JIRIMIA 8:13 - Tanou Moonsoi Timugon

¹³ Moogot Aku manimung ra ulun Kuno koson ra ulun manimung ra ampos ru tana' nilo. Kaa' ulun Kuno koson ra puun ru anggur am puun ru ara ondo' kalo nangkawa', am poyo raun-raun no pana nolonot noyo. Ginio sabap ra Aku nangiou ra ulun bansa' bokon matong am manguasa' ra pagun nilo.”

JIRIMIA 8:13 ပူးပေါင်းရင်းမြစ်များ

JISAYA 5:10

Puun-puun ru anggur ondo' timinuu' ra tana' ondo' kinapila' no mopor ngahektar, ampos no balu' ngalito wain ayuk. Maatus am balu' ngoopor ngalito sampug, ampos nano mopor am balu' ngalito gandum ayuk.”

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 14:15

Nabi-nabi minindagu ralalom inggalan Kuno ra pagun ti kalo malumpa' ru pangayawan kapoam bitilan, sotopot no kalo nanusub Aku risilo mindagu raginio. Aku, Tuhan nambala' rirun, atan ondo' baalon Kuno ra nabi-nabi no. Potoyon Ku ilo ra pangayawan am bitilan.

JIRIMIA 17:8

Koson io ra puun tataun ondo' tumuu' giu' ra kiing ru sungoi ondo' kalo tumilis; bakat no gumawar saboi ra timug. Bulintok malasu' kalo malaa' io, sabap ra raun-raun nano masalok masansam; kabalu' pana malumpa' pagun ra tampio, kolondo' pagalabaan nano, sabap ra masalok io mangkawa'.

JIRIMIA 5:17

Mangai' ilo ra ampos ru tana' am akanon min; mampatoi ilo ra anak min, ungkuyon am niayuk ruandu'. Simbaluyon nilo sapi' am domba min; pusoon nilo puun ru anggur am puun ru ara min. Bandar-bandar ra makakubu ondo' lansanin min puuton ru saujor nilo.

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

YEHEZKIEL 22:31

Ginio ra pinaabus Ku sangit Kuno risilo. Koson ra apui, mamuso Aku risilo sabap ra binaal nilo.” Tuhan Raja' nakaindagu noyo.

GOSIA 2:12

Ukumin Ku io sabap ra nakalilian io Raki'. Monolob io ra kaminyan tayar ru Baal, am malimpor io ra kuliamos mas koson mangilou ra ambai-ambai nano. Aku, Tuhan nakaindagu noyo.”

JOIL 1:7

Puun ru anggur takau pinuso noyo, am puun ru ara takau pinandak. Kulapa' ru puun tataun inanit, saboi raan-raan nasauk ra mapulak.

IMAMAT 26:20

Ngaangai' pirot mino kolondo' onong, sabap ra tana' kalo manangampos am puun-puun kinawa' kalo mangkawa'.

ABAKUK 3:17

Kabalu' pana puun ru ara kalo nambusak, am puun ru anggur kalo nangkawa', kabalu' pana ampos ru puun jaitun makangiluk ra guang, am umo ru gandum makasinduol ra guang, kabalu' pana ngaangai' domba matoi, am kandang ru sapi' kolondo' suang no,

AGAI 1:11

Naparatong Aku noyo ra tampio ra pagun ti saboi bulur, umo ru gandum, umo ru anggur, umo ru jaitun am ngaangai' tutuu' ra pagun ti mangapua'. Ulun, bibiag am ngaangai' tinanom min malumpa' ru tampio.”

AGAI 2:17

Pinaratong Ku noyo angin malasu' am namparatu' ra rasam batu koson manutuk ra ngaangai' ampos ru umo min, kaa' lakat poyo marara' kau sumaguli' Raki'.

MALIAKI 3:11

Kalo polosoon Ku bibiag boborok mamuso ra tinanom min; puun ru anggur min makakawa' ra maawas.

MATIUS 21:19

Kiing ru ralan binayaan nilo mokoondo' sampuun ara timinuu'. Ongoi Io ra puun ru ara i, kaa' rondo' kawa' pana kolondo' nakito nano, raun ru ara ayuk soroi. Pagibot i Jisus ra puun ru ara ni, “Kalo boo mangkawa' kou ra sabuoi-buoi no!” Lonot pamulali' puun ara ni.

JAKUBUS 1:11

Paat ra mato ru orou sumirang ra mapangit toojo, lumonot boo sakot no am busak nano pana matagag, am kolondo' boo kinoonsoi nano. Koson niayuk ra ulun langkaya', pusoon ra tatanga' io mirot mampaugar ra kandoi nano.