JIRIMIA 9:22 - Tanou Moonsoi Timugon

²² Baangkai kumalayatan giu' ra ati-ati, koson ra tuntur ru pampalabung ra tana', koson ra gandum ondo' tinantab am iniruanan ru ulun manantab, am kalo linulur ru osoi pana. Nanusub Tuhan raki' mampatanou ra tanou raginio.”

JIRIMIA 9:22 ပူးပေါင်းရင်းမြစ်များ

2 RAJA'-RAJA' 20:13

Nanguma' Raja' Gijkia ra rinatangan ru ulun-ulun sinusub no am nampakito ra ngaangai' kalangkayaan nano risilo – pirok am mas nano, apa' pampagamis ra akanon am umau maamis owou, am niayuk ngaangai' kuliamos ra naukop ru saujor nano. Kolondo' rondo' pana giu' ra lamin pambulian kapoam giu' ra titikop ru pamarintaan nano ondo' kalo pinakito no risilo.

2 RAJA'-RAJA' 20:15

“Atan kia ondo' ilain nilo ra istana?” “Magilong ilo ra ngaangai' no. Kolondo' rondo' pana giu' ra lamin pambulian ondo' kalo pinakito ku risilo,” taam ru Raja' Gijkia.

2 RAJA'-RAJA' 9:37

Suwo-suwo ru baangkai nano makulipatak koson ra ampangara' ru bibiag, saboi kalo boo mauligan.’ ”

MAZMUR 49:7

ulun lumansan ra kinalangkayaan nilono, am marikamo ra rapu' nilono ra masuang.

MAZMUR 83:10

Ondo' poyo pamakuan Muno ra ulun ru Midian, am Sisira am niayuk Jabin giu' ra sungoi ru Kisyon, ginio niayuk pamakuan Muno risilo.

AMSAL 18:11

Kaa' pangkaraan ru ulun langkaya' rapu' no manindung risilo koson ra timbok masawat am mapiot ra libung ru bandar.

AMSAL 23:4

Ilalai' min noyo! Kalo sukuin ra inan maimbolo' sabap ra sumauk ra langkaya'.

JISAYA 5:25

Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.

JIRIMIA 16:4

Matoi ilo sabap ra matiu' ra maruol ondo' magibit ra matoi. Kolondo' sangulun pana manulaboi kapoam mompolobong risilo. Baangkai nilo kumalayatan koson ra baja ra tana'. Matoi ilo ralalom pangayawan kapoam matoi ra bitilan. Baangkai nilo akanon ru susuit am bibiag masigo.

JIRIMIA 25:33

Paat orou raginio baangkai ru ulun ondo' pusoon ru Tuhan kumalayatan ra titikop ru tana' ti. Kalo tangiin ilo, kalo kayangon koson ra lobongon, kaa' polosoon ayuk ra tana' koson ra tuntur ru pampalabung ra tana'.

JIRIMIA 6:21

Ginio ra mangkinibit Aku risilo makasaru am maratu'. Ama' am anak, rangan am pasambalayan matoi.”

JIRIMIA 7:33

Baangkai masauk ra akanon ru susuit am bibiag masigo am kolondo' boo ulun mangunjau.

JIRIMIA 8:2

Kuayan no sala' ka timungon am lobongon poyo, kaa' koson polosoon ra tana' koson ra pampalabung. Bungul-bungul nilo makulipatak ra matuug ru sinda mato ru orou, sila' am butitin ondo' tagamin, intok mangandoi ayuk, sambaan am pakituluan nilo.

ABAKUK 1:11

Kopongo raginio nataki' ilo minugar koson ra siob ru angin. Makasala ilo sabap sumamba ra kaikangan galama'.”

JIPANYA 1:17

Indagu Tuhan, “Porotongon Ku masuang karaat ra ulun, saboi moonong ulun matukangkam koson ra ulun bolou. Makatula ilo noyo Raki', am raino raraa' nilo nalayak koson ra timug, am baangkai nilo mootong ra tana'.”

SAGULION 8:17

Ginio ra pai' lingon mangkara' ra lumangkaya' kau sabap kuasa' am kaikangan min galama'.