JIRIMIA 7:23 - Tanou Moonsoi Timugon

²³ Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

JIRIMIA 7:23 ပူးပေါင်းရင်းမြစ်များ

AYUP 36:11

Amon kalo gumagaya' kau ri Aki Kapuuno' am mangandoi ayuk Riso, maayag ilo ra moonsoi am langkaya' saboi ra pupus ru kaayagan nilo.

MAZMUR 119:3

Kalo mambaal ilo ra kalaatan, kaa kaayagan nilo maya' ra kasagaan ru Tuhan.

MAZMUR 40:6

Nansalinut binaal Muno ramon, iou Tuhan, i Aki Kapuuno' kuno, kolondo' pogondo' Muno! Masuang inatangan ra moonsoi binaal Muno ramon, ngaangai' no kalo lair maalap ku katunung.

MAZMUR 81:13

Ginio ra nopoloso Aku risilo maya' ra kasagaan nilono, am mambaal ra kasagaan nilono.

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

KAINGKUALAN 16:32

Kon ri Musa, “Nanusub Tuhan ritakau mambuli kasanganu ra manna tayar ru papag takau, maa' raginio makakito ilo ra akanon ondo' tinaakan ru Tuhan ritakau giu' ra tana' kaagisan, paat ra Io nagibit ritakau mingkual intor ra Misir.”

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JIRIMIA 11:4

Nambaal Aku ra nabantuan no ra kinamatuaan nilai paat ra Aku naningganai risilo miningkual intor ra Misir, pagun ondo' koson ra naraka risilo. Nanusub Aku risilo gumagaya' Raki' am nambaal ra ngaangai' ondo' nanusuban Kuli. Nambala' Aku risilo ra amon ru gumagaya' ilo Raki', masauk ilo ra ulun Kuno am masauk Aku ri Aki Kapuuno' nilo.

JIRIMIA 11:7

Paat ra Aku naningganai risilo miningkual intor ra Misir, totopot Aku mampakara' risilo maa' raginio gumagaya' Raki'. Saboi orou raiti' pana lakat Aku poyo mampakara' ra ulun Kuno intor ra baal raginio,

JIRIMIA 13:11

Koson ra tapi' mariwa' naigot ra awak ru nantapi' no, koon raginio noyo kuayan Kuno ra ulun ru Israil am Jiuda maa' raginio maigot Raki'. Koon raginio boo ra ilo masauk ra ulun Kuno am mamparatong ra ompor am urumat ra inggalan Kuno. Kaa' marara' ilo gumagaya' Raki'.”

JIRIMIA 22:21

Minindagu Aku ramuyun paat ra akau moonsoi kaayagan, kaa' marara' kau rumongog Raki'. Ginio noyo ondo' baalon min buoi ru bayag min; marara' kau gumagaya' Raki'.

JIRIMIA 22:3

“Baalo' noyo atan ondo' matimpok am mabanis. Palabuso' noyo ulun ondo' rinuung intor ra kuasa' ru ulun ondo' namparuung riso. Pai' ulipono' kapoam kalaat ra ulun bansa' ru bokon, anak nailusan ra matuo kapoam ulun napuor. Pai' pamatoi ra ulun ondo' kolondo' sala ra intok matulai ti.

JIRIMIA 24:7

Aniin Ku ilo ra kasagaan nilo koson makarati' ra Aku noyo Tuhan. Koon raginio ilo masauk ra ulun Kuno, am masauk Aku ri Aki Kapuuno' nilo, sabap ra sumaguli' ilo Raki' ra sotopot ru guang.

JIRIMIA 31:33

Gitio noyo nabantuan bagu ondo' baalon Kuno ra ulun ru Israil: Buliin Ku ukum Kuno ra ralalom ru guang nilo, am tulisin ginio ra guang nilo. Masauk Aku ri Aki Kapuuno' nilo, am masauk ilo ra ulun Kuno.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 38:20

Indagu aku ra raja', “Okou raja' kalo pataakon ra pantula'. Kitaakon ku, gagayaa' noyo ragu ru Tuhan maa' raginio ngaangai' no maayag am painawo muno pana maalungan.

JIRIMIA 42:6

Nakitaak akai rirun makiasi' ra Tuhan, i Aki Kapuuno' takau. Ginio ra ondo' pataamon Nano moonsoi kapoam kalo, gumagaya' akai Riso. Baal mai masauk ra moonsoi amon ru gumagaya' Riso.”

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.

JAKARIA 6:15

Ulun intor ra intok maalur matong koson mangindangan mambaal ra Baloi ru Tuhan. Mopongo Baloi ra binaal saguli' no, makapandai kau ra Tuhan Ondo' Maayo Kaga' Kuasa' nanusub raki' mongoi ramuyun. Ngaangai' ru baal raginio masauk amon totopot kau gumagaya' ra susuban ru Tuhan, i Aki Kapuuno' min.

JAKARIA 7:7

Ginio noyo ondo' rinagu ru Tuhan ondo' pinabala' galing ra nabi-nabi ra galing i, paat ra Jirusalim lakat poyo inayanan am mamagun nano langkaya'. Paat ragili ulun sala' ka ayuk minayan giu' ra pekan-pekan ra liliut ru bandar, kaa' niayuk giu' ra tampilon rabugus am giu' ra pipilon toojo ru bulur giu' ra tampilon ra kalasaan.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

2 KORINTUS 10:5

am mamuso ra ngaangai' sasaban ondo' manginga' ra ulun kalo makaulig ri Aki Kapuuno'. Kulawon mai guang ru ulun, maa' raginio gumagaya' ilo boo ri Kristus.

SAGULION 11:27

barakat, amon ru gumagaya' kau ra susuban ru Tuhan i Aki Kapuuno' min ondo' taakin kuno ramuyun ra orou raiti';

SAGULION 13:4

Baya' noyo ra Tuhan am urumato' noyo Io. Gagayaa' noyo Io am suguto' noyo susuban Riso; samba noyo Riso am mintopot Riso.

SAGULION 13:5

Kaa' potoyo' noyo nabi kapoam mambala' ra inupi ondo' nanusub ramuyun gumuor ra Tuhan ondo' namayag ramuyun intor ra Misir, intok min inulipon ragili. Ulun koson raginio malaat am kuminam mapalayau ramuyun intor ra kaayagan ondo' mapabansuk ra guang ru Tuhan. Musiti' potoyon ulun no, maa' raginio mairu' kalaatan intor ra gino ngai' min.

SAGULION 30:2

Amon ru timinampos kau am papag min sumaguli' ra Tuhan i Aki Kapuuno' min, am ra sotopot ru guang akau gumagaya' ra ngaangai' susuban Nano ondo' taakin kuno ramuyun ra orou raiti',

SAGULION 30:20

Tagami' noyo Tuhan i Aki Kapuuno' min, gagaya' noyo am intopot noyo Riso, akau am papag min pana maawar umur giu' ra tana' ondo' binantu' ru Tuhan ra kinamatuaan min, i Abragam, i Isak am i Jakub.”

SAGULION 30:8

Sumaguli' kau gumagaya' ra Tuhan am mapaugar ra ngaangai' susuban Nano ondo' taakin kuno ramuyun ra orou raiti'.

SAGULION 4:10

intor ra orou raginio, paat akau minigor giu' ra saang ru Tuhan i Aki Kapuuno' min giu' ra Gunung Sinai. Paat raginio minindagu Io raki', ‘Timungo' ngaangai' ulun ragitio. Masaga' aku risilo rumongog ra bala' Kuno maa' raginio migila' ilo gumagaya' Raki' sabuoi ru bayag, am maa' raginio mangila' ilo ra anak-anak nilo koson gumagaya' Raki'.’

SAGULION 4:40

Gagayaa' noyo ngaangai' ukum Nano ondo' pinataak kuno ramuyun ra orou raiti', akau am papag min pana makakaansayan. Magulayun kau mayan ra tana' ondo' tinaakan ramuyun ru Tuhan i Aki Kapuuno' min koson masauk ra longgom min ra sabubuoi no.”

SAGULION 5:16

‘Urumato' noyo ama' am ina' mino, koson nanusuban Kuno Tuhan i Aki Kapuuno' min ramuyun, maa' raginio makakaansayan am maawar painawo giu' ra tana' ondo' taakin Kuno ramuyun.

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

SAGULION 6:3

Rongogo' noyo am gagayaa' noyo ukum-ukum raginio, ulun ru Israil kau ngai'! Koson raginio ra akau makakaansayan am masauk ra bansa' ondo' maikang, am niayuk mayan giu' ra tana' ondo' langkaya' am malabung no, koson ra ondo' binantu' noyo ru Tuhan i Aki Kapuuno' ru kinamatuaan takau.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

1 SAMUIL 15:22

Indagu i Samuil, “Ati kia ondo' kasagain poyo ru Tuhan, gagaya' kapoam taak am taak simbalui? Moonsoi poyo gumagaya' ra Tuhan intor ra mapataak Riso ra domba ondo' molomok kaga' no.