JISAYA 1:23 - Tanou Moonsoi Timugon

²³ Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 1:23 ပူးပေါင်းရင်းမြစ်များ

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

JAKARIA 7:10

Pai' imboloo' ruandu' napuor, anak nailusan ra matuo, ulun bokon ondo' minayan ra tatanga' min, kapoam osoi ayuk ondo' ralalom ru kapaganan. Pai' pangatang ra baal ondo' malaat ra ulun ru akau po ngai'.’

KAINGKUALAN 23:8

Pai' apuo' taak pangambi', sabap ra taak pangambi' no mopobolou ra ulun ra atan ondo' motopot am mampalubat ra ulun kalo makasala.

LUKAS 19:46

indagu Io risilo, “Tinulisan noyo, ‘Baloi Kutu intok pakiasian.’ Kaa' sinauk min boo ra pansibunian ru mantatakou!”

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

JISAYA 3:14

Akimin ru Tuhan tingganai-tingganai ru ulun Nano. Gitio noyo nanguwan Nano risilo, “Ginaau min ampos ru umo ru anggur am baloi mino nososok ra kuliamos ondo' ginaau min intor ra ulun musikin.

MARKUS 11:17

Pangila' Io boo ra ulun ondo' soroi ra giu' i. Indagu Io, “Tinulisan noyo ralalom ru Buuk Kitab koson ragitio: I Aki Kapuuno' minindagu, ‘Baloi Kuno sabiton ra intok pakiasian ru ngaangai' bansa'!’ Kaa' binaal min boo Baloi Tuhan ti ra pansibunian ru mantatakou!”

MATIUS 21:13

Indagu i Jisus risilo, “Mokoondo' tinulisan ra Buuk Kitab ra i Aki Kapuuno' minindagu, ‘Baloi Kuno inggalanin ra intok pakiasian.’ Kaa' raino baalon min ra pansibunian ru mantatakou!”

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

GOSIA 9:15

Indagu Tuhan, “Ngaangai' kalaatan nilo timinalimpuun giu' ra Gilgal. Giu' no Aku timinalimpuun masisang risilo. Pinagiru' Ku ilo intor ra pagun Kuno sabap ra kalaatan ondo' binaal nilo. Kalo boo motogom Aku risilo. Ngaangai' tingganai nilo giminuor Raki'.

GOSIA 4:18

Mopongo masuang inum ra wain, mantalan ilo ra inan ra guang maansayan. Masaga' ilo poyo asabin ka urumaton.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 5:5

Mongoi aku ra tingganai-tingganai am mindagu risilo. Maaru' makapandai ilo ra gogoton ri Aki Kapuuno' nilo, am susuban ru Tuhan nilo.” Kaa' ilo ngaangai' nangimpai ra kakuasaan ru Tuhan am marara' gumagaya' Riso.

JISAYA 33:15

Maayag kau amon ru mindagu am binaal mino motopot. Pai' min pakayo' kuasa' mino koson mamparuung ra ulun musikin, am pai' pangapu ra rasua. Pai' baya' ra ulun ondo' mangatang ra pamatayan kapoam mambaal ra kalaatan ra bokon.

AMSAL 29:24

Ulun ondo' kumubayau ra mantatakou arati' no masisang io ra inan galama'. Amon ru akunin no giu' ra makama, ukumin io; amon ru kalo akunin no, ulason io ri Aki Kapuuno'.

AMSAL 17:23

Akim ra kalo mabanis guang suminok mangapu ra rasua am kalo nampaugar ra katimpakan.

2 TUNUNG RU BANSA' ISRAIL 36:14

Suai intor raginio, tingganai-tingganai ru Jiuda, imam-imam am mamagun minaya' ra ralan kaayagan ru bansa'-bansa' ra naginggaar ondo' makatula. Sinamba nilo sinungkalalaing am nampajamol ra Baloi ru Tuhan, ondo' timpokon ayuk ru Tuhan galama' ra inan Nano.

SAGULION 16:19

Kalo iowon kau jajajou kapoam pagimbason paat mapaugar ra pangakiman. Kalo iowon kau mangapu ra rasua sabap rasua mokobolou ra ulun, am poyo ulun mapintar am mabanis guang pana, saboi mamatas ilo ra masala.

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

JISAYA 1:22

Alii ra Jirusalim, galing i okou koson ra pirok, kaa' ragino kolondo' boo logo muno. Galing i okou koson ra wain moonsoi, kaa' ragino koson kou ayuk ra timug.

JISAYA 5:23

Kaa' bulintok ra akau aniin ra rasua kabalu' pana sanganu ayuk, makatampos kano mapalabus ra ulun makasala, am niayuk mongompong ra ulun ondo' kolondo' sala mangapu ra katimpakan.

JISAYA 30:1

Tuhan minindagu, “Aibui boo ra nasuangan tingganai ru Jiuda, sabap minanggal ilo Raki'. Mambaal ilo ra inatangan-inatangan ondo' sala' ka inatangan Kuno, am inirot nilo nabantuan koson manggal ra kasagaan Kuno. Tumuntur-tuntur boo tula nilo.

JISAYA 65:2

Masalok Aku tumampos mangapu ra ulun Kuno, kaa' masalok ilo mokotog guang am mambaal ra baal ondo' kalo matanda' am niayuk sumugut ra kasagaan nilo galama'.

JIRIMIA 4:17

am magawang ra Jirusalim koson ra ulun magalung ra umo. Ngaangai' baal raginio masauk sabap ra mamagun ru Jiuda giminuor noyo ra Tuhan. Nakaindagu noyo Tuhan.

JIRIMIA 32:32

sabap ra ngaangai' kalaatan ondo' binaal ru ulun ru Jiuda am ulun ru Jirusalim, nababaya' ra raja'-raja' am tingganai-tingganai, imam-imam am nabi-nabi nilo.

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

GOSIA 5:10

Indagu Tuhan, “Sumangit Aku sabap ra tingganai-tingganai ru Jiuda namulunsar ra Israil am nampagaau ra tana' nano. Ginio ra palumpaan Ku ukuman risilo koson ra timug ru rosob.

AMOS 5:12

Nakapandai Aku mapara' gayo ru tula min am mapara' suang ru kalaatan ondo' binaal min. Nangimbolo' kau ra ulun moonsoi, nangapu ra ruit rasua am nongompong ra ulun musikin intor ra makaalap ra katimpakan giu' ra pangakiman.

MIKA 3:9

Rongogo' noyo ragu-ragu kutu, panguasa' ru Israil kau ngai', akau ondo' masisang ra katimpakan am mangulau ra katapatan masauk ra kasalaan.

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

UNTABAN 22:7

Tingganai ru ulun ru Moab am ulun ru Midian pana nagibit ra bayaran ri Biliam maa' raginio makapagulas io ra ulun ru Israil. Pakaratong ilo ri Biliam, posoboyo' nilo bilin ru Raja' Balak no riso.

1 SAMUIL 8:3

Kaa' kalo namaya' ilo ra ama' nilono. Naguyum ilo ayuk ra kalabaan galama'; nangapu ilo ra rasua am nangakim ra mamagun ra kalo matanda'.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

JISAYA 28:14

Rongogo' noyo atan pinaragu ru Tuhan, akau magagasab ondo' namarinta ra ulun ru Jirusalim.

JIRIMIA 5:6

Ginio sabap ra ilo pinatoi ru singa' intor ra kataunan; bibinsangon ilo ru taani intor ra tana' kaagisan, am ampunguon saugar-ugar giu' ra bandar-bandar nilo. Amon ru mingkual ulun, bibinsangon nilo, sabap ra tula nilo masuang kaga'; ruruli' ilo no nangiruan ri Aki Kapuuno'.

YEHEZKIEL 22:27

Pagawai ru pamarintaan nogondo' koson ra taani ondo' naminsang ra sinaam nilo. Namatoi ilo koson masauk ra langkaya'.