JISAYA 1:2 - Tanou Moonsoi Timugon

² Indagu Tuhan, “Alii ra limbowon am tana' ti, rongogo' noyo ragu Kutu! Ngaangai' anak ra pinasukor Kuno giminuor Raki'.

JISAYA 1:2 ပူးပေါင်းရင်းမြစ်များ

2 RAJA'-RAJA' 21:22

Raja' Amon nangiruan ra Tuhan, i Aki Kapuuno' ru kinamatuaan nali. Kalo giminagaya' io ra susuban ru Tuhan.

MAZMUR 49:1

Mazmur ru bansa' ri Kora. Ra tingganai santimungan maririmbai.

MAZMUR 50:4

Sinusub No suruga' am tana' ti masauk ra sasi', koson magilong Riso manalasai ra ulun Nano.

JISAYA 30:1

Tuhan minindagu, “Aibui boo ra nasuangan tingganai ru Jiuda, sabap minanggal ilo Raki'. Mambaal ilo ra inatangan-inatangan ondo' sala' ka inatangan Kuno, am inirot nilo nabantuan koson manggal ra kasagaan Kuno. Tumuntur-tuntur boo tula nilo.

JISAYA 30:9

Masalok ilo manggal ri Aki Kapuuno', masalok magabau, am marara' manugut ra pangilaan-pangilaan ru Tuhan.

JISAYA 31:6

Tuhan mindagu, “Akau ulun ru Israil, makatula kau Raki' am manggal Raki'. Kaa' ragino saguli' kano Raki'!

JISAYA 34:1

Ratong kau, akau ngaangai' bansa'! Timung kano am rongog kano! Titikop ru tana' am moonong ulun minayan no musiti' rumatong am mangkirongog.

JISAYA 63:16

Okou noyo Ama' mai. Kinamatuaan maili i Abragam am i Jakub kalo makaulig ramon, kaa' Okou noyo Ama' mai, iou Tuhan! Okou Mamamayag ramon intor poyo ra galing i.

JISAYA 65:2

Masalok Aku tumampos mangapu ra ulun Kuno, kaa' masalok ilo mokotog guang am mambaal ra baal ondo' kalo matanda' am niayuk sumugut ra kasagaan nilo galama'.

JIRIMIA 13:15

Ulun kau ru Israil, Tuhan nakaindagu noyo! Paingganaa' guang muno am rongogo' ragu Nano.

JIRIMIA 22:29

O ra pagun kuno, namagunan kuno! Rongogo' ragu ru Tuhan,

JIRIMIA 3:22

Saguli' no, akau ngaangai' ondo' nangiruan noyo ra Tuhan; mamabas Io ramuyun am mampasauk ramuyun ra gumagaya'. Kamin, “Raino matong akai ra Tuhan sabap ra Io i Aki Kapuuno' mai.

JIRIMIA 31:9

Liliwa' mantangi' ulun Kuno sumaguli', makiasi' ilo paat ra Aku maningganai risilo muli'. Tingganayon Ku ilo mongoi ra sungoi-sungoi boborok, mansail ra ralan marata' maa' raginio kalo makasaru ilo. Aku koson ra sangulun ama' ra Israil, i Ipraim anak Kuno ra katuaan.”

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

YEHEZKIEL 24:3

Aku, Tuhan Raja' mokoondo' ra pagabigan koson posoboyon ra ulun Kuno ondo' masaga' gumuor: Parakano' pagangan ra rasawat ru apui, am totopo' pagangan ra timug.

YEHEZKIEL 36:4

Ginio ra alii ramuyun gunung am bulur ru Israil, sungoi boborok am limayak, intok ra nalunsai-lunsai, am bandar ondo' iniruanan ru mamagun nano am niayuk tinakawan am inasaban ru bansa'-bansa' giu' ra libung no, rongogo' atan ondo' paraguon Kuno, Tuhan Raja' ramuyun.

AMOS 3:1

Akau ulun ru Israil, rongogo' tanou ru Tuhan intor ra ngaangai' ru bansa' min, ondo' inibit Nano miningkual intor ra Misir. Indagu Tuhan,

MIKA 1:1

Paat ra pamarintaan ri Raja' Jotam, Raja' Agas am Raja' Gijkia koson ra raja' ru Jiuda, nangani' Tuhan ra tanou ragitio ri Mika, ondo' intor no bandar Morisyit. Nanulu' Tuhan ra ngaangai' baal ru Samaria am Jirusalim ri Mika.

MIKA 1:2

Rongog kano, akau ngaangai' bansa'; ilai' noyo, akau ngaangai' mamagun ru tana' ti! Tuhan Raja' masauk ra sasi' koson manguu' ramuyun ngai'. Rongog kano! Mindagu Io intor ra intok Nano ondo' matulai giu' ra suruga'.

MIKA 3:8

Kaa' ra aku, Tuhan nanikop raki' ra kuasa' am Ambiluo Nano. Nangani' Io raki' ra arati' ru katimpakan, am niayuk kinabaani koson mambala' ra ulun ru Israil intor ra tula nilo.

MALIAKI 1:6

Mindagu Tuhan Ondo' Maayo Kaga' Kuasa' ra imam-imam, “Sangulun anak mangurumat ra ama' nano am sangulun ulipon mangurumat ra tuan nano. Aku ama' min, kaa' kua kalo mangurumat kau Raki'? Aku tuan min, kaa' kua kalo malaa' kau Raki'? Magasab kau Raki', kaa' mangkuot kau, ‘Atan koson akai nagasab Rirun?’

RINALATAN 4:20

Sabap ra kalo malanggaan mai mindagu ra atan nakito am norongog mai galama'.”

SAGULION 1:31

am giu' ra tana' kaagisan. Nakakito kau noyo Riso naningganai ramuyun ra matanda' buoi ra pangkiralanan mongoi ra intok ragitio, koson ra sangulun ama' nagiba' ra anak nano.’

SAGULION 30:19

Raino makapampili' kau ra bayag am matoi, ra barakat ri Aki Kapuuno' am ulas Nano. Mampiau aku ra limbowon am tana' ti koson masauk ra sasi' ra kapatasan min. Pilio' noyo bayag.

SAGULION 32:1

“Akau limbowon am tana', rongogo' noyo ragu kutu, rongogo' toojo ragu kutu.

SAGULION 4:26

Paat ra orou raiti' manusub aku ra limbowon am tana' ti masauk ra sasi' ramuyun ra amon kalo gumagaya' kau raki', mataki' kau maliom intor ra tana' ti. Kalo mabuoi akau mayan giu' ra tana' ra sandaup ru Sungoi Jordan, ondo' mataki' min ayanin. Mapuso kau kalingon.