JIRIMIA 8:10 - Tanou Moonsoi Timugon

¹⁰ Ginio ra pataakin Ku umo nilono ra ulun bagu, am andu' nilo ra ulun bokon. Ngaangai' ulun ondo' maayo am niayuk boborok, maguyum ra kalabaan ra kalo mabanis guang. Niayuk poyo nabi am imam pana mamparuung ra ulun.

JIRIMIA 8:10 ပူးပေါင်းရင်းမြစ်များ

AYUP 31:10

polosoon ayuk andu' kuno mangansak ra akanon ru ungkuyon ra bokon, am mombolong ra intok pambalangan ru ungkuyon ra bokon.

JISAYA 28:7

Nabi am imam pana nagauk kaga' saboi kakasumpil ayuk ra mugar. Masuang kaga' ininum nilo ra wain am arak saboi makasaru sabap naubong. Nabi-nabi nangagauk kaga' saboi kalo boo mauligan nilo atan ondo' pinaintalang ri Aki Kapuuno', am ngaangai' imam nangagauk kaga' saboi kalo boo mapatasan nilo kasaukan ondo' pinabala' risilo.

JISAYA 57:17

Sumangit Aku risilo sabap ra tula nilo am luung nilo. Ginio sabap no ra Aku nangukum am nangiruan risilo. Kaa' mokotog ulu nilono am maya' noyo ra ralan galama'.

JIRIMIA 14:14

Kaa' taam Tuhan, “Nabi-nabi raginio nagabau ralalom ru inggalan Kuno; Kalo sinusub Ku ilo, am kalo niayuk nanusub kapoam minindagu risilo. Pinaintalang ondo' tinunung nilono sala' ka intor Raki'. Manala' ilo ra baal-baal ra kolondo' onong, ondo' binaal-baal nilo galama'.

JIRIMIA 14:18

Paat ra aku minongoi ra padang, nakakito aku ra baangkai pinatoi ra pangayawan. Paat ra aku minongoi ra bandar, nakakito aku ra ulun matikapatoi ra naitilan. Nabi am imam nampaugar ra kandoi ra kalo mangarati' ra atan ondo' baalon.”

JIRIMIA 17:11

Koson ra susuit nangamut ra talu' ondo' sala' ka io tangan, koson raginio noyo ulun ondo' kalo mabanis guang mokoowot ra rapu'. Paat ra umur lakat poyo mamulok matatakan io ra ngaangai' rapu' nano. Paat ra pupus ru bayag nano mainono' ra io ulun ondo' sasambungon kaga'.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 32:32

sabap ra ngaangai' kalaatan ondo' binaal ru ulun ru Jiuda am ulun ru Jirusalim, nababaya' ra raja'-raja' am tingganai-tingganai, imam-imam am nabi-nabi nilo.

JIRIMIA 38:22

Ralalom ru pinaintalang no nakakito aku ra ngaangai' ruandu' ondo' lakat poyo soroi giu' ra istana ru Jiuda inibit minuma' ra pagawai-pagawai ru raja' ru Babilonia. Liliwa' mugar ruandu'-ruandu' no mindagu, ‘Raja' rinuung ru rangan-rangan nano, nanguasa' ilo riso. Raino paat ra kalayam ru raja' nakatapung noyo ra losok, nangiruan rangan-rangan nano riso.’ ”

JIRIMIA 42:1

Kopongo raginio ngaangai' tingganai ru saujor, nakaaya' i Joganan anak ri Karia am i Ajaria anak ri Gosaya, minatong nababaya' ra mamagun intor ra ngaangai' ru ulun manampagun.

JIRIMIA 5:31

ngaangai' ondo' rinagu ru nabi-nabi abau ayuk; imam-imam mamarinta maya' ra susuban ru nabi-nabi no, am ulun Kuno masaga' ra baal raginio. Kaa' atan kia ondo' baalon nilo ra pupus no?”

SULABOI 4:13

Kaa' baal raginio nasauk sabap ra nabi-nabi nano makatula noyo, am imam-imam nano namatoi ra ulun ondo' kolondo' sala.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

AMOS 5:11

Inimbolo' min ulun musikin am nampagaau ra gandum nilo. Ginio ra kalo mayan kau giu' ra ralalom ru baloi ondo' moonsoi intor ra batu, ondo' binaal min noyo. Kalo manginum kau ra wain intor ra umo ru anggur min ondo' moonsoi.

MIKA 2:4

Paat ra rumatong ginio, alapon ru ulun tunung intor ramuyun no koson ra pangiisan. Maririmbai ilo ra rimbai panguliran ragitio: Napuso akai noyo ra nalingon! Tuhan nangalap noyo ra pagun mai am tinaakan no ra ulun ondo' namparakop ramon.”

MIKA 3:11

Ilo panguasa' ru bandar nampaugar ra pamarintaan koson makaalap ra rasua, ngaangai' imam mambala' ra arati' ru Ukum koson makaalap ra gaji', am nabi-nabi niayuk nambala' ra pinaintalang koson makaalap ra ruit; kaa' mindagu ilo ngaangai' ra Tuhan mabaya' risilo. Konilo, “Kalo malumpa' takau ru karaat, sabap Tuhan mabaya' ritakau.”

MIKA 3:5

Ulun Kuno rinuung ru nabi-nabi ondo' nambantu' ra kaansayan ra ulun ondo' nangani' risilo ra ruit, kaa' nompololob am nakimantula' ra ulun ondo' kalo nangani' ra atan-atan. Indagu Tuhan ra nabi-nabi no,

ABAKUK 1:6

Rongog kano! Pasaukon Ku ulun Babilonia makakuasa', bansa' ondo' masangit am makuliga'. Mongoi ilo ra titikop ru tana' koson manguasa' ra pagun ra bokon.

JIPANYA 1:13

Rapu' nilo gaawon am baloi nilo pusoon. Manambaloi ilo, kaa' kalo makaayan raginio. Mangandoi ilo ra umo ru anggur kaa' kalo manginum ra wain, ampos ru umo no.”

TITUS 1:11

Moonsoi sonsongon kabang nilai no, sabap ra mampakalayau ilo ra sasambaloi ra pangilaan nilai ra kalo motopot ti. Baal nilo ti makauyuyu' toojo sabap ra maguyum ilo ayuk ra panginduitan galama'.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.