JIRIMIA 9:11 - Tanou Moonsoi Timugon

¹¹ Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

JIRIMIA 9:11 ပူးပေါင်းရင်းမြစ်များ

NIGIMIA 4:2

Giu' ra saang ru rangan-rangan nano am pulalai ru saujor Samaria, indagu io, “Atan kia ondo' tatanga' baalon ru ulun ru Jaudi ra nausung ti? Makaguang ilo kia koson mambaal saguli' ra bandar ti? Nangkara' ilo kia ra ilo mampataak ra taak simbalui, maalap nilo kopongo kandoi no ralalom songorou? Makasauk ilo kia ra batu panambaloi intor ra tuntur ru ginsamol ondo' naumpo noyo?”

MAZMUR 107:43

Gama' ru ulun mapintar mangkara' ra baal raginio, gama' ru karaan nilo togom ru Tuhan.

MAZMUR 44:19

Kalo igondo' akai gabu' Rirun; kalo igondo' mai anggalo' panusuban Muli.

MAZMUR 79:1

Mazmur ri Asap. Iou Aki Kapuuno', ulun ondo' kalo makaulig Rirun minayan ra tana' Muno. Jinamol nilo Baloi Muno ondo' matulai am manuyas ra Jirusalim.

JISAYA 13:22

Bolos ru uku' kataunan am taani mamintanou ra manara-manara am istana-istana. Bulintok ru Babil magagai mamaar noyo, am bulintok no kalo boo kabuoyon.

JISAYA 25:2

Tinuyas Mu bandar-bandar; am nomopol ra kubu-kubu nano. Istana-istana binangun ru pantula' mai napuso ra sabuoi-buoi no.

JISAYA 34:13

Bulungkut am sakot makaruui tumuu' ra ngaangai' istana am bandar ondo' makatimbok. Taani am susuit unta minayan ra giu'.

JISAYA 44:26

Kaa' bulintok ra ulipon Kuno manala', paat ra aku manusub ra ulipon Kuno mapabala' ra inatangan Kuno, baalon Ku panalaan am pangatangan no. Mindagu Aku ra Jirusalim no ayanin saguli' am bandar-bandar ru Jiuda baalon saguli', Bandar-bandar no tumirong intor ra napuutan.

JIRIMIA 1:15

sabap ra mampiau Aku ra ngaangai' bansa' giu' ra tampilon ralayo matong. Raja'-raja' nilo manirong ra panturungan ru raja' giu' ra kulobon-kulobon garabang ru Jirusalim am giu' ra liliut ru timbok no, am niayuk giu' ra liliut ru bandar-bandar ra bokon giu' ra Jiuda.

JIRIMIA 10:22

Rongog no! Tanou nakasaboi noyo! Mokoondo' rondo' bansa' giu' ra ralayo mapasingkual ra kajajawan. Saujor nano mapasauk ra bandar-bandar ru Jiuda masiluk am kolondo' mayan, saboi masauk ra intok ayanan ru uku' kataunan.”

JIRIMIA 16:10

Paat ra okou mampasaboi ra ngaangai' ru baal ragitio risilo, mangkuot ilo sabap ra namatas Aku koson mangukum risilo ra maagat kaga'. Mangkuot ilo intor ra kasalaan am tula nilo Raki', Tuhan i Aki Kapuuno' nilo.

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 25:18

Jirusalim am ngaangai' bandar giu' ra Jiuda, nababaya' ra raja'-raja' am tingganai-tingganai nilo, sinusub manginum intor ra sangkir no saboi ra ilo nasauk ra tana' kaagisan ondo' makalalaa'. Pakuan ra inggalan nilo koson ra ulas, koson ondo' nasauk saboi ra orou raiti'.

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 26:9

Kua baani kou mindagu ralalom inggalan ru Tuhan ra Baloi Nati masauk koson ra Silo, am ra bandar ti pusoon am masauk ra intok ondo' kalo boo ayanin?” Linimpuan aku boo ru ulun masuang.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 4:27

Minindagu Tuhan ra titikop ru tana' ti masauk ra tana' kaagisan, kaa' kalo pusoon No lingono'.)

JIRIMIA 44:2

Gitio noyo ragu ru Tuhan Ondo' Maayo Kaga' Kuasa', i Aki Kapuuno' ru Israil, “Akau galama' nakatainu ra kapusaan ondo' pinalumpa' Ku ra Jirusalim am ngaangai' bandar ra bokon giu' ra Jiuda. Saboi raino pana bandar-bandar raginio lakat poyo ralalom ru baal nalunsai am kolondo' minayan.

JIRIMIA 49:33

Saukon Gajor ra tana' kaagisan ra sabubuoi no, intok ondo' inayanan ru taani ayuk. Kolondo' sangulun pana mayan ra giu' no. Aku, Tuhan, nakaindagu noyo.”

JIRIMIA 50:3

“Rondo' bansa' intor ra ralayo minatong noyo koson mamulunsar ra Babilonia am nampasauk ra pagun no ra tana' kaagisan. Ulun am bibiag magiru', am kolondo' boo mayan ra giu' no.”

JIRIMIA 51:37

Pagun no masauk ra tuntur ru nalunsai ondo' ayanin ru bibiag masigo. Baal no makalalaa'; kalo ayanin ru ulun giu' no, am ngaangai' ulun malaa' magilong raginio.

JIRIMIA 8:22

Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

SULABOI 1:4

Raino kolondo' sangulun pana matong ra Baloi ru Tuhan paat ra orou pangiantakan. Ralaa-ralaa ondo' marimbai ra giu' no maimbolo', am imam-imam mampalaa. Kulobon garabang ru bandar masiluk, am bandar Sion linibungan ru kangilukan.

SULABOI 2:2

Pinuso ru Tuhan ngaangai' kampung giu' ra Jiuda ra kolondo' guang makaasi', linunsai No kubu-kubu ondo' nasauk ra pangampin ru pagun. Nanauyu' Io ra pamarintaan am ulun nanguasa' nano.

SULABOI 3:47

linumpa' akai ru karaat am katutukan; maayag akai ralalom ru makalalaa' am malaa'.

IMAMAT 26:32

Mapalunsai Aku lingon ra pagun mino, saboi pantula' ondo' minayan ra pagun min maliangan magilong ra mapara' makalalaa' kalunsayan raginio.

MIKA 1:6

Ginio ra mindagu Tuhan, “Saukon Ku Samaria ra tuntur ru natuyas giu' ra padang, am intok ru ulun mantanom ra puun ru anggur. Mamatir Aku ra batu natuyas ru bandar no mongoi ra limayak, am makito boo puun ru bandar no.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

MIKA 6:16

Baal ragitio masauk sabap minaya' kau ra baal malaat ru Raja' Omri, am anak nano, Raja' Agab. Minaya' kau ra aturan ondo' inaru' nilo. Ginio ra mamuso Aku ramuyun, am ngaangai' ulun magasab ramuyun. Ulun giu' ra ati ayuk intok masisang ramuyun.”

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

PINAINTALANG 18:2

Pambala' io boo ra bolos mosongou, “Nalunsai noyo! Bandar Babil ondo' maayo nalunsai noyo! Raino nasauk io ra inayanan ru riwato, ambiluo malaat am ngaangai' susuit malaat ondo' kasisangin ru ulun.