JISAYA 10:20 - Tanou Moonsoi Timugon

²⁰ Masaboi niayuk bulintok amon ulun ru Israil ondo' naayag kalo boo lumansan ra bansa' ondo' itik poyo mamuso risilo. Topot-topot ilo malansan ra Tuhan, i Aki Kapuuno' ru Israil, i Aki Kapuuno' ondo' matulai.

JISAYA 10:20 ပူးပေါင်းရင်းမြစ်များ

JISAYA 50:10

Akau ondo' mangurumat ra Tuhan, am mangkirongog ra ragu ru ulipon Nano, ralan ra bayain mino magu' molondom, am kolondo' sinda makatampulau ramuyun; kaa' pangintopot noyo ra Tuhan; am lansang no ri Aki Kapuuno' mino.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

2 TUNUNG RU BANSA' ISRAIL 28:20

Raja' ru Asyur minatong sala' ka koson mangindangan ra Raja' Agas, kaa' koson mantipagon riso.

2 RAJA'-RAJA' 16:7

Nanusub Raja' Agas ra kukula' ngaulun mongoi ra Raja' Pul, intor ra Asyur, am ra bilin ragitio, “Gagayaan tokou. Ginio ra ratong no koson mamayag raki' intor ra raja'-raja' ru pagun Siria am Israil ondo' tatanga' mamulunsar raki' raino.”

GOSIA 14:3

Saguli' kano ra Tuhan, am polosoon pakiasian ti masauk ra taak min Riso: “Ampuno' noyo ngaangai' tula mai, iou Tuhan, am apuo' pakiasian mai. Akai pana mongompor Rirun koson ra ondo' binantu' mai.

GOSIA 5:13

Paat ra Israil am Jiuda makaliman ra baal nilo ondo' kalo moonsoi, mongoi Israil ra pagun Asyur koson makiindangan intor ra raja' ondo' matulai, kaa' raja' no kalo makapangindangan kapoam mamuna' ra baal nilo.

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 6:13

Poyo amon ru mokoondo' sangungulun intor ra mopor natatang ra pagun no, io pana pusoon. Masauk io koson ra tuor ru puun oak ondo' tinagar. Tuor no tatandu' ra talimpuunan bagu ru ulun ri Aki Kapuuno'.”

IJRA 9:14

Ginio ra, ati kulaan lair akai mompoloso poyo ra susuban Muno, am nagagandu' ra ulun ondo' malaat no? Amon baalon mai ginio, maaru' sumangit Kou am mamuso ramon ra malingon, saboi kolondo' sangulun pana maayag.

2 RAJA'-RAJA' 19:31

Giu' ra Jirusalim am niayuk giu' ra Bulur Sion mokoondo' ra ulun ondo' maayag, sabap ra Tuhan nangaru' noyo ra baal ragitio masauk.

2 TUNUNG RU BANSA' ISRAIL 14:11

Nakiasi' Raja' Asa ra Tuhan, i Aki Kapuuno' nano, “Iou Tuhan, masaga' kou mangindangan ra saujor ondo' malawo koson Okou mangindangan ra pulalai ondo' maikang. Raino indangano' akai, iou Tuhan, i Aki Kapuuno' mai, sabap ra lumansan akai Rirun. Ralalom inggalan Muno, akai raino mingkual mangayou ra saujor ondo' maayo ti. Okou no i Aki Kapuuno' mai, iou Tuhan; kolondo' osoi pana malansan makapangala Rirun.”

JISAYA 11:16

Ulun Nano ra ondo' lakat poyo naayag, mokoondo' ralan maayo mingkual intor ra Asyur, koson ra kinamatuaan ru ulun ru Israil miningkual intor ra Misir.

JISAYA 46:3

“Rongogo' Aku no, akau papag ri Jakub, akau ngaangai' ondo' ulun Kuno ra naayag. Aku nagalung ramuyun intor poyo ra akau inanak.

JIRIMIA 44:14

Kolondo' sangulun pana intor ra ulun ru Jiuda ondo' minayan giu' ra Misir makapagiru' kapoam maayag. Kolondo' sangulun pana makauli' ra Jiuda, intok namagunan ondo' moondom ilo koson ra intok ayanan. Kolondo' makauli' ondo' ayuk am kukula' ngaulun nakapagiru'.”

MIKA 5:3

Pakasuku' panguasa' no, mamarinta io ra mamagun nano mabaya' ra kaikangan am kuasa' intor ra Tuhan, i Aki Kapuuno' galama'. Mamagun nano maayag ra makakaansayan sabap ra ngaangai' bansa' ra tana' ti mangiou ra katulayan nano,

JIPANYA 3:13

Ulun ru Israil ondo' maayag kalo lumaat ra osoi pana; kalo magabau ilo am kalo mamparuung. Lumangkaya' ilo am makakaansayan; kalo malaa' ilo ra osoi pana.”

2 TUNUNG RU BANSA' ISRAIL 28:16

Ulun ru Idom tumalimpuun poyo mamulunsar ra Jiuda am namparakop ra masuang ulun. Ginio ra nakiindangan Raja' Agas intor ra Raja' Tiglat-Pilisir, raja' ru pagun Asyur.

JIRIMIA 3:23

Banangan ayuk akai sumamba ra sinungkalalaing giu' ra tampak-tampak ru bulur! Pangindangan ra Israil matong ayuk intor ra Tuhan, i Aki Kapuuno' mai.