JISAYA 1:18 - Tanou Moonsoi Timugon

¹⁸ Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

JISAYA 1:18 ပူးပေါင်းရင်းမြစ်များ

AYUP 9:33

Kaa' kolondo' osoi pana maalap kasauk ra ulun magayantanga' ondo' makapanalasai ramon ruo.

MAZMUR 51:7

Malaat aku no intor poyo ra aku inanak; makatula aku no intor poyo ra aku tininai'.

MAZMUR 51:9

Isasi' aku no, am masauk aku ra mapasau; bagui' aku no, am mapulak aku poyo intor ra gapas.

JISAYA 1:23

Tingganai muno ulun malaat am pangkubayau ru ulun mantatakou. Masalok ilo mangapu ra tangguang am rasua. Kalo manungka' ilo ra anak nailusan ra matuo kapoam mangkirongog ra pakimasian ru ulun-ulun napuor.

JISAYA 3:13

Nakatampos noyo Tuhan mapasingkual ra baal raginio; nakatampos Io noyo mangakim ra ulun Nano.

JISAYA 41:1

Indagu i Aki Kapuuno', “Pongkoror kau am rongogo' noyo ragu Kutu, akau namagun ra pagun-pagun maalur! Tampos kano am pootoro' pantagian mino ra makama; aniin kau ra kaluagan koson mindagu. Ibok no aruon takau osoi motopot am osoi makasala.

JISAYA 41:21

Gini noyo Tuhan, raja' ru Israil mindagu, “Akau dewa ru bansa'-bansa', pasalulaa' noyo naguang mino, am pabalaa' noyo sasaban-sasaban no!

JISAYA 44:22

Pinuso Ku ngaangai' tula mini koson ra gaun inibit ru angin. Saguli' kano Raki', sabap ra Aku noyo namayag ramuyun.”

JISAYA 50:8

Sabap ra mamaar i Aki Kapuuno', mambala' Io ra aku kolondo' sala. Osoi masaga' mansang raki'? Mabaya' to mongoi ra makama. Osoi kia manggal raki'? Susubo' io minggaar raki'.

JISAYA 55:7

Musiti' ulun malaat mapatanda' ra bayag nano, am mangulau ra ralan ru pangkaraan nano. Polosoon io sumaguli' ra Tuhan, maa' raginio makaalap io ra kaasian Nano. Musiti' io tumingkuang ri Aki Kapuuno' takau, sabap ra Tuhan mangampun am mataau.

JIRIMIA 2:5

Indagu Tuhan, “Atan kia panguwan ru kinamatuaan min Raki'? Kua kia talikur ilo Raki'? Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong.

YEHEZKIEL 18:27

Paat ra sangulun malaat lumonggo' mambaal ra tula, am tumalimpuun mambaal ra matimpok am moonsoi, namayag ulun no ra kaayagan nano.

YEHEZKIEL 33:16

Ampunon Ku tula-tula ondo' binaal nilo, am maayag ilo sabap ra nambaal ra atan ondo' moonsoi am motopot.

MIKA 6:2

Gunung kau ngai', puun ru tana' ondo' mantilayun, rongogo' noyo ondo' pabalaan ru Tuhan! Tuhan mokoondo' ra baal ra ulun Nano am magibit Io ra panguwan ra Israil.

RINALATAN 17:2

Koson ra kaindalaman no, ongoi i Paulus ra baloi sambayangan ra mangkuot am mangila' io intor ra Buuk Kitab. Saboi intalu ra moonong orou Sabat nambaal io raginio.

RINALATAN 18:4

Moonong orou Sabat, minongoi i Paulus pangila' giu' ra baloi sambayangan koson mangkimait ra ulun ru Jaudi am niayuk ulun ru Junani mangintopot ri Jisus.

RINALATAN 24:25

Kaa' paat ri Paulus nanunggul ra ragu nali intor ra kataawan, kaaratan am niayuk intor ra ukum ra Orou Pupus, nalaa' i Piliks am indagu, “Moonsoi sumaguli' kou raino am amon ru makakaluagan aku poyo, piawon tokou saguli'.”

ROMA 5:20

Ukum ri Musa tinaakan ri Aki Kapuuno'. Kaa' kapiratan ru ulun gumagaya' raginio mangkinibit risilo manggal ra Ukum no am tumula ri Aki Kapuuno'. Kaa' rumuang pana tula no, mulu' poyo kataawan ri Aki Kapuuno' no rumuang.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.

1 SAMUIL 12:7

Raino, pai' kapo ugar. Manguu' aku ramuyun ra saang ru Tuhan am mapakara' ramuyun ra ngaangai' ru binaal maayo ru Tuhan koson mamayag ramuyun am kinamatuaan mini.