JISAYA 1:8 - Tanou Moonsoi Timugon

⁸ Jirusalim ayuk natatang. Bandar no pana linibungan am kolondo' lulu' koson ra sulap nakapagayantanga' ra umo ru anggur kapoam pantau ra umo ru baliburan.

JISAYA 1:8 ပူးပေါင်းရင်းမြစ်များ

AYUP 27:18

Baloi ondo' binaal ru ulun malaat matapu koson ra tambaloi ru lawa', baloi sangkinolor ayuk koson ra pusangag ru ulun magalung ra umo.

MAZMUR 9:14

Pakaasi' no raki', iou Tuhan! Ilai' noyo, pantula' kuno ondo' mangimbolo' raki'. Bayago' aku no intor ra kapatayan, iou Tuhan,

JISAYA 1:7

Pagun mino pinuso noyo am bandar-bandar mino nakai' noyo solobo'. Mato mino galama' nakakito, ulun bansa' suai nampagaau ra tana' am ngaangai' no pinuso nilo.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 10:32

Orou raiti' pantula' siminoroi ra bandar Nob; giu' no gonggomon nilo palar tumingkuang ra Bulur Sion, mongoi ra bandar Jirusalim.

JISAYA 29:3

I Aki Kapuuno' mamulunsar am mampalibung ra bandar no.

JISAYA 30:17

Saribu ngaulun magiru' bulintok makakito ra sangulun pantula', am limo ngaulun pantula' sama' poyo mangkinibit ramuyun ngaangai' no magiru'. Saujor mino mapuso, am ondo' ayuk matatang no santaun lugu' ru bandira' giu' ra rasawat ru bulur.

JISAYA 37:22

Gitio noyo ragu ru Tuhan, “Bandar Jirusalim mangiis am niayuk magasab rirun, okou Sanirib.

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

JISAYA 4:4

Ralalom ru kuasa' Nano Tuhan mangakim am mamasau ra bansa' raginio. Pusoon No kasalaan ru Jirusalim am kapasawon no intor ra raraa' ondo' pinasasar ra giu' no.

JISAYA 49:21

Pansunuron mu boo guang, ‘Osoi kia naganak ra anak-anak no raki'? Sala' kia ka natatakan aku ra anak, am kalo boo maganak? Inibit aku ralalom pamatiran am ininggi' am tinatang misasangulun. Sabap raginio ati intor ru anak-anak no, am osoi kia mampasukor risilo no?’ ”

JISAYA 62:11

ra Tuhan mapabala' ra baal raginio ra titikop ru tana' ti, “Balai' noyo namagun ru Jirusalim, Tuhan matong koson mamayag ramuyun. Ulun ondo' binayag Nano inibit No mababaya' Riso.”

JISAYA 8:8

Rumatong ilo ra Jiuda koson ra liur mokopolos ra limbawo am mompolosor ra ngaangai' no.” Aki Kapuuno' mabaya' ritakau! Kawo Nano ondo' pinabingkal manindung ra pagun ragitio.

JIRIMIA 4:17

am magawang ra Jirusalim koson ra ulun magalung ra umo. Ngaangai' baal raginio masauk sabap ra mamagun ru Jiuda giminuor noyo ra Tuhan. Nakaindagu noyo Tuhan.

JIRIMIA 6:2

Moonsoi kaga' Bandar Sion, kaa' maumok bandar no ra tauli no;

SULABOI 2:1

Ralalom ru sangit, linibungan ru Tuhan Sion ra kalandaman. Kinulau No kinaayo ru Israil ondo' masawat koson ra limbowon nasauk nalunsai. Paat ra Io sumangit, Baloi Nano pana iruanin.

SULABOI 2:6

Nanutuk Io ra Baloi ru Tuhan intok takau sumamba Riso; iniru' No ngaangai' pangiantakan am orou Sabat. Raja' am imam ngaangai' no naimbolo' kinibit ru sangit Nano.

JAKARIA 2:10

Indagu Tuhan, “Parimbai kano ra maansukan, akau mamagun ru Jirusalim! Mayan Aku ra tatanga' min!”

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

JUANIS 12:15

“Pai' kalaa' mamagun ru bandar Sion! Ilai', mokoondo' raja' min matong nangura' ra sanginan kaladai mamulok!”