JIRIMIA 8:22 - Tanou Moonsoi Timugon

²² Kolondo' kia tatapis giu' ra Giliad? Kolondo' kia duktur ra giu' no? Kua kia ra bansa' kutu kalo mapali'?

JIRIMIA 8:22 ပူးပေါင်းရင်းမြစ်များ

KASAUKAN 37:25

Liliwa' ilo magakan, kakito nilo sampulalayan ulun ru Ismail ondo' mangkiralan intor ra Giliad mongoi ra pagun ru Misir. Unta nilono pinagaut ra apa' pampagamis ra akanon am salong.

KASAUKAN 43:11

Indagu boo ama' nilono, “Amon ru ginio poyo, baalo' min noyo. Pagibit kau ra karung mino ra ampos moonsoi kaga' intor ra pagun ti koson taak ra gabenor no, sanganu damar, sanganu ruu' maningot, apa' pampagamis ra akanon, kawa' pistasio am kawa' Badam.

JIRIMIA 14:19

Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 46:11

Mamagun kau ru Misir, ongoi no ra Giliad am pagalap ra tatapis! Ngaangai' ru tatapis min napandayan ra kolondo' onong; kolondo' rondo' pana makababas ramuyun.

JIRIMIA 51:8

Pulali' ru Babilonia naratu' am napuso! Pangulir no sabap ra naratuan nano! Babaso' noyo pilat-pilat nano, am maaru' lair ru mababas Babilonia.

JIRIMIA 6:7

Koson taur ru timug mangingkual ayuk ra timug, koson niayuk ra bandar no manangampos ayuk ra kalaatan. Nokorongog Aku intor ra pangimbalaan am kapusaan ra bandar ti; nakakito Aku ra maruol am pilat ra giu' no.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

JIRIMIA 9:11

Indagu Tuhan, “Saukon Ku Jirusalim ra intok panunturan ra nangapuut, intok pansibunian ru uku' kataunan. Bandar-bandar ru Jiuda masauk ra masiluk, intok ondo' kalo boo ayanin.”

SULABOI 2:13

Okou Jirusalim, bandar ru Sion ondo' tagamin kaga', atan kia paraguon kuno? Kalo makapangansuk aku rirun. Osoi pana kalo poyo igondo' naimbolo' koson rirun. Karaat maayo koson ra raat malangka' am malandom lumumpa' rirun; kolondo' boo kalansanan ra tayar muno.

YEHEZKIEL 27:17

Jiuda am Israil nambali ra kuliamos muno am binayaran ra gandum, ruu' maningot, umau jaitun am apa' pampagamis ra akanon.

UNTABAN 32:1

Bansa' ru Rubin am bansa' ru Gad mokoondo' ra masuang bibiag tinambiag. Paat ilo nakakito ra mapara' bonsoi ru tana' Jaijir am Giliad ra intok panambiagan,

LUKAS 8:43

Mokoondo' intor risilo i sangulun ruandu' ondo' mopor am ruo ngambilor noyo buoi no makamaruol ra liniuran. Kinai' no ngaangai' longgom nano koson makibabas ra duktur, kaa' maruol nano kalo naalap kababas.