JISAYA 10:12 - Tanou Moonsoi Timugon

¹² Kaa' mindagu Tuhan, “Amon ru mopongo' atan ondo' baalon Kuno giu' ra Bulur Sion am Jirusalim, ukumin Ku raja' ru Asyur sabap maayo ragu nano am limbau nano.”

JISAYA 10:12 ပူးပေါင်းရင်းမြစ်များ

2 RAJA'-RAJA' 19:31

Giu' ra Jirusalim am niayuk giu' ra Bulur Sion mokoondo' ra ulun ondo' maayag, sabap ra Tuhan nangaru' noyo ra baal ragitio masauk.

MAZMUR 18:27

Pinabala' Mu inan Muno matulai ra ulun ondo' mapasau guang, kaa' makimantula' Kou ra ulun malaat.

MAZMUR 21:10

Rumatong raja' koson ra apui bibilak koson mamuso risilo. Imboloon ilo ru Tuhan paat ra Io sumangit, am apui no mangumpo risilo.

MAZMUR 76:10

bulintok ra Okou mingkakat no maparatu' ra ukuman, koson mamayag ra ngaangai' ulun ondo' inimbolo' ra tana' ti.

MAZMUR 76:5

Iou Aki Kapuuno', matulai Kou kaga', bulintok ra Okou siminaguli' intor ra gunung-gunung intok nangalaan Mu ra pantula'-pantula' Muli.

AMSAL 21:4

Ulun malaat makatula sabap ra kinuasa' ru limbau ru guang am mamanggo.

AMSAL 30:13

Mokoondo' ulun mindagu ra ilo no moonsoi kaga' – kalo namimii' bonsoi no!

JISAYA 2:11

Masaboi orou ra limbau ru ulun liomon am minsawat guang ru ulun pusoon. Bagu no Tuhan ayuk omporon.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 24:21

Bulintok nano masuku' paat ra Tuhan mangukum risilo ondo' manguasa' ra limbowon am raja'-raja' ru tana' ti.

JISAYA 27:7

Israil kalo poyo igondo' inukum ru Tuhan koson ra kinaagat mangukum ra pantula' nilono. Kalo potoyon No ulun Nano koson ra Io mamatoi ra pantula' Nano.

JISAYA 27:9

Tula ru Israil maalap kaampun amon ru batu ru altar ru dewa-dewa tutukon saboi koson ra kapur, am kolondo' boo altar panalaban ra kaminyan, am kolondo' boo tatandu'-tatandu' ru Dewi Asyira.

JISAYA 29:14

Ginio ra Aku mapatigog risilo ra lamba' ondo' kolondo' nampaguang. Ilo ondo' mapintar sotopot no sasambungon. Nansalinut kapandayan nilono masauk ra kolondo' onong.”

JISAYA 33:1

Aibui boo ra pantula' takano! Mampagaau ilo am malaat kabalu' pana kolondo' osoi-osoi pana igondo' pampagaau am lumaat risilo. Kaa' bulintok ra ilo mampagaau am malaat no maampus, am ilo galama' gaawin am laaton.

JISAYA 37:23

Osoi kia inulas am inasaban muno? Paliso muno lumimbau Raki', i Aki Kapuuno' ru Israil, i Aki Kapuuno' ondo' matulai.

JISAYA 37:29

Nakaining Aku no ra sangit am limbau muno. Ragino susukin Ku arung muno ra kakait, am kakangin Ku kabang muno. Ralaaton Tokou muli' maya' ra ralan binayaan muno ra galingon i.”

JISAYA 5:15

Moonong ulun tauyuon, am ngaangai' ulun malilimbau paingganaan.

JISAYA 50:11

Akau ondo' masaga' mangimbolo' ra ulun bokon, pusoon kau ru atang min galama'. Tuhan noyo nambaal raginio masauk, imboloon kau noyo toojo.

JISAYA 65:7

tula nilono am tula ru kinamatuaan nilono. Magasab ilo Raki' ra nonolob ra kaminyan tayar ru dewa-dewa giu' ra intok sambaan giu' ra bulur. Ginio ra mangukum Aku risilo nogondo' koson ra binaal nilo ra galing i.”

JISAYA 9:9

“Baloi-baloi binaal intor ra bata napuut noyo, kaa' baalon mai sagulio' baloi-baloi no intor ra batu pinopol. Puun ru nunuk tinagar, kaa' aligin mai ra tataun sidar ondo' moonsoi kaga'.”

JIRIMIA 25:29

Talimpuunin Ku mamuso no giu' ra bandar Kuno galama'. Indoson nilo kia ra kalo ukumin ilo? Maaru' ukumin ilo sabap ra porotongon Ku pangayawan ra ngaangai' bansa' ra titikop ru tana' ti. Aku, Tuhan Ondo' Maayo Kaga' Kuasa' nakaindagu noyo.

JIRIMIA 50:18

Sabap no ginio, Aku Tuhan Ondo' Maayo Kaga' Kuasa', i Aki Kapuuno' ru Israil, mangukum ra Raja' Nibukadnijar am pagun nano, koson ra Aku nangukum ra raja' ru Asyur.

JIRIMIA 50:32

Bansa' muno ondo' malilimbau no makasaru am maratu'. Kolondo' sangulun pana mangindangan rirun migor. Monolob Aku ra bandar-bandar min, am ngaangai' ondo' giu' ra liliut no mapuso.”

YEHEZKIEL 31:10

“Ginio ra Aku, Tuhan Raja' mambala' ramuyun atan ondo' masauk ra puun tataun ondo' untu nano nakasaboi ra gaun. Gumaai sawat nano, gumaai limbau ru puun tataun no.

YEHEZKIEL 31:14

Ginio ra intor raino, kolondo' boo puun tataun ondo' tumuu' koson ra sawat raginio kapoam mokoondo' ra untu ondo' makasaboi ra gaun kabalu' pana mokoowot ra timug masuang. Ngaangai' no musiti' matoi koson ra ulun mapandai matoi am tumimung mabaya' ra ulun ondo' timinuun ra intok ru ulun minatoi.”

DANIL 11:45

Raja' ru Siria mambaal ra kim ru raja' ondo' maayo giu' ra lolot ru raat am gunung intok ru Baloi ru Tuhan. Kaa' raja' ru Siria matoi, am kolondo' sangulun pana mangindangan riso.”

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

UNTABAN 24:24

Matong ulun-ulun mapajunjung no intor ra Siprus am napagaau ra Asyur am Gibir. Kaa' pupus no ilo pana mapuso ra sabuoi-buoi no.”

MATIUS 12:33

“Amon ru masaga' makaalap ra kawa' moonsoi, akau musiti' mokoondo' ra puun moonsoi. Amon ru kalo moonsoi puun no, kawa' nano pana kalo niayuk moonsoi. Kinoonsoi ru rondo' puun tataun no mapandayan intor ra kawa' no.

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

SAGULION 32:27

Kaa' kalo mokoloso Ku pantula' ra lumimbau, ra ilo noyo ondo' nangala ra ulun Kuno, atika Aku noyo manutuk ra ulun Kuno.’

1 PITRUS 4:17

Maar noyo masuku' paat ri Aki Kapuuno' mangakim ra ulun ru tana' ti, am Ulun Nano akimin No galing. Amon ru itakau noyo talimpuunan Nano, atan masauk ra tauli no risilo ondo' kalo nangintopot ra Tanou Moonsoi intor ri Aki Kapuuno' i?