JISAYA 1:31 - Tanou Moonsoi Timugon

³¹ Koson ra rami nosolob ra baa makaapui, koson raginio niayuk ra ulun-ulun makakuasa' ondo' pusoon ru binaal malaat nilo galama', am kolondo' sangulun pana mopolonggo' ra pamusaan raginio.

JISAYA 1:31 ပူးပေါင်းရင်းမြစ်များ

JISAYA 66:24

Bulintok ra ilo muli', makito nilo baangkai-baangkai ru ulun ondo' giminuor Raki'. Ulor mangakan ra baangkai nilono kalo matoi, am apui monolob risilo no kalo malasa'. Pagilayan raginio makalalaa' kaga' ra ngaangai' ulun.”

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

YEHEZKIEL 32:21

Ulun-ulun tutumula' am ulun ondo' manaung ra Misir manguma' ra ratangan ru ulun ru Misir mongoi ra intok ru ulun minatoi. Nagilakup ilo, ‘Ilai', ulun ondo' kalo makaulig ri Aki Kapuuno' minatoi ralalom pangayawan. Raino matong ilo ragiti, am lumangan ragiti!’

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.

PINAINTALANG 19:20

Bibiag masigo no pana narakop nabaya' ra migiangku ra nabi no ondo' nakapambaal ra kaimuagan ra saang ru maayag masigo no. (Intor ra kaimuagan raginio namparuung io ra ulun ondo' tinatanduan ra saap ru bibiag masigo no am ilo ondo' siminamba ra sinungkalalaing no poyo.) Bibiag masigo no am migiangku ra nabi no pinatiran ra tasik ru apui ondo' naratok ra balirang mapaang.

MATIUS 3:10

Kapak kalalair noyo mantagar ra puun suku' ra bakat. Moonong puun ondo' kalo mangkawa' maaru' tagaron am suruin.

JISAYA 50:11

Akau ondo' masaga' mangimbolo' ra ulun bokon, pusoon kau ru atang min galama'. Tuhan noyo nambaal raginio masauk, imboloon kau noyo toojo.

JISAYA 43:17

Pinuso No pulalai ru saujor ra masuang; pulalai ru kurita' kuda am pulalai manangkuda. Maratu' ilo, kalo boo makasukal; matoi ilo koson ra sumbu' nalasa'.

JISAYA 33:14

Namagun ra Sion ondo' makatula monontol malaa'. Konilo, “Ukuman intor ri Aki Kapuuno' koson ra apui ondo' monolob ra sabuoi-buoi no. Mokoondo' kia osoi mabayag intor ra apui no?”

JISAYA 27:4

Kalo boo sumangit Aku ra umo no. Amon ru makasulinit am makasakot, koyoon Ku surui' saboi mapuso.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

JISAYA 9:19

Giu' ra titikop ru pagun ulun mamungkayut am mangakan ra atan ayuk maakan, kaa' kalo maasug ilo. Pabukat galama' pana akanon nilo.

JISAYA 5:24

Ginio ra ati koson ra rami am sakot mapua' maluoi mosolob, ginio niayuk ra bakat mino mapasa' am bunga' mino lumonot, am masiob ru angin, sabap ra pangilaan ru Tuhan Ondo' Maayo Kaga' Kuasa', i Aki Kapuuno' ru Israil, i Aki Kapuuno' ondo' matulai, inimpayan min.

TINGGANAI RU BANSA' 15:14

Paat ilo nakasaboi ra Ligi, nasimbul ulun ru Palistin minuma' ri Simson liliwa' nompogolok riso. Pulali' ri Simson maikang ru kuasa' ru Tuhan, am nangukat io ra tali ondo' pinabangkil ra longon am kalindu' nano, koson ayuk tali no ra banang nosolob.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

JISAYA 4:4

Ralalom ru kuasa' Nano Tuhan mangakim am mamasau ra bansa' raginio. Pusoon No kasalaan ru Jirusalim am kapasawon no intor ra raraa' ondo' pinasasar ra giu' no.

JISAYA 24:6

Ginio ri Aki Kapuuno' nagulas ra tana' ti. Ulun makaapu ra balos intor ra binaal nilo, am ulun maayag buoi-buoi no kalo boo kukula'.

JISAYA 33:11

Ngaangai' inatang mino papalo ayuk, am nansalinut binaal mino pana kolondo' onong. Sangit mino ondo' koson ra apui mamuso ramuyun.

JISAYA 66:17

Mindagu Tuhan, “Mamaar noyo pupus ru ulun mamasau ra inan koson sumamba ra sinungkalalaing, iono ilo ondo' mugar saguluyur giu' ra taman-taman dewa, am ondo' mangakan ra bauwi, kual ru tikus, am niayuk nansalinut akanon ra majamol.