JISAYA 1:24 - Tanou Moonsoi Timugon

²⁴ Ginio ra, ragino rongogo' noyo Tuhan Ondo' Maayo Kaga' Kuasa', i Aki Kapuuno' ru Israil mindagu, “Pantula' Kuno, balasin Takamin. Akau pana kalo boo mantipagon Raki'.

JISAYA 1:24 ပူးပေါင်းရင်းမြစ်များ

JISAYA 60:16

Bansa'-bansa' am raja'-raja' magalung rirun, koson ra sangulun ina' magalung ra anak nano. Makapandai kou ra Aku, Tuhan, Mamamayag rirun, am ra i Aki Kapuuno' ru Israil, i Aki Kapuuno' Ondo' Maayo Kaga' Kuasa', Mamumuli' rirun.

JISAYA 61:2

Sinusub No aku koson mapatanou ra mamaar noyo bulintok ru Tuhan mamayag; koson mangansuk ra ngaangai' ondo' mangiluk guang, am mambalos ra pantula'-pantula' nilono;

JISAYA 49:26

Saukon Ku pantula' muno magauk ra raraa', saboi ilo galama' mampapatoi. Ngaangai' ulun pana makapandai, ra Aku, Tuhan, Mamamayag rirun; Ondo' Maikang kaga', i Aki Kapuuno' ri Jakub, Mamumuli' muno.”

JISAYA 35:4

Ragui' ilo ondo' malawo guang, “Posoroto' guang muno am pai' kalaa'! I Aki Kapuuno' matong mamayag ramuyun, am mangukum ra pantula'-pantula' mino.”

SAGULION 28:63

Koson ra Tuhan masaga' mapasauk ramuyun ra langkaya' am nampakasuang ramuyun, koson raginio niayuk Io masaga' mamuso am mapaluus ramuyun. Kalo bubulon kau intor ra tana' ondo' kalo boo mabuoi maayanan min.

PINAINTALANG 18:8

Sabap raginio, ralalom songorou ayuk matiu' ilo ra sauk malaat: maruol, guang mangiluk am bitilan. Bandar nilo umpoon ra apui, sabap ra i Aki Kapuuno', Tuhan ondo' Maayo Kaga' Kuasa', mangukum risilo.”

IBRANI 10:13

Raino maginaa Io ayuk saboi saukon ri Aki Kapuuno' pantula' Nano gumagaya' Riso.

YEHEZKIEL 21:17

Aku niayuk magilakup, am sangit Kuno lumonggo'. Aku, Tuhan nakaindagu noyo.”

YEHEZKIEL 16:42

Aku pana mokororo' am sangit Kuno sumalui. Kalo boo sumangit kapoam maingot Aku.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

JISAYA 30:29

Kaa' akau ngai' ulun ri Aki Kapuuno', makaansuk am marimbai koson ra rondom pangiantakan ru ugama! Maansukan kau koson risilo ondo' mugar ondo' sinumbaya' ru tulali sumuku' ra Baloi ru Tuhan, manungka' ru Israil.

MAZMUR 132:2

Karaa' noyo samba nali Rirun, iou Tuhan, am bantu' nali Rirun, Ondo' Maikang Kaga', i Aki Kapuuno' ondo' sambaan ri Jakub.

SAGULION 32:43

“Akau bansa' ngaangai', omporo' noyo ulun ru Tuhan. Mangukum Tuhan ra ngaangai' ulun ondo' mamatoi ra ulun Nano; mansuli' Io ra pantula' Nano, am mangampun ra tula ru ulun Nano.”

JIRIMIA 50:34

Kaa' Io ondo' mamayag risilo no maikang; inggalan Nano iono Tuhan Ondo' Maayo Kaga' Kuasa'. Io galama' mirot toojo mangampin ra baal nilo, am magibit ra kaansayan ra tana' ti, kaa' mamparatong ra kapaganan ra ulun ru Babilonia.”

JISAYA 63:4

Bulintok no koson mamayag ra ulun Kuno nasaboi noyo; bulintok no koson mangukum ra pantula'-pantula' Kuno nasuku' noyo.

KASAUKAN 49:24

Kaa' panah ri Jusup mokotog, am kalindu' nano paikangon ri Aki Kapuuno' ri Jakub Ondo' Maayo Kaga' Kuasa', iono Magagalung am Mangampin ra ulun ru Israil.

JISAYA 12:6

Musiti' no moonong mamagun ru Sion magilakup am marimbai. Aki Kapuuno' ondo' matulai, Aki Kapuuno' ru Israil no matulai, Minunor Io ramuyun.”

JISAYA 59:18

Ukumin Nano pantula' Nano sumugut ra binaal nilo, makaaya' niayuk ulun ondo' minayan ra pagun-pagun maalur.

JIRIMIA 9:9

Kalo kia musiti' Aku mangukum risilo sabap ra binaal nilo? Kalo kia musiti' Aku mansuli' ra bansa' koson raginio? Aku, Tuhan, nakaindagu noyo.”

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.