JIRIMIA 8:6 - Tanou Moonsoi Timugon

⁶ Rinongog ku noyo toojo, kaa' kalo mindagu kau ra motopot. Kolondo' sangulun pana intor ramuyun pansagulian guang ra binaal nano ra malaat. Kolondo' sangulun pana ondo' mindagu, ‘Atan kia kasalaan kuno?’ Akau ngaangai' minaya' ra ralan galama' koson ra kuda nasimbul maribok mongoi ra intok pangayawan.

JIRIMIA 8:6 ပူးပေါင်းရင်းမြစ်များ

AYUP 10:2

Iou Aki Kapuuno', pai' sonsol raki'. Pambala' no raki' ra panguwan Muno raki'.

AYUP 34:31

Ayup, nangiou kono kia ra kasalaan muno ri Aki Kapuuno'? Nabantu' kono kia kalo mambaal saguli' ra tula?

AYUP 34:32

Nakitaak kono kia ri Aki Kapuuno' manulu' ra kasalaan ondo' kalo napandayan muno? Nangiou kono kia mopolonggo' ra kalaatan raginio?

MAZMUR 14:2

Intor ra suruga' Tuhan maginduku' ra ulun koson maguyum ra ulun mapintar, ulun ondo' sumamba Riso.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 57:17

Sumangit Aku risilo sabap ra tula nilo am luung nilo. Ginio sabap no ra Aku nangukum am nangiruan risilo. Kaa' mokotog ulu nilono am maya' noyo ra ralan galama'.

JISAYA 59:16

Mangimuag Io sabap ra kolondo' ulun rumatong am kolondo' ulun manungka'. Ginio ra mamakai Io ra kuasa' Nano galama' koson mamayag am mapamanang risilo.

JIRIMIA 23:25

Nakapandai Aku ra ngaangai' ondo' rinagu ru nabi-nabi. Ralalom inggalan Kuno nagabau ilo ra tanou Kuno inapu nilo ralalom ru inupi.

JIRIMIA 3:5

Kalo sumangit Kou ayuk raki'; kalo mantilayun sangit Muno raki'.’ Okou Israil, ginio noyo ondo' raguon muno kaa' binaal mu niayuk ngaangai' kalaatan no.”

JIRIMIA 5:1

Mamagun kau ru Jirusalim, ugar kano ra ralan-ralan giu' ra bandar min! Ilai' giu' ra liliut min! Ilai' galama'! Uyumo' giu' ra pasar-pasar! Mokoondo' kau kia nakatuum ra sangulun ondo' mabanis guang am ondo' mirot maa' raginio gumagaya' ri Aki Kapuuno'? Amon ru mokoondo', mangampun Tuhan ra Jirusalim.

YEHEZKIEL 18:28

Nakaliman io ra kasalaan nano am longgo' nambaal ra tula. Ginio ra kalo matoi io kaa' maayag.

YEHEZKIEL 22:30

Maguyum aku ra sangulun ondo' makabaal ra timbok, ondo' makabigor giu' ra tampilon ra timbok ondo' nalunsai noyo koson mangampin ra pagun paat ra Aku masaga' mamuso raginio sabap ra sumangit Aku, kaa' kolondo' sangulun pana natuum Ku.

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

MIKA 7:2

Kolondo' boo ulun mabanis guang ralalom ru pagun; kolondo' boo ulun ondo' gumagaya' ri Aki Kapuuno'. Moonong ulun maginaa ra kaluagan no koson mamatoi. Moonong ulun mampatoi ra bansa' nano galama'.

JIPANYA 3:7

Mangkara' Aku, ‘Raino maaru' ulun Kuno mangurumat Raki' am mangapu ra pangilaan Kuno. Maaru' masalok ilo mangkara' ra pangilaan ondo' pinataak Ku risilo.’ Kaa' ilain ra giminaai ilo poyo nambaal ra malaat intor ra buoi ti.”

AGAI 1:5

Ilai' noyo atan ondo' nasauk ramuyun!

AGAI 1:7

Kalo kia nakaliman kau kua kasauk ngaangai' baal raginio?

MALIAKI 3:16

Kopongo raginio ulun ondo' malaa' ra Tuhan mindagu ra ilo galama'. Mangkirongog Tuhan am mampaguang ra ragu-ragu nilo. Giu' ra saang ru Tuhan, inggalan ru moonong ulun ondo' mangurumat Riso am malaa' Riso, tulisin ralalom ru rondo' kitab.

2 PITRUS 3:9

Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.

PINAINTALANG 9:20

Kaa' ulun-ulun ra bokon ondo' kalo napatoi ra talu kapaganan malaat no, kalo niayuk timinalikur intor ra ondo' binaal ru kalindu' nilo galama'. Kalo liminonggo' ilo sumamba ra riwato am sinungkalalaing ondo' binaal nilo ra mas, pirok, gangsa', batu am tataun. Ginilo kalo makakito, mokorongog kapoam makaugar.