JISAYA 10:18 - Tanou Moonsoi Timugon

¹⁸ Kataunan makapal am umo ra malabung giu' ra Asyur pinuso toojo koson ra sangulun marualan maimbolo' suku' matoi.

JISAYA 10:18 ပူးပေါင်းရင်းမြစ်များ

2 RAJA'-RAJA' 19:23

Nangator kou ra ulun sinusub muno koson lumimbau-limbau kou ra saang Kuno, ra mabaya' ra kurita' kuda muno nakajanjang kono ra gunung-gunung masawat kaga' giu' ra Libanon. Masawat ragu muno ra giu' no nantagar kou ra puun sidar ondo' masawat kaga' am puun sipris ondo' moonsoi kaga', am ra nasubol mu kataunan ru Libanon ondo' ujok toojo.

2 RAJA'-RAJA' 19:28

Nokorongog Aku intor ra sangit muno am limbau muno. Raino patakinon Ku kakait ra arung muno, am kakang ra kabang muno. Ralaaton Tokou muli' maya' ra ralan ondo' binayaan paat ra minatong.”

JISAYA 10:16

Tuhan Ondo' Maayo' Kaga' Kuasa' mamparatong ra maruol koson mangukum ra panglima-panglima ondo' maikang. Matiu' ilo ra maruol ru salom koson ra apui sumolob ra rumalat-ralat.

JISAYA 32:19

kabalu' pana kataunan malumpa' ru rasam batu am bandar mapuut toojo.

JISAYA 37:24

Nanusub kou ra kukula' ngaulun koson lumimbau ri saang Kuno, pangkaraan muno kurita' kuda muno makapanguasa' ra gunung-gunung mangasawat giu' ra Libanon. Ragu muno ayuk maayo ra tinagar mu kunu' puun ru tataun sidar ondo' masawat kaga', am puun ru sipris ondo' moonsoi kaga', am naliput mu kunu' kataunan ru Libanon ondo' makapal no.

JISAYA 9:18

Sabap ra Tuhan Ondo' Maayo Kaga' Kuasa' siminangit toojo, ukuman Nano koson ra apui ondo' nonolob ra titikop ru pagun no am niayuk namagun nano. Moonong ulun mangkara' ayuk ra kaatangan ru inan nano galama'.

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

JAKARIA 12:6

“Paat raginio pasaukon Ku bansa'-bansa' ru Jiuda koson ra apui giu' ra tatanga' ru kataunan kapoam giu' ra tatanga' ru umo ru gandum ondo' naansak; pusoon nilo ngaangai' bansa' ra libung nilo. Mamagun ru Jirusalim maayag giu' ra ralalom ru bandar.