Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.
Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.
Karaan nilo ra pilat-pilat ru ulun Kuno koson ra pilat boborok ayuk. Mindagu ilo, ‘Ngaangai' no moonsoi am mamaa'.’ Kaa' ngaangai' no totopot kalo noyo moonsoi am kalo mamaa'.