JIRIMIA 9:17 - Tanou Moonsoi Timugon

¹⁷ Tuhan Ondo' Maayo Kaga' Kuasa' mindagu ra ulun Nano, “Ilai' noyo atan ondo' nasauk! Piawo' ulun manulaboi ra ginajian. Susubo' ruandu'-ruandu' matong am marimbai ra rimbai panguliran.”

JIRIMIA 9:17 ပူးပေါင်းရင်းမြစ်များ

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

AYUP 3:8

Akau ulun mapandai kaga' ra sihir, ulun mapandai kaga' ra Liwiatan, ulaso' noyo orou raginio ra ibot am ulas.

MAMPATANOU 12:5

Malaa' kou magaloi ra intok ondo' masawat kaga', am musiti' ilalain ra mugar. Abuk min makauan, am kalayam min ralaaton min paat ra akau mugar, am ngaangai' guangon min am gogoton min lumiot. Sumuku' takau ra intok pupus, am ngaangai' ulun mantangi' buoi mangkiralan.

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

SULABOI 2:5

Koson ra pantula', namuso noyo Tuhan ra Israil; namuso Io ra ngaangai' kubu am istana nano. Namparuang Io ra kangilukan ru mamagun ru Jiuda.

YEHEZKIEL 27:2

“Okou ulun mapandai matoi, parimbai no ra rimbai sulaboi ra tayar ru Tirus,

YEHEZKIEL 32:16

Pampakaraan ragitio masauk ra rimbai sulaboi, am ruandu' ru bansa'-bansa' ra bokon marimbai raginio koson manulaboi ra Misir am ngaangai' mamagun nano. Aku, Tuhan Raja', nakaindagu noyo.”

AMOS 5:1

Rongog kano, akau ulun ru Israil! Rimbayin Ku akau ra rimbai panguliran:

MIKA 2:4

Paat ra rumatong ginio, alapon ru ulun tunung intor ramuyun no koson ra pangiisan. Maririmbai ilo ra rimbai panguliran ragitio: Napuso akai noyo ra nalingon! Tuhan nangalap noyo ra pagun mai am tinaakan no ra ulun ondo' namparakop ramon.”

MATIUS 9:23

Paat ri Jisus nakasuku' ra baloi ru tingganai i, ilai' no ulun-ulun manulali am posongonsol maya' ra kaulayan ru pampalabangan ru ulun ru Jaudi.

MARKUS 5:38

Pakasuku' ilo ra baloi ri Jairus, am ilai' No ulun posongonsol am noloos ayuk tinangian am sulaboi.