JIRIMIA 8:9 - Tanou Moonsoi Timugon

⁹ Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

JIRIMIA 8:9 ပူးပေါင်းရင်းမြစ်များ

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

AYUP 5:12

Jinajou No inatangan ru ulun mamparuung, am nampalandak ra ulun mapintar, saboi ilo malandak ru pampaguangan nilo galama' am ngaangai' pirot nilo kalo nasugut.

MAZMUR 19:7

Mato ru orou minsir intor ra pompor am muli' ra pompor. Kolondo' rondo' pana makasindung intor ra lasu' nano.

JISAYA 19:11

Tingganai-tingganai ru bandar Joan no sasambungon! Ngaangai' mambibilin ra raja' ru Misir manaak ra bilin ondo' sasambungon! Mapara' piboo baani nilono mambala' ra raja' ra ilo noyo sumuali ra ulun mapintar am niayuk raja' ra galing i!

JISAYA 29:14

Ginio ra Aku mapatigog risilo ra lamba' ondo' kolondo' nampaguang. Ilo ondo' mapintar sotopot no sasambungon. Nansalinut kapandayan nilono masauk ra kolondo' onong.”

JISAYA 43:27

Kinamatuaan mini ondo' kasaa' nambaal ra tula; ulun-ulun mangunguasa' ramuyun pana makatula Raki',

JISAYA 8:20

Taam kau koson ragitio, “Rongogo' noyo pangilaan ru Tuhan! Ulun ra kalo matanda' ragu maya' ra pangilaan no, kolondo' kalansanan.”

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 19:7

Intok ragitio sulangon Ku ngaangai' inatangan ru ulun ru Jiuda am mamagun ru Jirusalim. Polosoon Ku ilo kalaan ru pantula' am potoyon ralalom ru pangayawan. Polosoon Ku baangkai nilo akanon ru susuit am bibiag masigo.

JIRIMIA 2:8

Kalo nangkuot imam-imam, ‘Ati boo Tuhan?’ Imam-imam Kuno pana kalo nakaulig Raki'. Panguasa'-panguasa' giminuor Raki'; nabi-nabi minindagu ralalom inggalan ru Baal am sinamba sinungkalalaing ondo' kolondo' onong.”

JIRIMIA 49:7

Koon raginio noyo ragu ru Tuhan intor ra pagun ru Idom, “Kalio boo kia kinapintar ru mamagun ru Idom? Kalo kia boo makapambilin tingganai-tingganai risilo? Kalio noyo kia kapintaran nilai?

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

YEHEZKIEL 7:26

Karaat am tanou malaat matong kalo lulumonggo'. Paat raginio makitaak kau ra nabi-nabi koson mambala' ra pinaintalang, kaa' papalo min ayuk. Imam-imam kolondo' atan-atan pailaan ra ulun, am ulun matutuo nakayaan ra bilin.

AMOS 2:4

Indagu Tuhan, “Mamagun ru Jiuda ruruli' noyo makatula, sabap raginio maaru' ukumin Ku ilo. Inanggal nilo susuban Kuno am kalo mampalio ra pangilaan Kuno. Pinalayau ilo ru tuhan-tuhan ra bokon ondo' sambaan ru kinamatuaan nilo.

JAKARIA 13:4

Paat raginio, kolondo' boo nabi ondo' lumimbau sabap ra pinaintalang-pinaintalang nano, kapoam mangku ra sangulun nabi, kapoam nambayang ra sukub makabulu maa' raginio makapamparuung io ra ulun.

SAGULION 4:6

Gagayaa' noyo ukum no ra matanda'. Koson raginio, kapintaran min makito toojo ra ulun ra bokon. Paat akau nokorongog ra ngaangai' ukum no, mindagu kau, ‘Mapara' kinapintar am kinatanda' ru bansa' ondo' maayo no!’

2 TIMOTIUS 3:15

am nakaulig kou ra Buuk Kitab intor ra okou boborok ayuk poyo. Ginio makapangani' rirun ra kapintaran koson mokoowot ra pamayagan sabap ra pangintapatan mu ri Jisus Kristus.