JIRIMIA 7:29 - Tanou Moonsoi Timugon

²⁹ Indagu Tuhan, “Alii ra mamagun ru Jirusalim, panulaboi kano; lampari' am patiri' abuk mino. Rimbayo' rimbai panguliran giu' ra tampak ru kabuluran, sabap ra Aku, Tuhan tatanga' sumangit am nangimpai noyo ramuyun.

JIRIMIA 7:29 ပူးပေါင်းရင်းမြစ်များ

2 RAJA'-RAJA' 17:20

Inimpayan ru Tuhan ngaangai' ulun ru Israil. Nangukum Io risilo am pinataak ra pantula' ondo' malaat, saboi pupus no pinatiran No ilo intor ra tana' ondo' tinaakan Nano risilo.

AYUP 1:20

I Ayup pana minigor boo am rilako' no bayang nano sabap ra mangiluk guang. Linompor no abuk nano am igulatur.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JIRIMIA 12:7

Indagu Tuhan, “Iniruanan Ku Israil; inimpayan Ku bansa' pinili' Kuno. Pinataak Ku ulun ondo' tinagaman Kuno ra ralalom ru kalindu' ru pantula' nilo.

JIRIMIA 14:19

Iou Tuhan, inimpayan Mu noyo kia toojo Jiuda? Masisang Kou kia ra mamagun ru Sion? Kua lambaa' Mu akai ra najanjayan kaga' saboi kalo boo mapali' akai? Papalo mai ayuk maguyum ra kaansayan; malansan akai ra kapalian, kaa' ondo' soroi kalaatan ayuk.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 3:2

Kinami' ilai' rasawat no, giu' ra tampak ru bulur! Ati ra intok ondo' kalo poyo igondo' kou ratong koson mantalan ra inan? Nanturung kou giu' ra kiing ru ralan maginaa ra ulun ondo' masaga' mansilar; okou koson ra ulun ru Arab ondo' magawang ra ulun ipaan giu' ra tana' kaagisan. Jinaka' mu pagun ti ra pansasawaan am kalaatan muno.

JIRIMIA 3:21

Morongog bolos giu' ra tampak-tampak ru bulur; bolos ru ulun ru Israil ondo' mantangi' am makimasi', sabap ra makatula ilo noyo, am nakalilian ra Tuhan, i Aki Kapuuno' nilo.

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JIRIMIA 6:30

Inggalanin ilo ra tatai' basi' kolondo' onong, sabap ra Aku, Tuhan namatir noyo risilo.”

JIRIMIA 9:10

Aku, i Jirimia, mindagu, “Manulaboi aku ra gunung-gunung am tangiin sakot limayak, sabap ra ngaangai' no napua' noyo am kalo sailin ru ulun. Bolos ru bibiag kalo boo morongog; susuit am niayuk bibiag masigo nagiru' noyo am minugar.”

JIRIMIA 9:16

Pantutuliaron Ku ilo ra bansa'-bansa' ondo' kalo nauligan nilo kapoam kinamatuaan nilai. Mangator Aku ra saujor koson mamulunsar risilo saboi ra Aku mamuso risilo ra malingon.”

SULABOI 5:22

Lingonon Mu kia patiri' akai? Kolondo' kia polos ru sangit Muno ramon?

YEHEZKIEL 19:1

Manusub Tuhan raki' marimbai ra rimbai ra manulaboi ti posoboyon ra ruo ngaulun anak ungkuyon:

YEHEZKIEL 28:12

“Okou ulun mapandai matoi, panulaboi no ra tayar ru raja' Tirus. Posoboyo' atan ondo' paraguon Kuno, Tuhan Raja' riso, ‘Igondo' kou nasauk ra tiluan moonsoi kaga'. Ragili totopot kou mapintar am maindon!

AMOS 5:1

Rongog kano, akau ulun ru Israil! Rimbayin Ku akau ra rimbai panguliran:

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

MATIUS 12:39

Kaa' taam i Jisus, “Mumpara' boo laat am puka' ru ulun ra orou raiti'! Makitaak kau Raki' mambaal ra kaimuagan? Kolondo' kaimuagan patutunon Kuno ramuyun, kaa' rondo' ayuk, ioginio kaimuagan ri nabi Junus.

MATIUS 16:4

Mumpara' boo laat am puka' ru ulun ra raiti'! Makitaak kau Raki' mambaal ra kaimuagan? Kalo! Rondo' ayuk kaimuagan paintutunon Kuno ramuyun ioginio kaimuagan ri nabi Junus.” Kopongo minindagu koson raginio, iruani' ilo ri Jisus am ugar Io.

MATIUS 23:36

Balain takamin: Ukum ru ngaangai' raginio paratuon ra ulun ra raino ti!”

MATIUS 3:7

Pakakito i Juanis ra masuang ulun ru Parisi am Saduki matong pakiriu' riso, ragui' no ilo, “Akau ti koson ra kukuo ondo' magiru' intor ra apui ru Ukum ri Aki Kapuuno' ondo' matong ra maagu no?

RINALATAN 2:40

Ginio noyo ragu ri Pitrus nambala' toojo risilo. Masuang poyo ragu nano ra bokon manusub risilo koson magibayag intor ra pangukuman ri Aki Kapuuno' ondo' paratuon ra ulun mangalaat ra pagun ti.

SAGULION 32:5

Kaa' kalo gumagaya' kau, am kalo maaya' kau masauk ra ulun Nano; akau bansa' ondo' masaga' mamparuung am makatula.