JIRIMIA 9:19 - Tanou Moonsoi Timugon

¹⁹ Rongogo' bolos ru tangi' giu' ra Sion, “Natutuk akai noyo! Tinauyu' akai toojo. Musiti' akai mangiruan ra pagun mai; baloi mai linunsai noyo.”

JIRIMIA 9:19 ပူးပေါင်းရင်းမြစ်များ

JISAYA 32:9

Rongogo' noyo, akau ruandu' ondo' maayag ra matasu', nakalabus intor ra pagalabaan.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

JIRIMIA 2:14

“Israil sala' ka ulipon; kalo inanak io koson ra ulipon. Kaa' kua ilowo' io ru pantula' nano?

JIRIMIA 4:13

Ilai' pantula' matong koson ra gaun. Kurita' kuda nano koson ra bagiu' puting beliung, am kuda nano maribok poyo intor ra susuit kanui. Nalumpa' takau ru karaat! Maluus takau!

JIRIMIA 4:20

Karaat mansusunu' matong, titikop pagun mapuso. Pulali' ru kim mai linunsai, konoon-konoon no rinilak.

JIRIMIA 7:15

Akau pagiruon Ku intor ra saang Kuno koson ra Aku nampagiru' ra pabukat min, ulun ru Israil. Aku, Tuhan nakaindagu noyo.”

JIRIMIA 7:19

Kaa' sotopot no, pai' ru Aku rinuol nilo, kaa' inan nilo galama' saboi ra tinauyu' ilo.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

SULABOI 4:15

Kon ru ulun, “Ugar no intor ragiti! Majamol kau, pai' kambong ramon!” Ginio ra tumanggau ilo intor ra rondo' pagun mongoi rondo' pagun, kaa' kalo inuma' ru osoi pana.

SULABOI 5:2

Rapu' tungkuson mai ginaau ru ulun ra bokon; ulun bansa' ra bokon tatanga' mayan ra baloi mai.

YEHEZKIEL 27:2

“Okou ulun mapandai matoi, parimbai no ra rimbai sulaboi ra tayar ru Tirus,

IMAMAT 18:25

Binaal nilono napajamol ra pagun no. Ginio sabap ra nangukum Tuhan ra pagun no sabap ra baal majamol ondo' binaal ru mamagun ru pagun no.

IMAMAT 18:28

Kon raginio kalo pagiruon kau intor ra pagun no koson ra bansa'-bansa' ondo' minayan ra giu' i ra pinagiru' ragili.

IMAMAT 20:22

Indagu Tuhan, “Gagaya' no ra ngaangai' ukum am susuban Kuno, maa' raginio kalo pagiruon kau intor ra pagun ru Kanaan, intok pagibitan Kuno ramuyun ra raino ti.

MIKA 2:10

Karat no am ugar no intor ragiti. Kolondo' boo intok ondo' mamimio. Tula min naparatong ra karaat ondo' makalalaa' ra intok ti.

MIKA 2:4

Paat ra rumatong ginio, alapon ru ulun tunung intor ramuyun no koson ra pangiisan. Maririmbai ilo ra rimbai panguliran ragitio: Napuso akai noyo ra nalingon! Tuhan nangalap noyo ra pagun mai am tinaakan no ra ulun ondo' namparakop ramon.”

SAGULION 28:29

Paat ra matawang, matukangkam kau koson ra ulun bolou, am kalo makauyum kau ra ralan. Atan pana baalon min, kalo makasugut kau. Magail kau imboloon am takawin, am kolondo' mangindangan ramuyun.