JIRIMIA 7:24 - Tanou Moonsoi Timugon

²⁴ Kaa' marara' ilo rumongog raginio am marara' mampalio. Inambai nilo ra sinugut kasagaan ru guang nilo ra mokotog am malaat. Ginio ra nasauk ilo toojo ra malaat poyo am kalo masauk ra moonsoi poyo.

JIRIMIA 7:24 ပူးပေါင်းရင်းမြစ်များ

NIGIMIA 9:29

Nampakara' Kou maa' raginio gumagaya' ilo ra pangilaan Muno, kaa' nabaya' ra limbau inimpayan nilo ukum Muno. Alika ulun ondo' mambaal ra Taurat Muno mokoowot ra kaayagan, kaa' bambalingatan ilo, kalo gumagaya' am marara' rumongog.

MAZMUR 81:13

Ginio ra nopoloso Aku risilo maya' ra kasagaan nilono, am mambaal ra kasagaan nilono.

JIRIMIA 13:10

Bansa' ondo' malaat ti marara' gumagaya' Raki'. Lakat ilo poyo bambalingatan am malaat koson ragili. Sumambayang ilo am mangandoi ayuk ra tuhan-tuhan ra bokon. Ginio noyo sabap ra ilo masauk koson ra tapi' mariwa' ondo' kolondo' onong no.

JIRIMIA 13:11

Koson ra tapi' mariwa' naigot ra awak ru nantapi' no, koon raginio noyo kuayan Kuno ra ulun ru Israil am Jiuda maa' raginio maigot Raki'. Koon raginio boo ra ilo masauk ra ulun Kuno am mamparatong ra ompor am urumat ra inggalan Kuno. Kaa' marara' ilo gumagaya' Raki'.”

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 16:12

Kaa' binaal mino malaat poyo intor ra binaal ru kinamatuaan mini. Ngaangai' min bambalingatan am malaat. Marara' kau gumagaya' Raki'.

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

JIRIMIA 18:10

kaa' bansa' no pana kalo gumagaya' Raki' am mambaal ra kalaatan, Aku pana mampalugut ra baalon Kuno.

JIRIMIA 18:12

Kaa' tumaam ilo, ‘Atan onong no? Bambalingatan am malaat akai ayuk maya' ra kasagaan mai!’ ”

JIRIMIA 2:27

Ngaangai' kau tauyuon. Akau no minindagu ra rondo' puun tataun koson ra ama' min am rondo' bulur koson ra ina' min. Baal ragitio masauk sabap ra nangiruan kau Raki' am kalo minatong Raki'. Kaa' paat ra akau makakapaganan, piawon min Aku koson mamayag ramuyun.

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 23:17

Masalok ilo mindagu ra ulun ondo' marara' rumongog ra ragu Kuno, ‘Maayag kau.’ Konilo ra moonong ulun ondo' bambalingatan, ‘Kalo malumpa' kau ru karaat.’ ”

JIRIMIA 3:13

Pangiou ayuk ra okou makasala am giminuor ra Tuhan, i Aki Kapuuno' muno. Pangiou no ra giu' ra moonong saau ru puun tataun masansam pinataak mu togom muno ra tuhan-tuhan ru bansa' bokon, am kalo giminagaya' ra susuban Kuno. Aku, Tuhan nakaindagu noyo.”

JIRIMIA 3:17

Paat raginio bandar Jirusalim sabiton ra ‘Kurisi' ru Tuhan’, am ngaangai' bansa' tumimung ra bandar no koson sumamba Raki'. Kalo boo maya' ilo ra saga' ru guang nilo ondo' mokotog am malaat no.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 32:33

Nangiruan ilo Raki' kabalu' pana narayus Aku nangila' risilo, marara' ilo mangkirongog am marara' mangapu ra pangilaan.

JIRIMIA 35:15

Rinayus Ku nanusub ra ngaangai' ulipon Kuno, nabi-nabi mongoi ramuyun, am nanusub ilo ramuyun mangiruan ra binaal malaat am mambaal ra ondo' moonsoi. Nampakara' ilo ramuyun maa' raginio kalo sumamba kapoam mangandoi ayuk ra tuhan-tuhan ra bokon, maa' raginio marayusan min mayan ra pagun ondo' pinataak Kuno ramuyun am kinamatuaan min. Kaa' kalo riminongog kapoam nampalio kau Raki'.

JIRIMIA 6:16

Indagu Tuhan ra ulun Nano, “Bigor kano giu' ra lilisangon ru ralan am ilai' noyo toojo! Kuati' noyo ralan-ralan ra galing i, am ati kia ra ralan ondo' moonsoi kaga'. Mopongo raginio baya' no ra ralan raginio, okou pana maayag am moonsoi.” Kaa' konilo, “Kalo, marara' akai maya' ra ralan no!”

JIRIMIA 7:26

Kaa' kolondo' osoi pana ondo' mangkirongog kapoam mampalio risilo. Inambai min ra nasauk ra mokotog poyo guang am masaga' poyo gumuor intor ra kinamatuaan mini.

JIRIMIA 8:5

Kaa' kua ramuyun, ulun Kuno, nararayus nangiruan Raki' am kalo siminaguli' Raki'? Kua mapiot guut min ra sinungkalalaing min am marara' sumaguli' Raki'.

JIRIMIA 9:14

Bambalingatan ilo am siminamba ra sinungkalalaing Baal koson ra ondo' nangilaan ru kinamatuaan nilai.

YEHEZKIEL 20:13

Kaa' giu' ra tana' kaagisan no pana minanggal ilo Raki'. Minanggal ilo ra ukum Kuno am nangimpai ra susuban Kuno, ondo' mangani' ra kaayagan ra osoi ayuk gumagaya' raginio. Totopot nilo jinamol orou Sabat. Nakatampos Aku no koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamuso risilo.

YEHEZKIEL 20:16

Binaal Ku ginio sabap nangimpai ilo ra susuban Kuno, minanggal ra ukum Kuno am nampajamol ra orou Sabat. Masaga' ilo poyo sumamba ra sinungkalalaing nilo.

YEHEZKIEL 20:21

“Kaa' ilo ondo' mangamulok pana minanggal Raki'. Inanggal nilo susuban Kuno am nangimpai ra susuban Kuno ondo' nangani' ra kaayagan ra osoi ayuk ondo' gumagaya' raginio. Jinamalan nilo orou Sabat. Nakatampos Aku noyo koson mompoloso risilo makaliman ra ngaangai' kinoporos ru sangit Kuno giu' ra tana' kaagisan no am masaga' Aku mamatoi risilo ngaangai'.

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

DANIL 9:6

Kalo nangkirongog akai ra nabi-nabi, ulipon-ulipon Muno, ondo' minindagu sabap ra inggalan Muno ra raja', panguasa', am kinamatuaan mai, am niayuk ngaangai' ru bansa' mai.

GOSIA 10:6

Sinungkalalaing no ibiton giu' ra Asyur koson pataakon ra raja' ondo' matulai. Israil asabin am tauyuon sabap ra bilin ondo' binaya' nano.

GOSIA 4:16

Ulun ru Israil mokotog ulu koson ra baghal. Ati kulaan Aku makapagalung risilo koson ra domba giu' ra padang sakot?

MIKA 6:16

Baal ragitio masauk sabap minaya' kau ra baal malaat ru Raja' Omri, am anak nano, Raja' Agab. Minaya' kau ra aturan ondo' inaru' nilo. Ginio ra mamuso Aku ramuyun, am ngaangai' ulun magasab ramuyun. Ulun giu' ra ati ayuk intok masisang ramuyun.”

JAKARIA 7:11

Kaa' ulun Kuno mokotog ulu am marara' rumongog ra susuban Kuno; silongon nilo talingo maa' raginio kalo mokorongog.

SAGULION 29:19

Ra gino ngai' min ondo' nokorongog ra kitaak moporos no ra orou raiti', pai' sangulun pana ondo' mangkara' ra io magulayun mabayag kabalu' pana gumogot toojo io am manugut ra kasagaan nano galama'. Binaal koson raginio mamuso ramuyun ngaangai', ulun ondo' moonsoi am ondo' malaat.