JIRIMIA 7:14 - Tanou Moonsoi Timugon

¹⁴ Ginio ra atan ondo' baalon Kuno ra Silo baalon Ku ra Baloi Kutu, intok ondo' lansanin min. Intok ondo' tinaakan Ku ra kinamatuaan min ni am akau ti baalon Ku koson ra Silo.

JIRIMIA 7:14 ပူးပေါင်းရင်းမြစ်များ

2 RAJA'-RAJA' 25:9

Sinolob ri Nibujaradan Baloi ru Tuhan, istana am baloi ru ulun mauligan kaga' giu' ra Jirusalim.

2 TUNUNG RU BANSA' ISRAIL 7:21

Raino Baloi ti urumaton kaga' ru ulun, kaa' tauli no moonong ulun ondo' mansail mangimuag am mangkuot, ‘Kua kia ra Tuhan nambaal koson raginio ra pagun am Baloi ti?’

MAZMUR 78:60

Tinatang No kim Nano giu' ra Silo, intokon Nano ra nasuangan ru ulun Nano.

JISAYA 64:11

am Baloi ru Tuhan, baloi ra matulai am makaantak, intok ru kinamatuaan maili mongompor ra Tuhan ra galing i, inumpo ru apui. Ngaangai' intok ra kasagaan mai nasauk boo ra naluyuan.

JIRIMIA 12:7

Indagu Tuhan, “Iniruanan Ku Israil; inimpayan Ku bansa' pinili' Kuno. Pinataak Ku ulun ondo' tinagaman Kuno ra ralalom ru kalindu' ru pantula' nilo.

JIRIMIA 23:39

anamon Ku ilo, am patirin ilo ra maalur, ilo am poyo bandar ondo' tinaakan Ku risilo am kinamatuaan nilo.

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

JIRIMIA 26:4

Nanusub Tuhan raki' mindagu risilo, “Koon ragitio ragu ru Tuhan, ‘Aku, Tuhan, nanusub noyo maa' raginio musiti' kau gumagaya' Raki' am mambaal ra ukum ondo' tinaakan Ku noyo ramuyun.

JIRIMIA 7:10

Mopongo kau mambaal ra ngaangai' no, matong kau ra saang Kuno giu' ra Baloi Kuno galama', am mindagu, ‘Moonsoi akai ayuk!’ Akau pana rumayus mambaal ra malaat no.

JIRIMIA 7:12

Ongoi no ra Silo, bandar ondo' pinili' galing Kuli koson ra intok sambayangan ru ulun Raki'. Ilai' ga boo atan binaal Kuno ra intok no sabap ra tula ru ulun Kuno Israil.

JIRIMIA 7:4

Pai' pangintopot ra ragu-ragu magabau ti, ‘Moonsoi takau ayuk, sabap ragitio Baloi ru Tuhan. Tojojo gitio Baloi ru Tuhan! Topot gitio Baloi ru Tuhan!’

SULABOI 2:7

Inimpayan ru Tuhan altar Nano am nangiruan ra Baloi Nano ondo' matulai; pinoloso No pantula' nampalunsai ra timbok nano. Nangindii pantula' sabap ra namanang giu' ra intok sambayang takau ra maantak ragili.

SULABOI 4:1

Mas ondo' manguliat nasauk noyo ra maitom-itom; batu-batu ru Baloi ru Tuhan pinalayak giu' ra ralan.

YEHEZKIEL 23:31

Minaya' kou ra binaal ru maayo muno; ginio ra musiti' kou manginum intor ra sangkir ondo' sinuangan ra ukuman.”

YEHEZKIEL 24:21

nampasaboi ra tanou ti ramuyun, ulun ru Israil: Lumimbau kau ra kinapiot ru Baloi ru Tuhan. Masaga' kau magilong am mongoi ilong, kaa' jamalin ginio ru Tuhan. Ulun ru sasambaloi min ondo' lakat poyo mamulok, ondo' minayan giu' ra Jirusalim potoyon ralalom ru pangayawan.

SAGULION 12:5

Intor ra titikop wilayah ru ngaangai' bansa' min, mampili' Tuhan rondo' intok maa' raginio makaratong kau ra saang Nano am sumamba Riso ra giu' no.

SAGULION 28:52

Mamulunsar ilo ra moonong bandar giu' ra tana' ondo' taakin ramuyun ru Tuhan i Aki Kapuuno' min, am timbok-timbok masawat am niayuk mapiot ondo' lalansanin min mangalunsai.