JIRIMIA 7:34 - Tanou Moonsoi Timugon

³⁴ Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

JIRIMIA 7:34 ပူးပေါင်းရင်းမြစ်များ

AYUP 3:7

Polosoon rondom raginio matikop ru kalandaman, kolondo' kaansukan, kolondo' bolos magigindii.

MAZMUR 78:63

Buayoi minatoi bulintok ra mangayou, ralaa kolondo' boo maguot.

JISAYA 1:7

Pagun mino pinuso noyo am bandar-bandar mino nakai' noyo solobo'. Mato mino galama' nakakito, ulun bansa' suai nampagaau ra tana' am ngaangai' no pinuso nilo.

JISAYA 3:26

Kulobon garabang ru bandar, ulun mangulir am manulaboi, am bandar raginio masauk koson ra ruandu' linabasan, ondo' nanturung ra tana'.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JIRIMIA 16:9

Rongogo' noyo ragu intor Raki', Tuhan Ondo' Maayo Kaga' Kuasa', i Aki Kapuuno' ru Israil. Bolos maansukan am maansayan am niayuk nginonsol ru pangiantakan paguguatan langgain Ku. Baal raginio makito ru ulun ondo' maayag ra bulintok muti.

JIRIMIA 22:6

Koson Raki', istana raja' ru Jiuda koson ra kinoonsoi ru tana' Giliad am Kagunungan Libanon, kaa' intok no saukon Ku ra tana' kaagisan ondo' kalo ayanin ru ulun.

JIRIMIA 25:10

Langgain Ku lakup maansukan am pangiantakan ru paguguatan nilo. Kolondo' ilo ra umau koson ra pilasut, am gandum nilo makai'.

JIRIMIA 27:17

Pai' rongogo' ilo! Musiti' kau makirakop ra raja' ru Babilonia, maa' raginio maayag kau. Kua ra bandar ti polosoon masauk ra tuntur ru nangalunsai?

JIRIMIA 33:10

Indagu Tuhan, “Kon ru ulun ra intok ti koson ra tana' kaagisan, am kolondo' ulun kapoam bibiag ondo' minayan ragiti. Ragu nilo tojojo motopot, sabap ra bandar-bandar Jiuda am ralan-ralan giu' ra Jirusalim masiluk ngaangai' no; kolondo' ulun am bibiag ondo' minayan ra giu' no. Kaa' giu' ra intok-intok raginio morongog poyo

JIRIMIA 33:11

bolos maansayan am maansukan am niayuk golos ru pangiantakan ru paguguatan. Mokorongog akai ra ulun marimbai liliwa' magibit ilo ra taak simbalui ru paringkuanangan ra Baloi Kuno. Konilo, ‘Paringkuanangan ra Tuhan Ondo' Maayo Kaga' Kuasa', sabap ra moonsoi Io am togom Nano mantilayun ra sabubuoi no.’ Saukon Ku pagun ragitio ra langkaya' koson ragili. Aku, Tuhan, nakaindagu noyo.”

JIRIMIA 4:26

Tana' malabung nasauk noyo ra tana' kaagisan; bandar-bandar nangapuut, sabap ra siminangit kaga' Tuhan. (

JIRIMIA 4:27

Minindagu Tuhan ra titikop ru tana' ti masauk ra tana' kaagisan, kaa' kalo pusoon No lingono'.)

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

SULABOI 5:14

Ulun matutuo kalo boo tumimung giu' ra kulobon garabang ru bandar, kamulakan ungkuyon kalo boo mangkuli ra miujik.

YEHEZKIEL 26:13

Langgain Ku rimbai muno am miujik jitor muno.

YEHEZKIEL 7:11

Pampatayan nangkinibit ra masuang poyo kalaatan. Ngaangai' kalangkayaan, urumat am katulayan nilo lumiot.

GOSIA 2:11

Pusoon Ku puun-puun ru anggur am puun-puun ru ara nano ondo' sumugut riso iono gaji' ru binaal nano ra ambai-ambai nano. Kulawon Ku umo ru anggur am umo ru ara nano masauk ra kataunan, am ngaangai' no pusoon ru bibiag masigo.

GOSIA 2:13

Indagu Tuhan, “Ibiton Ku poyo io ra tana' kaagisan. Giu' no, ambion Ku io ra ragu-ragu maamis.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.

MIKA 7:13

Kaa' tana' ti masauk ra tana' mapua' sabap ra kalaatan ru mamagun nano.

PINAINTALANG 18:23

Kalo boo makito sinda ru pilasut ra intok muno am kalo niayuk morongog bolos ru ungkuyon am ruandu' uoton ra giu' no. Ulun-ulun mantatalan ru bandar nauligan toojo ru ulun ra tana' ti; am intor ra kapandayan malaat ru mamagun no ngaangai' bansa' ra tana' ti rinuung.”