JIRIMIA 9:15 - Tanou Moonsoi Timugon

¹⁵ Ginio ra rongogo' noyo ondo' baalon Kuno, Tuhan Ondo' Maayo Kaga' Kuasa', i Aki Kapuuno' ru Israil: Mangani' Aku ra ulun Kuno ra tutuu' mapait koson akanon am tuuwo koson inumon.

JIRIMIA 9:15 ပူးပေါင်းရင်းမြစ်များ

MAZMUR 60:3

Iou Aki Kapuuno', inimpayan Mu akai am kinala Mu akai; siminangit Kou kaga' ramon, kaa' raino saguli' no ramon!

MAZMUR 69:21

Nagasaban nagibit ra guang kuno malawo, am liminungkang aku. Maguyum aku ra ulun ondo' maluoi pakaasi', kaa' kolondo' najampa' ku; maguyum aku ra ulun ondo' mangikang ra guang kuno, kaa' kolondo' natuum kuno.

MAZMUR 75:8

i Aki Kapuuno' noyo galama' masauk ra akim, mokoondo' inukum am mokoondo' pinalabus.

MAZMUR 80:5

Iou Tuhan i Aki Kapuuno' Ondo' Maayo Kaga' Kuasa', saboi sanggilan Okou sumangit am kalo mangkirongog ra pakiasian ru ulun Muno?

JISAYA 2:17

Limbau ru ulun liomon No, am minsawat guang ru ulun pusoon No. Ngaangai' sinungkalalaing liomon No saboi mapuso, am Tuhan ayuk omporon ra orou raginio.

JISAYA 2:22

Ginio ra, pai' pangintopot ra ulun mapandai matoi sabap kolondo' logo nilo.

JIRIMIA 23:15

Gitio noyo ragu ru Tuhan Ondo' Maayo Kaga' Kuasa' intor ra nabi-nabi giu' ra Jirusalim, “Aniin Ku ilo ra tatanom mapait koson ra akanon am tuwo koson ra inumon, sabap ra nangkinibit ilo ra ulun giu' ra titikop pagun kalo gumagaya' Raki'.”

JIRIMIA 24:10

Mamparatong Aku ra pangayawan, bitilan, maruol tumapik risilo saboi ra ngaangai' nilo matoi, am kolondo' ulun ondo' matatang ra pagun ondo' tinaakan Ku risilo am kinamatuaan nilo.”

JIRIMIA 25:15

Tuhan, i Aki Kapuuno' ru Israil minindagu raki', “Gitio noyo sangkir ru wain ondo' sinuangan ra sangit Kuno. Ibito' sangkir ti ra ngaangai' bansa', am susubo' ilo manginum intor ra sangkir ti. Susubon Tokou mongoi risilo.

JIRIMIA 44:27

Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

JIRIMIA 49:37

Mangkinibit Aku ra mamagun ru Ilam malaa' ra pantula' ondo' masaga' mamatoi risilo. Siminangit Aku kaga' ra mamagun ru Ilam am mamuso risilo. Atarin Ku saujor ondo' mangayou risilo, saboi pusoon Ku ilo lingono'.

JIRIMIA 8:14

Indagu ulun ri Aki Kapuuno', “Kua kolondo' atan kon binaal takau? Ibok takano pagiru' ra bandar-bandar ondo' mokoondo' ra kubu; polosoon noyo itakau matoi ra giu' no. Tuhan, i Aki Kapuuno' takau namatas noyo koson mompoloso ritakau maluus. Nangani' Io ritakau ra tuuwo inumon sabap ra makatula takau Riso.

SULABOI 3:15

Mapait ayuk pinataak Nano raki' koson ra inumon am akanon.

SULABOI 3:19

Mangkara' ra tanggawan am kaimbalaan kuno, koson ayuk mangakan ra tuwo ondo' mapait.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

YEHEZKIEL 5:2

Solobo' sampitalu ra abuk no giu' ra ralalom ru bandar mopongo' pagawangan maampus. Ondo' sampitalu poyo musiti' totokon mu ra ilang muno liliwa' lumiput ra bandar no. Sampitalu ondo' pupus musiti' pasiabon mu, am ilowon Ku ginio ra ilang Kuno.

SAGULION 28:36

“Tuhan mamatir ramuyun am raja' min giu' ra pagun ru bansa' ru bokon, intok ondo' kalo igondo' kasauk ra ayanan min kapoam kinamatuaan min. Giu' no mangandoi kau ra tuhan-tuhan ondo' binaal intor ra tataun am batu.

SAGULION 29:18

Ginio ra alungi' noyo maa' raginio kolondo' sangulun pana ragiti ra orou raiti', iou ra ungkuyon, ruandu', sasambaloi kapoam bansa' ondo' timinalikur intor ra Tuhan i Aki Kapuuno' takau, am samba ra tuhan ru bansa' ru bokon. Baal raginio koson ra bakat ondo' tumuu' masauk ra tatanom mapait am makaanit.

PINAINTALANG 8:11

(Inggalan ru butitin no “Mapait”.) Sampitalu ru timug no siminimpait am masuang ulun minatoi sabap ra nanginum ra timug mapait raginio.