JIRIMIA 9:5 - Tanou Moonsoi Timugon

^5-6 Ngaangai' ilo mamparuung ra rangan, kolondo' sangulun pana mindagu ra motopot. Maindalom ilo mindagu ra magabau, marara' ilo lumonggo' mambaal ra tula. Puka' rayusin ra puka', ruung rayusin ra ruung, rayusin baalon. Minindagu Tuhan ra ulun Nano marara' mulig Riso.

JIRIMIA 9:5 ပူးပေါင်းရင်းမြစ်များ

KASAUKAN 19:11

Bolowo' nilo mato ru ngaangai' ulun ondo' soroi ra liwar no saboi kalo boo mauyum nilo angob ru baloi no.

AYUP 11:3

Ayup, indoson mu ra kalo makataam akai rirun, am ra mongkoror akai sabap ra pagasaban muno?

AYUP 15:5

Ragu-ragu muno mapainono' ra makasala kou, kaa' kalaatan muno tinauban mu ra ragu-ragu mamparuung.

MAZMUR 140:3

Masalok ilo mangatang ra kalaatan, am masalok mapatabual ra pansasangaran.

MAZMUR 50:19

Masalok kau mindagu ra malaat; am kalo manangguang kau mamparuung.

MAZMUR 52:3

Okou ulun maikang, kua pamanggo kou ra kalaatan muno ra ulun ondo' tagamin ri Aki Kapuuno'?

MAZMUR 64:3

Sindungi' aku intor ra pampakatan ru ulun malaat, am intor ra ulun ondo' nausung.

MAZMUR 7:14

alapon No kinandoi mangayou Nano ondo' makapatoi am pabakison No panah Nano ondo' makasimbula'.

AMSAL 12:5

Ulun mabanis guang mangkara' ra baal-baal moonsoi, kaa' pinson ru ulun malaat ruung ayuk.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

JISAYA 5:18

Aibui boo ramuyun! Kalo masaga' kau manatang ra tula.

JISAYA 57:10

Maagui kau maguyum ra sinungkalalaing ra bokon, kalo masaga' kau tumangus. Indoson min sinungkalalaing mino makapangikang ramuyun saboi akau kalo maagui.

JIRIMIA 12:13

Ulun Kuno mantanom ra gandum, kaa' mangkumos ra alab. Mingkotog ilo mangandoi kaa' kolondo' maalap ra ampos. Sabap ra siminangit Aku toojo, kinumos nilo kalo mauli'.”

JIRIMIA 12:6

Tinumbalik kou boo napumpung pabukat-pabukat muno galama'; babaya' ilo mamulunsar rirun. Pai' no pangintopot risilo, kabalu' pana ragu nilono maamis.”

JIRIMIA 13:23

Makakulau kia ulun maitom ra batik ru kungkung nano, kapoam ampunguon makairu' ra gumutitikan nano? Maaru' kalo! Koson niayuk ramuyun ondo' maindalom mambaal ra malaat, kalo lair mambaal ra moonsoi.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 51:58

Timbok ru bandar Babil ondo' maikang no malunsai ra tana', kulobon-kulobon garabang nano ondo' masawat solobon. Pirot ru bansa'-bansa' ngaangai' no papalo ayuk, ngaangai' no ra pupus no makai' kosolob niayuk. Aku, Tuhan Ondo' Maayo Kaga' Kuasa', nakaindagu noyo.”

JIRIMIA 51:64

Balai' ilo ra koon raginio noyo pupus ru Babilonia. Malinjob Babilonia am kalo noyo boo sumalula', sabap ra kapusaan ondo' porotongon ru Tuhan riso.” Ragu-ragu ri Jirimia polos ragiti.

JIRIMIA 7:28

Balain mu ilo ra ilo noyo rondo' bansa' ondo' marara' gumagaya' Raki', Tuhan i Aki Kapuuno' nilo, am marara' ilo migila' intor ra ukuman ondo' pinatiu' risilo. Gagaya' nilo Raki' kolondo' noyo boo, inambai boo ra kalo boo tunungon.”

JIRIMIA 9:3

Masalok ilo tumampos lalair koson magabau; giu' ra titikop pagun ondo' motopot kalo manguasa', tumbalik no gumaai-gaai kalo mabanis guang. Indagu Tuhan, “Ulun Kuno kalo lulumonggo' mambaal ra kalaatan, kalo mangiou ilo Raki' koson i Aki Kapuuno' nilo.”

JIRIMIA 9:8

Rila' nilo koson ra panah ondo' makapatoi; kalo lulumonggo' ilo magabau. Ragu nilono maamis ra mangambi', kaa' sotopot no nampakaang ilo ra pampalandak.

YEHEZKIEL 24:12

Kaa' kalo ngaangai' togol nano mairu' ra mosolob ru apui.

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

MIKA 6:3

Indagu Tuhan, “Ulun Ku ngai', atan nua' binaal Kuno ramuyun? Ralalom ru baal atan nua' nantipagon Aku ramuyun? Taamo' noyo.

ABAKUK 2:13

Bansa'-bansa' ondo' kinuasa' min makai' ikang ra kolondo' onong; ngaangai' ondo' baalon nilo makai' kosolob ru apui. Tuhan Ondo' Maayo Kaga' Kuasa' nambaal ra baal ragitio.

MALIAKI 2:10

Sala' ka kia itakau ngaangai' mokoondo' ra ama' ondo' nogondo'? Sala' ka kia itakau ngaangai' binaal ri Aki Kapuuno' ondo' nogondo'? Kaa' kua ritakau kalo manugut ra bantu' rondo' am bokon? Kua kia pagasab takau ra nabantuan ondo' binaal ri Aki Kapuuno' ra kinamatuaan takau?

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

1 TIMOTIUS 4:2

Pangilaan raginio posoboyon ru ulun maabau-abau, ondo' kalo makaliman ra makatula sabap ra kolondo' boo bolos ru guang nilai.

TINGGANAI RU BANSA' 2:10

Kopongo raginio ngaangai' ulun ru Israil intor ra sukor raginio minatoi. Sukor bagu kalo nakaulig ra Tuhan sabap kalo nakaili' ilo ra atan ondo' binaal ru Tuhan tayar ru Israil.