JISAYA 1:13 - Tanou Moonsoi Timugon

¹³ Banangan min ayuk magibit ra taak mino. Jumool painawan kuno makaalok ra kaminyan ondo' solobon mino. Kalo boo matipagilong Aku ra akau mangiantak ra Sila' Bagu, orou Sabat am pantutuuman min ralalom sambayang. Ngaangai' no jinamalan ru tula mino.

JISAYA 1:13 ပူးပေါင်းရင်းမြစ်များ

JISAYA 66:3

Ulun raginio mambaal maya' ra kasagaan ru guang nilo. Pangkaraan nilo manimbalui ra sapi' gawayan nogondo' ayuk ra mampatoi ra ulun koson pataakon koson ra taak simbalui, mapataak ra anak domba kapoam mamandak ra liog ru uku', mapataak ra gandum kapoam raraa' ru bauwi; monolob ra kaminyan kapoam makiasi' ra sinungkalalaing. Masaga' ilo sumamba maya' ra ralan majamol kaga'.

MALIAKI 1:10

Mindagu Tuhan Ondo' Maayo Kaga' Kuasa', “Moonsoi poyo sangulun intor ramuyun paangabin kulobon ru Baloi Kuno, sabap ra kolondo' onong min mampaang ra apui giu' ra rasawat ru altar Kuno. Kalo maansayan Aku ramuyun am marara' mangapu ra taak min.

MATIUS 15:9

Kolondo' onong sumamba ilo Raki', sabap ra ilo mangila' ra susuban ru ulun ayuk, sala' ka pangilaan ri Aki Kapuuno'.’ ”

YEHEZKIEL 20:39

Indagu Tuhan Raja', “Raino alii ra ulun kau ngai' ru Israil, pambaal kano maya' ra kasagaan min! Samba kano ra sinungkalalaing min! Kaa' aniin Takamin ra pampakaraan ra kalupus raginio musiti' kau gumagaya' Raki', am kalo boo mampajamol ra inggalan Kuno ondo' matulai ra magibit ra taak ra sinungkalalaing min.

LUKAS 11:42

Mumpara' boo usung mino ulun ru Parisi! Kabalu' pana taakin min ri Aki Kapuuno' mopor piatus ra selasih, inggu am ngaangai' apa' pampagamis ra akanon ra bokon, kaa' inimpayan min katimpakan am togom ri Aki Kapuuno'. Baalo' min karuo-ruo am pai' impayi' bokon no.

JOIL 2:15

Samputi' bujung giu' ra Bulur Sion; panusub no koson mampali, am baalo' rondo' pantimungan.

SULABOI 2:6

Nanutuk Io ra Baloi ru Tuhan intok takau sumamba Riso; iniru' No ngaangai' pangiantakan am orou Sabat. Raja' am imam ngaangai' no naimbolo' kinibit ru sangit Nano.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

1 KORINTUS 11:17

Ugar ru sambayang mino sotopot no kalo magibit ra kasingkatan, kaa' kalaatan. Intor raginio kalo mokopongompor aku ramuyun.

JOIL 1:14

Pangani' no ra susuban koson mampali; pambaal no rondo' pantimungan. Susubo' tingganai-tingganai am ngaangai' mamagun ru Jiuda matong ra Baloi ru Tuhan, i Aki Kapuuno' min am pampiau makiindangan Riso.

AMSAL 21:27

Masisang Tuhan no ra taak simbalui ru ulun malaat, mulu' poyo amon ru taak simbalui ra pataakon no mokoondo' kuayan ra malaat.

MAZMUR 78:40

Mapara' ilo masalok lumaat Riso giu' ra tana' kaagisan; mapara' ilo masalok mapangiluk ra guang Nano!

1 TUNUNG RU BANSA' ISRAIL 23:31

am moonong ra taak simbalui solobon koson ra Tuhan paat ra orou Sabat, paat ra pangiantakan ra Sila' Bagu, am paat ra pangiantakan-pangiantakan ra bokon. Suang ru ulun ru Liwi ondo' musiti' mangandoi ra moonong igondo', niayuk mokoondo' ra aturan no. Ulun ru Liwi musiti' mampaugar ra kandoi no ra sabubuoi no.

KAINGKUALAN 12:16

Paat ra orou kasaa', am igondo' poyo paat ra orou katulu', musiti' kau tumimung koson sumambayang. Paat ra orou-orou raginio kalo pongondoyon kau ra atan pana, kaa' akanon matampos min.

PILIPI 1:15

Iou pana ginio, mokoondo' niayuk ulun mampabala' ra tanou ri Kristus sabap ra tanou ri Kristus mabaya' ra guang motopot.

UNTABAN 10:2

“Pambaal ruo bujung intor ra pirok tinuyu' maa' raginio pakayon koson mampiau ra ulun ru Israil tumimung am manusub risilo mugar.

JISAYA 66:23

Paat ra moonong pangiantakan ra Bulan Bagu am orou Sabat, ulun intor ra ngaangai' pagun matong sumamba Raki' giu' ra Jirusalim.

GOSIA 2:11

Pusoon Ku puun-puun ru anggur am puun-puun ru ara nano ondo' sumugut riso iono gaji' ru binaal nano ra ambai-ambai nano. Kulawon Ku umo ru anggur am umo ru ara nano masauk ra kataunan, am ngaangai' no pusoon ru bibiag masigo.

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

2 RAJA'-RAJA' 4:23

Pangkuot ralaki nano, “Kua kia musiti' mongoi ra orou raiti'? Orou raiti' sala' ka orou Sabat kapoam Pangiantakan ra Sila' Bagu.” Taam io, “Kalo pana.”

AMSAL 7:14

“Orou raiti' napataak aku ra taak simbalui, am ragino mokoondo' poyo suwo intor ra taak simbalui no.