intok Nano giu' ra suruga' koson mangukum ra ulun ra tana' ti sabap ra tula nilo. Namatayan ra inopot ra tana' ti masingkual, am lobong pana kalo boo mapasibuni risilo ondo' pinatoi.

JISAYA 28:20

Koson kau ra ulun kuminam pombolong ra rasawat ru katil ondo' mariwa' kaga', ondo' bajang no malilis koson kusiban.

JISAYA 29:6

Tuhan Ondo' Maayo Kaga' Kuasa' mapalabus rirun am ra bagiu' am tana' mogonggon ondo' makalalaa'. Porotongon No bagiu' am apui ondo' masimbula'.

JISAYA 30:16

Kaa' mangatang kau koson magiru' intor ra pantula' am kumura' ra kuda ondo' maribok. Sotopot no akau musiti' no magiru'! Indoson min kuda mino maribok, kaa' ulun mangingilou ramuyun no poyo maribok!

JISAYA 30:5

kaa' namagun ru Jiuda pansagulian guang sabap ra lumansan ra bansa' ondo' kalo kalansanan, bansa' ra mapakaruol ra guang paat ilo gumogot makiindangan.”

JISAYA 30:7

Pangindanganan ondo' pataakin ru ulun ru Misir no kolondo' onong. Ginio ra sabiton Ku Misir no, ‘Tambuakal ra kalo makalalaa'.’ ”

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JISAYA 39:3

Kopongo raginio Nabi Jisaya minuma' ra Raja' Gijkia am pangkuot, “Ati intor ru ngaangai' ulun ti, am atan ragu nilo?” Taam Raja' Gijkia, “Intor ilo ra Babilonia, pagun ondo' maalur kaga'.”

JISAYA 5:14

Kabang ru intok kapatayan gumaal toojo koson monolon ra ulun paawang giu' ra Jirusalim mababaya' ra nasuangan ulun ondo' mangiantak.

JISAYA 5:26

Ilai' Tuhan manaak ra pulanu ra bansa' ondo' maalur. Sisiukon No mampiau risilo intor ra pompor ru tana' ti am mataki' ilo matong!

JIRIMIA 22:7

Mangator Aku ra ulun koson manutuk raginio. Magibit ilo ra kapak, puuton boo lugu'-lugu' ondo' moonsoi, ondo' binaal intor ra tataun sidar. Mopongo raginio pasuboon nilo boo ra ralalom ru apui.

JIRIMIA 4:30

Alii ra Jirusalim, malumpa' kou ru karaat! Kua pambayang kou ra malia'? Kua palimpor kou ra mas kapoam pirok, am niayuk manait ra mato? Banangan mu ayuk mampapakai! Ngaangai' ru kubayau muno ra galing i magasab rirun am niayuk masaga' ilo mamatoi rirun.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

JIRIMIA 9:9

Kalo kia musiti' Aku mangukum risilo sabap ra binaal nilo? Kalo kia musiti' Aku mansuli' ra bansa' koson raginio? Aku, Tuhan, nakaindagu noyo.”

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

GOSIA 9:5

Paat ra pangiantakan ru ugama koson mangurumat ra Tuhan, kalo makapambaal kau ra atan-atan koson mangiantak raginio.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

LUKAS 19:44

Mamagun muno potoyon am kolondo' rondo' batu pana posoroyon ra intok nano am lunsayon kou. Gitio masauk sabap ra kalo natutunan mu ra minatong noyo i Aki Kapuuno' mamayag rirun!”

SAGULION 28:49

Maparatong Tuhan ra rondo' bansa' intor ra pompor ru tana' koson gumula' ramuyun, bansa' ondo' ragu nano kalo maratian min. Koson ra kanui, manumbit ilo ramuyun.

1 PITRUS 2:12

Kaayag kano ra moonsoi ra sasanggilan akau lumatok ra ulun ondo' kalo nakaulig ra Tuhan. Maa' raginio, paat ra ilo manguu' ramuyun ra akau ti ulun malaat, makamakito ilo ra sotopot no moonsoi ayuk baalon min i, suku' mokopongompor ilo ri Aki Kapuuno' paat ra orou pangukuman Nano ondo' matong.