JIRIMIA 9:23 - Tanou Moonsoi Timugon

²³ Indagu Tuhan, “Ulun mapintar kalo mamanggo sabap ra kapintaran nilo, ulun maikang kalo mamanggo sabap ra kaikangan nilo, am ulun langkaya' kalo mamanggo sabap ra kalangkayaan nilo.

JIRIMIA 9:23 ပူးပေါင်းရင်းမြစ်များ

AYUP 32:13

Ati kulaan kau mindagu ra nokoowot kano ra kapintaran? Musiti' i Aki Kapuuno' tumaam ri Ayup, sabap ra kalo nakasugut kau.

AYUP 41:15

Bakulung nano koson ra perisai ondo' nalulur, ondo' nonsokot ra narikit am mokotog koson ra batu.

MAZMUR 33:5

Tuhan monogom ra kabanisan ru guang am katimpakan; titikop ru tana' ti natikop ra togom Nano.

MAZMUR 34:3

Omporon ku Io sabap ra nansalinut binaal Nano; gama' ru ngaangai' ulun ondo' inimpayan mangkirongog am maansukan.

MAZMUR 44:9

Kalo langgain mai mongompor Rirun am maringkuanang Rirun ra sabuoi-buoi no.

MAZMUR 62:10

Ulun ti koson ayuk ra labus ru paminawo; maayo kapoam boborok nogondo' ayuk kolondo' logo. Amon timbangon, mamaan ilo ayuk, mamaan poyo intor ra igondo' labus maminawo.

AMSAL 11:4

Kolondo' onong ru linangkaya' ru ulun no bulintok tumingkuang ra kapatayan, kaa' kabanisan ru guang mamayag ra ulun.

AMSAL 21:30

Kapintaran, katasikan am kapandayan ru ulun kolondo' onong amon ru Tuhan kalo masaga' ritakau.

AMSAL 3:5

Pangintopot kono ra Tuhan ra sotopot-topot ru guang muno. Pai' kou lansan ra pangaratian muno galama'.

MAMPATANOU 2:19

Osoi makapandai? Maaru' lair mapandai io! Maaru' lair kolondo' katandaan! Kaa' io noyo nanungkus ra ngaangai' ondo' binaal kutu; ngaangai' ondo' naalap kuli ra tana' ti intor ra kapintaran kutu. Ngaangai' no kolondo' onong.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JISAYA 10:8

Raja' maayo ragu, “Moonong panglima kuno ioginio sangulun raja'!

JISAYA 20:5

Ulun ondo' lumansan ra Itiopia am mamanggo ra Misir masindualan ra guang. Kalansanan nilono matutuk.

JISAYA 47:10

Malimanan muno moonsoi ralalom ru kalaatan muno; indoson muno kolondo' sangulun pana makapandai. Kapintaran am kaintutunan muno mapalayau rirun. Indoson muno kolondo' mokogondo' rirun.

JISAYA 5:21

Aibui boo ramuyun! Pangkaraan min, mapintar kau am mapandai toojo!

JIRIMIA 31:34

Kolondo' sangulun pana risilo musiti' mangila' ra ulun pogondo' nano koson mulig ra Tuhan, sabap ra ilo ngaangai', maayo boborok, makaulig Raki'. Lilianin Ku kasalaan nilo am mangampun ra tula nilo. Aku, Tuhan, nakaindagu noyo.”

JIRIMIA 48:14

Mamagun kau ru pagun Moab, kua pangkara' kau ra inan koson ra ulun tutumula', am koson ra saujor maikang ondo' kininaman ralalom ru pangayawan?

JIRIMIA 48:7

Okou Moab, malansan kou ra kaikangan am kalangkayaan muno, kaa' raino okou pana kalaan; i Kamos, dewa min, nabaya' ra imam-imam am pagawai ru pamarintaan patirin ra pagun ra bokon.

JIRIMIA 49:4

Kua ramuyun lumimbau, ulun kau ngai' ondo' kalo gumagaya'? Ilai' noyo, kaikangan min tumalimpuun lumawo. Kua kia lansan kau ra kaikangan galama' am mindagu ra kolondo' osoi pana makakau' mamulunsar ramuyun?

YEHEZKIEL 29:9

Masauk Misir ra intok kolondo' tutuu' am masiluk. Makapandai kau boo ra Aku noyo Tuhan. “Okou raja' ru Misir! Sabap ra minindagu kou ra Sungoi Nil longgom muno, am okou nambaal no,

YEHEZKIEL 7:19

Mamatir ilo ra mas am pirok koson ra ginsamol giu' ra ralan, sabap ra pirok am niayuk mas kalo makapamayag risilo paat ra Tuhan mapasingkual ra sangit Nano. Kalo mamakai ilo ra mas am pirok no koson mampajala' ra inan kapoam mamasug ra tinai'. Kaa' mas am pirok noyo ondo' nangkinibit risilo makatula.

DANIL 3:15

Raino paat ra akau mokorongog ra bolos ru bujung, suling, rebab, gambus, jitor am kuliamos ru miujik ra bokon, migulatur kau am samba ra sinungkalalaing no. Amon ru kalo, indibakin kau papatiron ra rapuan ondo' bibilak. Ati kia ra dewa ondo' makapamayag ramuyun?”

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

MIKA 6:8

Topot-topot kalo! Nambala' noyo Tuhan ritakau ra atan ondo' moonsoi. Baal ondo' kitaakon toojo ru Tuhan intor ritakau iono maa' raginio mambaal takau ra matimpok, masalok mangimaya' ra katagaman, am mabaya' ra guang minggana' maayag masimpung ri Aki Kapuuno' takau.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

MARKUS 10:24

Maamaya' Nano mangimuag nokorongog ra ragu ri Jisus ni. Kaa' indagu Io poyo, “Anak kau, mapagon toojo masauk ra ulun ri Aki Kapuuno'!

ROMA 1:22

Indos nilo mapintar ilo, kaa' sotopot no sasambungon ilo.

1 KORINTUS 1:31

Ginio ra tinulisan ra Buuk Kitab, “Osoi ayuk masaga' lumimbau, moonsoi io no mongompor ra atan ondo' binaal ru Tuhan.”

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.

PILIPI 3:10

Am raino rorondo' ayuk gogoton kutu, ioginio maayag mintutun ri Kristus am makaliman ra kuasa' ondo' namayag Riso intor ra kapatayan, am masaga' poyo imboloon am potoyon koson Riso.

PILIPI 3:8

Am sala' ka ginio ayuk. Kaa' sotopot no ngaangai' karaan ku koson ra kolondo' boo onong sabap ra kalo noyo mokopogondo' ra ati kulaan kinologo ru intutun kuno koson ri Kristus, Tuhan kuno. Ngaangai' no tinatang ku noyo sabap ra Io, am karaan ku ginio koson ra ginsamol ayuk, maa' raginio mulu' piboo aku makaintutun ri Kristus am makasimpung Riso.

1 TIMOTIUS 6:10

Sabap ra maringkumaa' ra kalangkayaan ti noyo puun ru mansalinut kalaatan. Mokoondo' ulun naingkinibitan ru ginio saboi nakalayau intor ra pangintapatan takau am pupus no migimbolo' ilo ra mansalinut kapaganan.

1 SAMUIL 17:42

kaa' paat ra io nakakito ri Daut am inimansaan no, nakakurit i Goliat ra magasab sabap ra lakat poyo kaga' mamulok i Daut am maindon.