JIRIMIA 7:21 - Tanou Moonsoi Timugon

²¹ Akau ulun Kuno, nakapandai kau ra mokoondo' kukula' taak simbalui ondo' solobon min ra rasawat ru altar musiti' koyoon solobo', am mokoondo' niayuk taak simbalui ra bokon ondo' akanon min. Kaa' Aku, Tuhan nakaindagu, moonsoi poyo akanon min ngaangai' no!

JIRIMIA 7:21 ပူးပေါင်းရင်းမြစ်များ

MAZMUR 50:8

Kalo sonsolon Takamin sabap ra taak mino, am taak ra sinimbalui koson mapabansuk ra guang Kuno ondo' masalok pataakon min.

JISAYA 43:23

Kalo magibit kau ra domba koson taak simbalui koson mapabansuk ra guang Kuno; kalo mangurumat kau Raki' ra taak simbalui ondo' pataakon min. Sotopot no kalo simbagatin Takamin ra kitaakin ra taak kapoam mantipagon ramuyun makitaak ra kaminyan.

JIRIMIA 14:12

Kabalu' pana mampali ilo, marara' Aku mampalio ra golok nilo ra makiindangan; am kabalu' pana mampataak ilo ra taak simbalui koson mapabansuk ra guang Kuno am taak simbalui koson paringkuanangan Raki', kalo maansayan Aku risilo. Kaa' pusoon Ku ilo ra pangayawan, bitilan am maruol tumapik.”

JIRIMIA 6:20

Atan kia boo onong ru kaminyan intor ra Syiba ondo' inibit nilo Raki', kapoam apa' pampagamis ra akanon intor ra pagun maalur? Marara' Aku mangapu ra taak nilo. Marara' Aku ra taak-taak simbalui nilo.

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

GOSIA 8:13

Masaga' ilo mampataak ra taak simbalui Raki', am mangakan ra kual ru taak simbalui no. Kaa' Aku, Tuhan, kalo maansayan risilo. Raino mangkara' Aku ra tula nilo, am mangukum risilo sabap ra tula-tula no. Atarin Ku ilo saguli' ra Misir.

SAGULION 12:27

Giu' no pataako' noyo taak simbalui koson mapabansuk ra guang ru Tuhan, giu' rasawat ru altar ru Tuhan. Pataako' niayuk taak simbalui ondo' kual no akanon min, am pasasaro' raraa' nano ra rasawat ru altar.