JIRIMIA 9:2 - Tanou Moonsoi Timugon

² Mapara' piboo bonsoi no amon ru mokoondo' aku ra intok ayanan giu' ra tana' kaagisan, maa' raginio minggalur aku intor ra bansa' kutu. Ngaangai' ilo kalo gumagaya', ilo ulun malaat guang ngaangai'.

JIRIMIA 9:2 ပူးပေါင်းရင်းမြစ်များ

JISAYA 59:3

Nakasala kau sabap ra magabau am sumaindang, malaat am mamatoi.

JIRIMIA 12:1

“Iou Tuhan, amon ru pabalaan ku baal kutu Rirun, maaru' matutunan toojo ra Okou noyo ondo' motopot. Kaa' musiti' aku mangkuot Rirun intor ra katimpakan. Kua kia ra ulun malaat langkaya'? Kua kia ra ulun ondo' kalo mabanis guang makabanang?

JIRIMIA 12:6

Tinumbalik kou boo napumpung pabukat-pabukat muno galama'; babaya' ilo mamulunsar rirun. Pai' no pangintopot risilo, kabalu' pana ragu nilono maamis.”

JIRIMIA 13:22

Maaru' mangkuot kau kua ra ngaangai' no liminumpa' ramuyun; kua ra bayang min rinilak am kua sinawa' kau. Pakapandai no ra ngaangai' no nasauk sabap ra tula min maayo kaga'.

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

JIRIMIA 5:1

Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

JIRIMIA 5:11

Mamagun ru Israil am Jiuda totopot nanumbalik Raki'. Aku, Tuhan nakaindagu noyo.”

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

GOSIA 4:2

Nabantu' ilo, kaa' kalo nanugut ra bantu'. Nagabau ilo, namatoi, nantakou am nansawa'. Kalaatan gumaai am pamatayan nasauk mansusunu'.

GOSIA 5:7

Kalo gumagaya' ilo ra Tuhan; anak-anak nilo sala' ka anak-anak Nano. Ginio ra, kalo boo mabuoi ilo am tana' nilo pusoon.

GOSIA 6:7

Kaa' pakaayan kau ayuk ra tana' giu' ra Adam, liminungkang kau ra nabantuan Kuli ramuyun.

GOSIA 7:4

Ilo ngaangai' malaat am kalo gumagaya'. Sisang nilo koson ra apui giu' ra ralalom ru rapuan ondo' kalo pinaangan ru ulun mambaal ra ruti' ra kalo poyo mopongo kabaal ruti' makata' koson solobon.

MIKA 6:12

Ulun langkaya' ra gino ngai' min mangimbolo' ra ulun musikin; akau ngaangai' magabau.

JIPANYA 3:4

Nabi-nabi ru bandar no kalo malansanan am kalo maintopot; imam-imam nampajamol ra atan ondo' pakayon ra tayar ru Tuhan ayuk am napatimpurok ra ukum ri Aki Kapuuno' koson ra kaatangan nilo galama'.

MALIAKI 2:11

Mamagun ru Jiuda minanggal ra bantu' nilo ri Aki Kapuuno' am niayuk nambaal ra baal-baal ondo' makalalaa' giu' ra Jirusalim am giu' ra titikop pagun. Jinamalan nilo noyo Baloi ru Tuhan ondo' tagamin ru Tuhan. Ungkuyon nagandu' noyo ra ruandu' ondo' siminamba ra dewa-dewa ru bansa' ra bokon.

MALIAKI 2:14

Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.

TINGGANAI RU BANSA' 2:10

Kopongo raginio ngaangai' ulun ru Israil intor ra sukor raginio minatoi. Sukor bagu kalo nakaulig ra Tuhan sabap kalo nakaili' ilo ra atan ondo' binaal ru Tuhan tayar ru Israil.