JISAYA 10:16 - Tanou Moonsoi Timugon

¹⁶ Tuhan Ondo' Maayo' Kaga' Kuasa' mamparatong ra maruol koson mangukum ra panglima-panglima ondo' maikang. Matiu' ilo ra maruol ru salom koson ra apui sumolob ra rumalat-ralat.

JISAYA 10:16 ပူးပေါင်းရင်းမြစ်များ

2 TUNUNG RU BANSA' ISRAIL 32:21

Nangator Tuhan ra rondo' malaikat ondo' namatoi ra saujor-saujor am pagawai-pagawai ru saujor pagun ru Asyur. Raja' ru pagun ru Asyur pana minuli' boo ra pagun nano ra nauyu' kaga'. Paat ra sangarawan, paat ra raja' ru Asyur soroi giu' ra kuil ru sinungkalalaing nano, kukula' ngaulun anak ungkuyon nano namatoi riso ra ilang.

MAZMUR 106:15

ginio ra pataakon No atan kitaakon nilono, kaa' lugu malaat makatiu' risilo.

MAZMUR 78:31

siminangit i Aki Kapuuno' risilo, am pinatoi No ulun ru Israil ondo' mangamulok am maikang.

JISAYA 10:18

Kataunan makapal am umo ra malabung giu' ra Asyur pinuso toojo koson ra sangulun marualan maimbolo' suku' matoi.

JISAYA 17:4

Mindagu Tuhan, “Bulintok nano masuku' paat ra kuasa' ru Israil no langgain, am kinalangkayaan nilono mapuso.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 31:9

Raja' nilono magiru' ra malaa', am nasuangan tingganai ru saujor nilono malaa' kaga' saboi bandira' ru pangayawan tinatang nilo.” Tuhan minindagu – Tuhan ondo' sambaan am urumaton am monolob ra taak simbalui giu' ra Jirusalim.

JISAYA 37:29

Nakaining Aku no ra sangit am limbau muno. Ragino susukin Ku arung muno ra kakait, am kakangin Ku kabang muno. Ralaaton Tokou muli' maya' ra ralan binayaan muno ra galingon i.”

JISAYA 37:36

Kopongo raginio sangulun malaikat Tuhan minongoi ra nangkiman ru ulun ru Asyur am namatoi 185,000 ngaulun saujor. Katawang ra suabon no minatoi ilo ngaangai'!

JISAYA 5:17

Nakaayantanga' ra napuutan ru bandar, anak ru domba mongkotop ra sakot am anak ru kambing mokoowot ra limayak ondo' makasakot malabung.

JISAYA 8:7

Aku, Tuhan, mamparatong ra raja' ru Asyur am ngaangai' saujor nano koson mangayou ra Jiuda. Jumalai ilo koson ra liur intor ra Sungoi Iprat ondo' lumuab-luab am masakob tobo nano.

JISAYA 9:4

Kasut ra sinulungan ru saujor ondo' mangayou am nansalinut bayang nilo ondo' naluitan ru raraa' makai' mosolob ru apui.

JISAYA 9:5

Sangulun anak inanak ra tayar takau! Sangulun anak ungkuyon pinataak ritakau! Masauk Io ra tingganai takau. Pampiawan Riso no “Mamiminson ra mapintar”, “Aki Kapuuno' ra Matulai”, “Ama' ra Mantilayun”, “Raja' Pababansayan”.

JIRIMIA 21:14

Kaa' mangukum Aku rirun sabap ra binaal muno. Solobon Ku istana muno, am ngaangai' ra liliut nano mosolob niayuk. Aku, Tuhan nakaindagu noyo.”

JIRIMIA 48:14

Mamagun kau ru pagun Moab, kua pangkara' kau ra inan koson ra ulun tutumula', am koson ra saujor maikang ondo' kininaman ralalom ru pangayawan?

YEHEZKIEL 34:16

“Uyumon Ku ilo ondo' natatak, ibiton muli' ilo ondo' nakalayau, am babason ilo ondo' marualan; kaa' ilo ondo' molomok am maikang pusoon Ku, sabap ra Aku magagalung ondo' mambaal ra matimpok.

NAGUM 1:12

Gitio noyo ragu ru Tuhan ra ulun Nano, “Kabalu' pana ulun ru Asyur maikang am masuang, pusoon ilo am lumiot. Akau ulun Kuno, kabalu' pana nangkinibit Aku noyo ramuyun naimbolo', kalo boo baalon Ku ginio.

JIPANYA 2:13

Mopongo raginio pakayon ru Tuhan kuasa' Nano koson manutuk ra Asyur. Bandar Niniwi saukon ra intok ondo' masiluk kaga' am tana' kaagisan ondo' mapua'.

JAKARIA 7:4

Gitio noyo tanou ru Tuhan ondo' minatong raki'.

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.