JIRIMIA 9:10 - Tanou Moonsoi Timugon

¹⁰ Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JIRIMIA 9:10 ပူးပေါင်းရင်းမြစ်များ

JISAYA 41:15

Saukon Takamin koson ra papan pangagik ondo' baguon, malarom, am makaripon. Agikon min gunung am kuliagayon min; bulur-bulur pana tutukon min saboi masauk ra kaau.

JISAYA 49:19

Pagun muno ondo' mapua' am masiluk, ragino nasauk mapisok kaga' ra ilo ondo' makaguang mayan no. Am ulun-ulun ondo' makaguang mamatoi rirun, minugar noyo maalur intor rirun.

JIRIMIA 12:10

Masuang panguasa' ra bansa' bokon nampapaluyak ra umo ru anggur Kuno; pinanjak-panjak nilo umo Kuno. Kinulau nilo pagun Kutu ondo' moonsoi nasauk ra tana' kaagisan.

JIRIMIA 12:11

Sinauk nilo ginio ra tana' ondo' kolondo' tutuu'; nokoloso ra saang Kuno. Titikop pagun nasauk ra tana' kaagisan, am kolondo' osoi pana mampalio raginio.

JIRIMIA 12:4

Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”

JIRIMIA 14:6

Minigor kaladai masigo giu' ra tampak ru bulur, ikab-ikab koson ra uku' ru kataunan. Mato ru kaladai masigo masauk ra malaut sabap ra kolondo' akanon.

JIRIMIA 2:15

Pantula' nano mansangal koson ra singa', am nampasauk ra tana' nano kolondo' tutuu' am masiluk; bandar-bandar nangaurus, am kolondo' ulun minayan.

JIRIMIA 2:6

Kalo mampalio ilo Raki', kabalu' pana binayag Ku ilo intor ra Misir am naningganai risilo nansail ra tana' kaagisan: tana' kolondo' tutuu' am bulur ru agis, tana' mapua' am makalalaa', tana' kolondo' ulun namagun am kolondo' ulun mansail.

JIRIMIA 23:10

Pagun nososok ra ulun ondo' kalo gumagaya' ra Tuhan. Bayag nilo malaat am sinala'-sala' nilo kuasa'. Sakot giu' ra padang nasauk ra mapua' am titikop ru pagun mangulir, sabap ra inulas ru Tuhan.

JIRIMIA 50:3

“Rondo' bansa' intor ra ralayo minatong noyo koson mamulunsar ra Babilonia am nampasauk ra pagun no ra tana' kaagisan. Ulun am bibiag magiru', am kolondo' boo mayan ra giu' no.”

JIRIMIA 7:29

Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

JIRIMIA 8:18

Guang kutu mangiluk am mapari', kangilukan kuno kalo maalap kapali'.

SULABOI 1:16

“Ginio sabap ra lomou kuno rumatu'. Kolondo' osoi pana makabansuk ra guang kuno, kapoam makaikang ra guang kuno. Pantula' nangala raki'; mamagun kuno natatakan ra ngaangai' no.

SULABOI 2:11

Minangkut mato kuno sabap ra nantangi' ra kalo lumonggo'; saliguor kuno totopot naupus. Natutuk guang kuno nakakito ra kapusaan ru bansa' kuno, nakakito ra lalaing am lalagang nalausan giu' ra ralan ru bandar.

SULABOI 5:18

sabap ra Bulur Sion masiluk am iniruanan, uku' kataunan salilitau giu' ra nalunsai no.

YEHEZKIEL 14:15

“Kapoam maaru' lair porotongon Ku bibiag masigo koson mamatoi ra ulun saboi pagun no nasauk ra makalalaa' kaga' am ulun kalo makasail ra giu'.

YEHEZKIEL 27:2

“Okou ulun mapandai matoi, parimbai no ra rimbai sulaboi ra tayar ru Tirus,

YEHEZKIEL 29:11

Kolondo' ulun kapoam bibiag mansail riso. Buoi apat ngambilor intok no kalo inayanan.

YEHEZKIEL 33:28

Saukon Ku pagun ti ra tana' kaagisan ondo' kolondo' tutuu' am masiluk, am kinaayo ondo' lilimbawan min pupusin. Gunung-gunung giu' ra Israil saukon ra masiluk saboi kolondo' sangulun pana mansail ra giu' no.

YEHEZKIEL 6:6

Ngaangai' bandar giu' ra Israil pusoon maa' raginio altar am sinungkalalaing nilo mopopol toojo, intok panalaban ra kaminyan nilo matutuk, am ngaangai' ondo' binaal nilo lumiot.

GOSIA 4:3

Ginio ra tana' nilo masauk mapua' am ngaangai' ondo' maayag ra rasawat no matoi. Ngaangai' bibiag am susuit, am papait pana matoi.”

JOIL 1:13

Akau imam-imam ondo' mangandoi giu' ra altar, pambayang kano ra konoon karung am pantangi' no. Umpos kano ra ralalom Baloi ru Tuhan am panulaboi kano ra mosorondom. Kolondo' boo gandum am wain koson pataakon ri Aki Kapuuno' min.

JOIL 1:19

Gumolok aku Rirun, iou Tuhan, sabap padang sakot am puun tataun mapua' noyo am minatoi, ilain koson nosolob ru apui.

AMOS 5:1

Rongog kano, akau ulun ru Israil! Rimbayin Ku akau ra rimbai panguliran:

AMOS 5:16

Ginio ra Tuhan Raja' Ondo' Maayo Kaga' Kuasa' mindagu, “Giu' ra ralan-ralan ru bandar, ulun manulaboi am mantangi' sabap mangiluk guang. Mulu' piboo ra ulun-ulun magitanom pana piawon koson maya' manulaboi mababaya' ra ulun ondo' ginajian koson manulaboi ra ulun minatoi.

MIKA 2:4

Paat ra rumatong ginio, alapon ru ulun tunung intor ramuyun no koson ra pangiisan. Maririmbai ilo ra rimbai panguliran ragitio: Napuso akai noyo ra nalingon! Tuhan nangalap noyo ra pagun mai am tinaakan no ra ulun ondo' namparakop ramon.”

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.