JIRIMIA 7:26 - Tanou Moonsoi Timugon

²⁶ Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

JIRIMIA 7:26 ပူးပေါင်းရင်းမြစ်များ

1 RAJA'-RAJA' 14:22

Mamagun ru Jiuda makatula ra Tuhan. Binaal nilono napatabual poyo ra sangit ru Tuhan intor ra ngaangai' binaal ru kinamatuaan nilai.

1 RAJA'-RAJA' 14:9

Tula muno maayo poyo intor ra ulun ondo' namarinta nakapagulu intor rirun. Nangimpai kou Raki'. Napatabual kou ra sangit Kuno paat ra okou nambaal ra sinungkalalaing sambaan am sinungkalalaing intor ra basi'.

2 RAJA'-RAJA' 17:14

Kaa' marara' ilo gumagaya'; mokotog ulu nilo koson ra kinamatuaan nilai ondo' kalo mangintopot ra Tuhan, i Aki Kapuuno' nilo.

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

2 TUNUNG RU BANSA' ISRAIL 33:10

Kabalu' pana Tuhan nampakara' ra Raja' Manasi am mamagun nano, kaa' marara' ilo mampalio ra pampakaraan no.

2 TUNUNG RU BANSA' ISRAIL 33:23

Kaa' Raja' Amon kalo minggana' guang koson ra ama' nali am kalo siminaguli' ra Tuhan, mulu' poyo ra makatula io poyo intor ra ama' nali.

NIGIMIA 9:29

Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

AMSAL 29:1

Amon ru sangulun gumaai mokotog guang ra moonong sawayon, sangarawan matutuk io ondo' kalo boo makatapuli'.

JISAYA 48:4

Makapandai aku ra akau bambalingatan, mokotog guang am makaulu batu.

JISAYA 5:4

Mokoondo' poyo kia baalon kuno, kaa' kalo poyo nabaal ku ra umo ru anggur kuno? Kua kia kataris kawa' ru anggur no, am sala' ka kawa' ra moonsoi koson ra kalansanan kuno?

JIRIMIA 11:8

kaa' marara' ilo mangkirongog am marara' gumagaya'. Gino ayuk ilo bambalingatan am malaat koson ragili. Nanusub Aku no risilo gumagaya' ra nabantuan, kaa' marara' ilo. Ginio ra pinalumpa' Ku risilo ngaangai' ukuman ondo' sinabit ralalom ru nabantuan no.”

JIRIMIA 16:12

Kaa' binaal mino malaat poyo intor ra binaal ru kinamatuaan mini. Ngaangai' min bambalingatan am malaat. Marara' kau gumagaya' Raki'.

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 19:15

ra Tuhan Ondo' Maayo Kaga' Kuasa', i Aki Kapuuno' ru Israil, minindagu koson ragitio, “Sabap no ra bambalingatan kau am marara' rumongog ra ragu Kuno, Aku pana mamparatong ra ngaangai' ukuman ondo' inatang Ku noyo ra bandar ti am ra ngaangai' pekan ra libung nano.”

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 25:3

“Buoi ruo ngoopor am talu ngambilor, intor ra bilor koopor am talu ru Raja' Josia anak ungkuyon ru Raja' Amon namarinta giu' ra Jiuda saboi ra orou raiti', minindagu Tuhan raki' am kalo igondo' aku pakalilian mampasaboi ra atan ondo' rinagu Nano ramuyun. Kaa' akau kalo igondo' nampalio raginio.

JIRIMIA 25:7

Kaa' Tuhan galama' minindagu ra marara' kau rumongog Riso. Pinasingkual min piboo sangit Nano ra sinungkalalaing mino. Akau galama' namparatong ra ukuman Nano ramuyun.

JIRIMIA 26:5

Musiti' kau niayuk rumongog ra atan ondo' rinagu ru ulipon Kuno, iono nabi-nabi ondo' kalo langgain Ku manusub poongoyon ramuyun. Kaa' kalo igondo' kau rongog risilo.

JIRIMIA 29:19

Ngaangai' baal raginio masauk risilo sabap ra kalo sinugut nilo tanou Kuno ondo' pinasaboi Ku ra rinayus-rayus risilo pinabala' galing ra nabi-nabi, ulipon-ulipon Kuno. Marara' ilo mangkirongog ra tanou Kuno.

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 34:14

moonong tulu' ngambilor musiti' nilo palabuson osoi ayuk ulun ru Ibrani ondo' nasauk ra ulipon nilo buoi onom ngambilor. Kaa' kinamatuaan nilo kalo nampalio kapoam riminongog ra ragu Kuno.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 35:17

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, mamparatong ra karaat ondo' binantu' Kuli ramuyun, mamagun ru Jiuda am Jirusalim. Baalon Ku gitio sabap ra marara' kau rumongog paat ra Aku mindagu, am marara' kau tumaam paat ra Aku mampiau.”

JIRIMIA 44:16

“Marara' akai mangkirongog ra ragu ondo' raguon muno ra ralalom inggalan ru Tuhan.

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JIRIMIA 6:10

Taam aku, “Osoi kia rumongog amon ru pakaraan ku ilo? Mokotog guang nilo am marara' rumongog ra tanou Muno; kuritin nilo tanou Muno ondo' pinasaboi kuno.

JIRIMIA 6:17

Kopongo raginio nampalantik Tuhan ra magagalung koson mangkirongog ra bolos pulanu ru bujung. Kaa' konilo, “Marara' akai mangkirongog.”

JIRIMIA 7:24

Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

JIRIMIA 9:13

Taam Tuhan, “Baal raginio masauk sabap ra ulun Kuno kalo boo mampalio ra nangilaan ondo' tinaakan Kuli risilo. Kalo giminagaya' ilo Raki' am kalo siminugut ra susuban Kuli.

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

YEHEZKIEL 12:3

Ginio ra, okou ulun mapandai matoi, kumoso' kuliamos muno ralalom rondo' kuntil koson ondo' binaal ru sangulun nagiru', am ugar no ra kalo poyo molondom. Polosoo' ulun makakito rirun mangiruan ra bandar am mongoi ra intok ra bokon. Maaru' lair ulun-ulun gumuor no makakito rirun.

YEHEZKIEL 20:30

Ginio ra posoboyo' noyo atan ondo' paraguon Kuno, Tuhan Raja' ra ulun ru Israil: Kua kia musiti' kau makatula koson ra kinamatuaan min, am nangilou ra sinungkalalaing nilo?

DANIL 9:6

Kalo nangkirongog akai ra nabi-nabi, ulipon-ulipon Muno, ondo' minindagu sabap ra inggalan Muno ra raja', panguasa', am kinamatuaan mai, am niayuk ngaangai' ru bansa' mai.

GOSIA 11:7

Totopot ilo masaga' mangiruan Raki'. Mampalaa ilo makiindangan sabap ra inimbolo', kaa' kolondo' osoi pana mampalabus risilo.

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

MALIAKI 3:7

Koson ra kinamatuaan min ragili, akau ngaangai' siminiang noyo intor ra ukum Kuno am kalo ginagaya' mambaal raginio. Saguli' kano Raki', am Aku niayuk sumaguli' ramuyun. Kaa' mangkuot kau, ‘Atan kia ondo' musiti' mai baalon koson sumaguli' Rirun?’

MATIUS 21:38

Kaa' paat ra ulun-ulun naniwa' i nakakito ra anak ru tatangan ra umo ti, pagindagu ilo ngaangai', ‘Io gitio anak ru tatangan ra umo ti. Ibok, potoyo' takau io, maa' raginio makaalap takau ra tungkuson nano!’

MATIUS 23:32

Baalo' am pongoono' min atan ondo' kinamatuaan mini nanalimpuun pambaal.

RINALATAN 7:51

Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

SAGULION 8:20

Amon kalo gumagaya' kau ra Tuhan, am pusoon kau koson ra bansa'-bansa' ondo' pinuso Nano paat akau jiminalai.”