JISAYA 10:13 - Tanou Moonsoi Timugon

¹³ Raja' ru Asyur maayo ragu, “Nansalinut binaal kuno intor ra kaikangan kuno galama'. Mapintar aku am mapandai. Pinuso ku balitan ru pagun-pagun am nampagaau ra inula' nilono. Koson ra sanginan sapi' gawayan, kikinjangin ku bansa' ondo' minayan ra giu' no.

JISAYA 10:13 ပူးပေါင်းရင်းမြစ်များ

DANIL 4:30

indagu raja', “Ilai', mapara' gayo ru bandar Babil! Binaal ku ginio koson ra pusor bandar kuno koson mapainono' ra kuasa' am kinaayo kuno, katulayan am niayuk kinaikang kuno.”

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

AMOS 6:13

Masawat ragu min sabap kinala min noyo bandar Lodibar. Kamin ra liminimbau, “Naukop ikang mai koson mampagaau ra bandar Karnaim.”

AMOS 5:27

paat ra Aku mamatir ramuyun giu' ra rondo' pagun ondo' maalur poyo intor ra Damsyik.” Gini noyo ragu ru Tuhan ondo' inggalan no i Aki Kapuuno' Ondo' Maayo Kaga' Kuasa'.

YEHEZKIEL 29:3

Balai' io ra gitio noyo ragu ru Tuhan Raja' ra raja' ru Misir, ‘Aku pantula' muno, okou buayo maayo ondo' liminuya' giu' ra sungoi! Kamu ra Sungoi Nil no longgom muno, am okou nambaal no.

YEHEZKIEL 26:2

“Okou ulun mapandai matoi, rongogo' golos magilakup ru ulun ru Tirus. Golok ilo, ‘Jirusalim natutuk noyo! Kaikangan ru pantalanan nano nairu' noyo! Jirusalim kalo boo nasauk ra gumula' ritakau!’ ”

YEHEZKIEL 25:3

Susubo' bansa' no rumongog ra atan ondo' paraguon Kuno, Tuhan Raja' risilo, ‘Maansukan kau paat magilong ra Baloi Kuno jamalin, pagun ru Israil pusoon am mamagun ru Jiuda patirin ra pagun.

JISAYA 10:8

Raja' maayo ragu, “Moonong panglima kuno ioginio sangulun raja'!

1 TUNUNG RU BANSA' ISRAIL 5:26

Ginio sabap ri Aki Kapuuno' nambuir ra guang ru Raja' Pul intor ra Asyur koson mamulunsar ra pagun nilo. Raja' Pul niayuk nauligan ra Raja' Tiglat-Pilisir. Bansa' ru Rubin, bansa' ru Gad am bansa' ru Manasi Sirangon pinatiran ra pagun giu' ra Galag, Gabor, Gara am giu' ra rondo' intok mamaar ra Sungoi Gojan. Namagun ilo ra giu' no saboi orou raiti'.

2 RAJA'-RAJA' 18:32

saboi ra raja' ru Asyur mapabanding ramuyun giu' ra pagun ondo' nogondo' ra pagun min. Giu' no mokoondo' masuang umo ru anggur ondo' manangampos ra wain am gandum koson mambaal ra ruti'. Pagun no nososok ra puun ru jaitun, am ruu' ru maningot. Amon ru gumagaya' kau ra susuban ru raja', maayag kau am kalo matoi. Pai' karuung ru Raja' Gijkia. Pai' karaa' ra mamayag Tuhan no ramuyun.

2 RAJA'-RAJA' 18:15

Nangator Raja' Gijkia riso ra ngaangai' pirok giu' ra baloi ru Tuhan am giu' ra intok pambulian ru istana.

2 RAJA'-RAJA' 18:11

Kopongo raginio raja' ru Asyur nagibit ra ulun ru Israil minongoi ra Asyur koson ra ulun rinakop, am pinaayan santayaran intor risilo giu' ra bandar Galag, santayaran giu' ra kiing ru Sungoi Gabor giu' ra libung Gojan, am santayaran poyo giu' ra bandar-bandar ru pagun Madai.

2 RAJA'-RAJA' 17:24

Nagibit raja' ru Asyur ra ulun intor ra bandar Babil, Kuta, Awa, Gamat am Siparwaim minongoi ra bandar-bandar giu' ra Samaria koson mamalit ra ulun ru Israil ondo' pinatiran ra pagun. Sinalingapu nilo ra bandar-bandar no am ayan ra giu' no.

2 RAJA'-RAJA' 17:6

iono paat ra bilor kasiam ra pamarintaan ru Raja' Gosia, raja' ru Asyur nangala ra Samaria. Inibit no ulun ru Israil giu' ra Asyur koson ra ulun rinakop. Santayaran ra ulun ru Israil no pinaayan no giu' ra bandar Galag, santayaran no giu' ra kiing ru Sungoi Gabor giu' ra libung ru Gojan, am santayaran poyo giu' ra bandar-bandar ru pagun Madai.

2 RAJA'-RAJA' 16:8

Inalap ru Raja' Agas pirok am mas intor Baloi ru Tuhan am lamin pambulian ra kuliamos ru istana, am pataako' no ngaangai' no ra Raja' Pul koson ra tangguang.

2 RAJA'-RAJA' 15:29

Paat ra pamarintaan ru Raja' Pika, Raja' Pul, raja' ru Asyur nampagaau ra bandar Iyon, Abil-Bit Maakga, Janoa, Kidis, Gajor, libung Giliad, Galilia am Naptali. Inibit no mamagun ru bandar no minongoi ra Asyur koson ra ulun rinakop.

JIRIMIA 46:8

Ginio noyo pagun ru Misir, ondo' siminimpor koson ra Sungoi Nil, koson ra sungoi ondo' naliuran tobo no. Indagu pagun ru Misir, ‘Sumimpor am mangalom aku ra tana' ti; pusoon ku bandar-bandar am mamagun ra giu' no.

JIRIMIA 48:14

Mamagun kau ru pagun Moab, kua pangkara' kau ra inan koson ra ulun tutumula', am koson ra saujor maikang ondo' kininaman ralalom ru pangayawan?

YEHEZKIEL 35:13

Nokorongog Aku ra ngaangai' pagasaban min Raki'.”

ABAKUK 2:6

Ulun nanguasa' iison am asabin ru ulun ondo' kinuasa'. Konilo, “Aibui boo ramuyun sabap ra nangalap ra kuliamos ondo' sala' ka longgom min! Kula' poyo buoi min mapalangkaya' ra inan ra mampajajal ra ulun ondo' nagutang ramuyun koson mambayar ra utang?”

TINGGANAI RU BANSA' 7:2

Indagu Tuhan ri Gidion, “Masuang kaga' ulun muno. Kalo masaga' Aku manaak risilo ra kamanangan ra ulun ru Midian. Maaru' mangkara' ilo ra mamanang ilo sabap kaikangan nilo galama', saboi kalo mapatulai Raki'.

AMSAL 28:11

Ulun langkaya' masalok mamanggo ra io mapintar, kaa' ulun musikin ra mapintar makapandai toojo ra paliso ru ulun langkaya' no.

JISAYA 5:21

Aibui boo ramuyun! Pangkaraan min, mapintar kau am mapandai toojo!

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

ABAKUK 1:11

Kopongo raginio nataki' ilo minugar koson ra siob ru angin. Makasala ilo sabap sumamba ra kaikangan galama'.”