JIRIMIA 7:20 - Tanou Moonsoi Timugon

²⁰ Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

JIRIMIA 7:20 ပူးပေါင်းရင်းမြစ်များ

2 RAJA'-RAJA' 22:17

Nangimpai ilo Raki' am nampataak ra taak simbalui ra tuhan-tuhan ra bokon. Napasingkual ilo ra sangit Kuno sabap ra ngaangai' ru binaal nilo. Raino sumangit Aku ra Jirusalim, am sangit Kuno kalo lumonggo'-longgo'.

JISAYA 10:17

I Aki Kapuuno' sinda ru Israil, masauk ra apui. I Aki Kapuuno' ru Israil, i Aki Kapuuno' ondo' matulai, masauk ra simbula' ru apui, ondo' songorou no makaumpo ra ngaangai' no, mulu' piboo ru kusingan am alab.

JISAYA 42:25

Ginio ra pinoloso No itakau mampaliman ra sangit Nano, am maimbolo' ra kalaatan ru pangayawan. Koson ra apui, sangit Nano monolob ra titikop ru Israil, kaa' kalo maratian takau atan ondo' nasauk no; kalo migigila' takau intor ra nailian no.

JISAYA 66:24

Bulintok ra ilo muli', makito nilo baangkai-baangkai ru ulun ondo' giminuor Raki'. Ulor mangakan ra baangkai nilono kalo matoi, am apui monolob risilo no kalo malasa'. Pagilayan raginio makalalaa' kaga' ra ngaangai' ulun.”

JIRIMIA 11:16

Nakaili' Aku nanginggalan risilo ra puun jaitun ondo' maawas raun, nototop ra kawa' ondo' moonsoi. Kaa' raino, ra bolos gogolon, solobon Ku raun-raun nano am pandakon Ku ngaangai' raan no.

JIRIMIA 12:4

Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”

JIRIMIA 14:16

Ulun ondo' nangapu ra ragu inala' nilono pana potoyon ra ralan mogondo'. Baangkai nilono papatiron giu' ra ralan-ralan ra Jirusalim; kolondo' ulun mompolobong ra baangkai nilono. Koon raginio noyo pupus nilo ngaangai', makaaya' andu', anak ungkuyon am ruandu' nilo. Mangkinibit Aku risilo mansaan ra kinibit ru kalaatan nilono.”

JIRIMIA 17:27

Ngaangai' baal raginio masauk paat ra akau gumagaya' Raki' am mangiantak ra orou Sabat koson ra orou ondo' patimpokon ayuk Raki'. Pai' pangkayang ra maagat mansail ra kulobon-kulobon garabang ru Jirusalim paat ra orou raginio. Amon ru manggal kau ra susuban Kuno, solobon Ku koyoo' kulobon-kulobon garabang ru Jirusalim am niayuk istana-istana nano, am apui no kalo malasa' ru osoi pana.’ ”

JIRIMIA 17:4

Pataakin min kalalaat tana' ondo' tinaakan Kuno ramuyun, am saukon Takamin ra ulipon ru pantula' giu' ra pagun ondo' kalo noyo toojo natutunan min. Baalon Ku ngaangai' no sabap ra sangit Kutu koson ra apui ondo' bibilak ra sabubuoi no.”

JIRIMIA 18:23

Kaa' Okou, iou Tuhan, nakapandai ra ngaangai' ondo' inatang nilo koson mamatoi raki'. Pai' noyo iruo' kasalaan nilo am pai' noyo ampuno' tula nilo. Polosoo' noyo ra ilo maala. Guguang ayuk baalon risilo paat ra Okou sumangit.”

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

JIRIMIA 6:12

Baloi nilo pataakin ra ulun bokon, koson niayuk ra umo am andu' nilo. Mangukum Aku ra mamagun ru pagun ti.

JIRIMIA 8:13

Moogot Aku manimung ra ulun Kuno koson ra ulun manimung ra ampos ru tana' nilo. Kaa' ulun Kuno koson ra puun ru anggur am puun ru ara ondo' kalo nangkawa', am poyo raun-raun no pana nolonot noyo. Ginio sabap ra Aku nangiou ra ulun bansa' bokon matong am manguasa' ra pagun nilo.”

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 22:22

Koson ra pirok liniou giu' ra ralalom ru rapuan, koon raginio noyo Israil liowon giu' ra Jirusalim. Bagu no makapandai ilo ra makaliman ilo ra sangit ru Tuhan.”

YEHEZKIEL 7:12

Paat nano mamaar noyo toojo, orou nano mamaar noyo, paat mambali mantalan kolondo' boo arati', sabap ra ukuman ri Aki Kapuuno' lumumpa' ra moonong ulun.

YEHEZKIEL 7:14

Bujung samputin am ngaangai' ulun nakatampos. Kaa' kolondo' sangulun pana mintor mongoi ra intok pangayawan, sabap ra sangit ri Aki Kapuuno' lumumpa' ra moonong ulun.

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

JIPANYA 1:2

Indagu Tuhan, “Pusoon Ku ngaangai' giu' ra tana' no:

JIPANYA 1:3

ngaangai' ulun am bibiag, makaaya' susuit am papait. Kalaan Ku ulun malaat. Pusoon Ku ngaangai' ulun; kolondo' sangulun pana polosoon Ku maayag. Aku, Tuhan nakaindagu noyo.

JAKARIA 7:12

Kinokotog nilo guang saboi kalo siminugut ra pangilaan ondo' tinaakan Kuno risilo ondo' pinabala' galing ra nabi-nabi ra galing i. Ginio ra siminangit Aku kaga' risilo.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

MATIUS 3:12

Mampaguut Io ra tapan am mangatap Io. Bilor ti paulion No ra kulapa', kaa' ondo' apol patirin ra apui ondo' kalo malaalasa'.”

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.