JISAYA 10:2 - Tanou Moonsoi Timugon

² Ginio noyo namakuan min mongompong ra ulun musikin mangalap ra matanda' risilo am katimpakan, am niayuk mampagaau ra longgom ru ulun napuor am anak nailusan ra matuo.

JISAYA 10:2 ပူးပေါင်းရင်းမြစ်များ

AYUP 31:16

Kalo igondo' aku marara' mangindangan ra ulun musikin, am kalo igondo' nompoloso ra ruandu' napuor maayag ra mangkaus.

MAZMUR 94:6

Potoyon nilo ulun napuor am ilo ondo' kolondo' matuo, am niayuk ulun suai ondo' minayan ra pagun mai.

KAINGKUALAN 23:6

“Pai' talingaawo' katimpakan intor ra ulun musikin ondo' matong mapabala' ra makama.

AMSAL 22:22

Pai' ruungo' ulun musikin sabap ra kinamusikin nilo, pai' ilo ruungo' giu' ra makama.

AMSAL 30:14

Mokoondo' ulun mamparuung ra ulun musikin am mapagon. Ginio noyo ralan nilo maguyum ra akanon.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 29:21

Pusoon ri Aki Kapuuno' ulun ondo' masaga' manimbaal ra ragu, ulun ondo' mongompong ra ulun malaat no ukumin, am ulun ondo' mapatanou ra ragu-ragu magabau koson mongompong ra ulun mabanis guang makaapu ra katimpakan.

JISAYA 3:14

Akimin ru Tuhan tingganai-tingganai ru ulun Nano. Gitio noyo nanguwan Nano risilo, “Ginaau min ampos ru umo ru anggur am baloi mino nososok ra kuliamos ondo' ginaau min intor ra ulun musikin.

JISAYA 3:15

Kolondo' kuasa' min mangimbolo' ra ulun Kuno am niayuk mamparuung ra ulun musikin. Aku, Tuhan Raja' Ondo' Maayo Kaga' Kuasa' minindagu noyo.”

JISAYA 32:6

Ulun sasambungon mindagu ra ragu-ragu sasambungon am mangatang ra baal malaat. Binaal am raguon nilono magasab ra Tuhan. Kalo igondo' ilo panaak ra akanon ra ulun maitilan kapoam manaak ra inumon ra ulun pinaason.

JISAYA 5:23

Kaa' bulintok ra akau aniin ra rasua kabalu' pana sanganu ayuk, makatampos kano mapalabus ra ulun makasala, am niayuk mongompong ra ulun ondo' kolondo' sala mangapu ra katimpakan.

JISAYA 5:7

Israil no umo ru anggur ru Tuhan Ondo' Maayo Kaga' Kuasa'; ulun ru Jiuda no puun ru anggur ondo' tinanom Nano. Malansan Io risilo mambaal ra moonsoi, kaa' baalon nilono mampatoi. Malansan Io risilo mambaal ra motopot, kaa' ondo' maining no bolos ru ilo ondo' makitaak ra katimpakan.

JISAYA 59:15

Kolondo' boo ulun mabanis guang, saboi osoi minggalur ra kalaatan, io galama' masauk ra mausung ru kalaatan.” Tuhan nakakito ra ngaangai' no, am kalo moonsoi gigilong Nano sabap kolondo' boo katimpakan.

JIRIMIA 7:6

Pai' imboloo' bansa' ra bokon, anak kolondo' matuo am napuor. Pai' potoyo' ulun ondo' kolondo' sala ra pagun ti. Pai' samba ra tuhan-tuhan ra bokon, sabap binaal raginio mamuso ramuyun.

SULABOI 3:35

Nakapandai Io paat ra itakau nairuan ra linonggom ondo' tinaakan Nano ritakau;

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

AMOS 2:6

Indagu Tuhan, “Ulun ru Israil ruruli' noyo makatula, sabap raginio maaru' ukumin Ku ilo. Nantalan ilo ra ulun mabanis guang koson ra ulipon; ulun mabanis guang ondo' kalo makabayar ra utang nilo. Koson raginio niayuk ondo' binaal nilo ra ulun musikin ondo' kalo makabayar ra utang, kabalu' pana utang no koson ra logo ru satuop salipar.

AMOS 2:7

Kikinjangin nilo ulun malawo ondo' kalo maikang am manginggi' ra ulun musikin. Ama' am anak ungkuyon nano narulug ra ulipon ra ruandu' ondo' nogondo', saboi nampajamar ra inggalan Kuno ondo' matulai.

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!

MIKA 3:1

Rongog kano, panguasa' ru Israil kau ngai'! Akau musiti' no mampalio ra katimpakan,

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [