JIRIMIA 8:18 - Tanou Moonsoi Timugon

¹⁸ Guang kutu mangiluk am mapari', kangilukan kuno kalo maalap kapali'.

JIRIMIA 8:18 ပူးပေါင်းရင်းမြစ်များ

MAZMUR 143:7

Taamo' aku mataki', iou Tuhan, malawo guang kuno. Pai' pansibuni intor raki', maa' raginio kalo masauk aku koson ra ulun nakatuun noyo ra intok kapatayan.

JISAYA 22:4

Polosoo' aku sangulun koson maupus ra ngaangai' ulun kuno ondo' minatoi. Pai' aku kinami' ansuko'.

JIRIMIA 23:9

Guang kuno natutuk am monontol aku. Tuhan am ragu Nano ondo' matulai mampasauk raki' koson ra ulun nagauk, ulun ondo' nanginum ra masuang kaga' wain.

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

JIRIMIA 6:24

Indagu mamagun ru Jirusalim, “Nokorongog akai noyo ra tanou no am malawo boo guang mai. Malaa' akai am marualan koson ra ruandu' ondo' maganak.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

SULABOI 5:17

Mangiluk kaga' guang mai, lomou mai naratu' saboi mato mai majapul,

ABAKUK 3:16

Norongog Ku ngaangai' no am monontol aku; bibil kuno monontol sabap ra malaa' aku. Inan kuno malawo kalo maikang, kalayam kuno nakasaru paat ra mugar. Maginaa aku ra guang mororo' paat raginio Okou mangukum ra ulun ondo' mamulunsar ritakau.