JIRIMIA 7:30 - Tanou Moonsoi Timugon

³⁰ Mamagun ru Jiuda nambaal noyo ra kalaatan. Pinabanta' nilo sinungkalalaing nilo ondo' kasisangin Kuno giu' ra ralalom Baloi ru Tuhan, saboi najamalan.

JIRIMIA 7:30 ပူးပေါင်းရင်းမြစ်များ

2 RAJA'-RAJA' 21:3

Binaal no saguli' intok-intok sumamba ra sinungkalalaing ondo' pinuso noyo ru ama' nali, Raja' Gijkia. Nambaal Raja' Manasi ra altar koson sumamba ra Baal am mambaal ra sinungkalalaing Dewi Asyira, koson ra ondo' binaal ru Raja' Agab, panguasa' ru Israil.

2 RAJA'-RAJA' 21:4

Nambaal io ra altar tayar ru dewa-dewa giu' ra ralalom Baloi ru Tuhan, intok ondo' inaru' ru Tuhan koson ra intok sumambayang Riso.

2 RAJA'-RAJA' 21:7

Pinabanta' ru Raja' Manasi sinungkalalaing ru Dewi Asyira giu' ra Baloi ru Tuhan, ondo' intok raginio inindaguan ru Tuhan ri Daut am i Salomo anak ungkuyon nano, “Baloi Kutu am bandar Jirusalim ti ondo' pinili' Ku noyo intor ra wilayah mopor am ruo bansa' ru Israil, iono intok ondo' inaru' Ku koson ra intok sumambayang Raki'.

2 RAJA'-RAJA' 23:12

Linunsai no altar-altar ondo' binaal ru raja'-raja' ru Jiuda giu' ra taap ru istana, rasawat ru lamin-lamin ru Raja' Agas. Nampalunsai niayuk Raja' Josia ra altar-altar ondo' binaal ru Raja' Manasi giu' ra ruo liliut Baloi ru Tuhan. Inumok ru Raja' Josia altar no am pinatiran no ra ralalom ru Limayak Kidron.

2 TUNUNG RU BANSA' ISRAIL 33:15

Raja' Manasi nangimpai ra sinungkalalaing dewa bansa' ra bokon am niayuk sinungkalalaing ondo' pinabanta' giu' ra Baloi ru Tuhan. Linunsai no altar-altar ru dewa ondo' pinabigor giu' ra bulur intok ru Baloi ru Tuhan, am giu' ra intok ra bokon giu' ra Jirusalim. Inibit no ngaangai' kuliamos no giu' ra liwar ru bandar, am ngaangai' no pinatiran.

2 TUNUNG RU BANSA' ISRAIL 33:3

Raja' Manasi nambaal saguli' ra intok-intok sambaan ra sinungkalalaing ondo' pinuso ru ama' nali Raja' Gijkia. Binaal ru Raja' Manasi altar koson sumamba ra Baal am nambaal ra sinungkalalaing Dewi Asyira. Io niayuk sumamba ra butitin-butitin.

2 TUNUNG RU BANSA' ISRAIL 33:7

Pinabanta' no rondo' sinungkalalaing giu' ra ralalom Baloi ru Tuhan, alika intok raginio noyo minindagu Tuhan ra Raja' Daut am Raja' Salomo anak ungkuyon nano koon ragitio, “Baloi Kuti ra Jirusalim ti, ondo' pinili' Ku noyo intor ra mopor am ruo wilayah ru bansa', iono intok ondo' inaru' Kuno ra intok sambayangan Raki' ra sabubuoi no.

JISAYA 66:4

Ginio ra palumpaan Ku karaat no risilo, ioginio karaat ra kalaanin nilo. Baal raginio masauk sabap ra bulintok ra Aku mampiau, kolondo' sangulun pana tumaam, am bulintok ra Aku mindagu, kolondo' sangulun pana mangkirongog. Masaga' ilo manggal Raki' am mambaal ra malaat.”

JIRIMIA 16:18

Balasin Ku tula am kalaatan nilo ra ukuman induo ruli', sabap ra jinaka' nilo pagun Kutu ra masuang sinungkalalaing. Sinungkalalaing raginio kalo maminawo koson ra baangkai. Sinosok nilo pagun Kutu ra tuhan-tuhan ondo' kalo motopot.”

JIRIMIA 23:11

Indagu Tuhan, “Nabi am imam marara' gumagaya' Raki'. Napandayan Ku nambaal ilo ra malaat am niayuk poyo giu' ra Baloi Kuno.

JIRIMIA 32:34

Baloi Kuno pana binaal koson intok sambayangan Raki' no jinamalan nilo ra napabanta' ra sinungkalalaing ondo' makatataman giu' ra intok no.

JIRIMIA 32:35

Nambaal ilo ra altar-altar ra Baal giu' ra Limayak Ginom, am nampataak ra anak-anak nilo ra Dewa Molok. Sotopot no, kalo igondo' Aku nanusub risilo mambaal raginio, am poyo kalo igondo' tabual ralalom ru pangkaraan Kuno ra baalon nilo baal malaat raginio am nangkinibit ra ulun ru Jiuda makatula.”

YEHEZKIEL 7:20

Paat ragili mamanggo ilo ra intan ondo' moonsoi, kaa' pinakai nilo ginio koson mambaal ra sinungkalalaing ondo' makauyuyu'. Ginio ra Tuhan nambaal ra rapu' nilono makajala' risilo.

YEHEZKIEL 8:3

Pinatutui No rondo' ondo' natilu ra kalindu' am takupo' abuk kuno. Ralalom ru pinaintalang no Ambiluo ri Aki Kapuuno' nangkayang raki' ra masawat am nagibit raki' ra Baloi ru Tuhan giu' ra Jirusalim, giu' ra kulobon subalan giu' ra liliut ra ralalom ondo' tampilon ra ralayo. Giu' no soroi sinungkalalaing ondo' napasingkual ra sangit ri Aki Kapuuno'.

DANIL 11:31

Kukula' ngaulun saujor ru raja' mampajamol ra Baloi ru Tuhan. Langgain nilo taak simbalui orou-orou, am manirong ra ‘Karaat Ondo' Moporos’ no.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”