JIRIMIA 7:10 - Tanou Moonsoi Timugon

¹⁰ Mopongo kau mambaal ra ngaangai' no, matong kau ra saang Kuno giu' ra Baloi Kuno galama', am mindagu, ‘Moonsoi akai ayuk!’ Akau pana rumayus mambaal ra malaat no.

JIRIMIA 7:10 ပူးပေါင်းရင်းမြစ်များ

1 RAJA'-RAJA' 9:3

Indagu Tuhan riso, “Norongog Ku noyo pakiasian muno. Patimpokon Ku Baloi ondo' binaal mutu koson ra intok sumambayang Raki' ra sabuoi-buoi no. Magail Aku magalung am manindung ra intok ti.

2 RAJA'-RAJA' 21:4

Nambaal io ra altar tayar ru dewa-dewa giu' ra ralalom Baloi ru Tuhan, intok ondo' inaru' ru Tuhan koson ra intok sumambayang Riso.

2 TUNUNG RU BANSA' ISRAIL 33:4

Binaal ru Raja' Manasi altar-altar tayar ru dewa-dewa giu' ra ralalom Baloi ru Tuhan, intok ondo' inaru' ru Tuhan koson intok sambayangan Riso ra sabubuoi no.

2 TUNUNG RU BANSA' ISRAIL 33:7

Pinabanta' no rondo' sinungkalalaing giu' ra ralalom Baloi ru Tuhan, alika intok raginio noyo minindagu Tuhan ra Raja' Daut am Raja' Salomo anak ungkuyon nano koon ragitio, “Baloi Kuti ra Jirusalim ti, ondo' pinili' Ku noyo intor ra mopor am ruo wilayah ru bansa', iono intok ondo' inaru' Kuno ra intok sambayangan Raki' ra sabubuoi no.

AMSAL 15:8

Iowon ru Tuhan bulintok ulun moonsoi makiasi', kaa' masisang Io ra taak simbalui ondo' pinataak ru ulun malaat.

JISAYA 48:2

Kaa' mangiou am maansukan kau ra akau namagun ra bandar ondo' mapasau, am akau sumingkayut ayuk ri Aki Kapuuno' ru Israil, ondo' sabiton ra Tuhan Ondo' Maayo Kaga' Kuasa'.

JIRIMIA 32:34

Baloi Kuno pana binaal koson intok sambayangan Raki' no jinamalan nilo ra napabanta' ra sinungkalalaing ondo' makatataman giu' ra intok no.

JIRIMIA 34:15

Kukula' ngoorou ra nakasail, nambaal kau ra baal ondo' mapabansuk ra guang Kuno. Akau ngaangai' nangiou koson mampalabus ra gino ngai' ru bansa' min ondo' nasauk ra ulipon. Nambaal kau ra nabantuan ra saang Kuno giu' ra Baloi Kuno, intok Aku sambaan.

JIRIMIA 44:9

Nalilianan min kia ngaangai' kalaatan ondo' binaal ru kinamatuaan min, ru raja'-raja' ru Jiuda am andu' nilai, am niayuk ru akau galama' am andu' min, giu' ra bandar-bandar Jiuda am giu' ra ralan-ralan ru Jirusalim?

JIRIMIA 7:11

Guang min kia ra Baloi Kutu intok pansibunian ru mantatakou? Nakakito Aku ra ngaangai' binaal min no.

JIRIMIA 7:14

Ginio ra atan ondo' baalon Kuno ra Silo baalon Ku ra Baloi Kutu, intok ondo' lansanin min. Intok ondo' tinaakan Ku ra kinamatuaan min ni am akau ti baalon Ku koson ra Silo.

JIRIMIA 7:30

Mamagun ru Jiuda nambaal noyo ra kalaatan. Pinabanta' nilo sinungkalalaing nilo ondo' kasisangin Kuno giu' ra ralalom Baloi ru Tuhan, saboi najamalan.

YEHEZKIEL 20:39

Indagu Tuhan Raja', “Raino alii ra ulun kau ngai' ru Israil, pambaal kano maya' ra kasagaan min! Samba kano ra sinungkalalaing min! Kaa' aniin Takamin ra pampakaraan ra kalupus raginio musiti' kau gumagaya' Raki', am kalo boo mampajamol ra inggalan Kuno ondo' matulai ra magibit ra taak ra sinungkalalaing min.

YEHEZKIEL 23:29

Sabap ra ilo pana masisang rirun, gaawon nilo ngaangai' ampos ru kandoi muno, am mompoloso rirun magibaang koson ra ruandu' mantalan ra inan. Guang malaai am kandoi mantalan ra inan muno

YEHEZKIEL 23:37

Nansawa' ilo am namatoi ra ulun. Nansawa' ilo ra sinungkalalaing am namatoi ra anak-anak Kuno ondo' inanak nilo. Pinataak nilo anak-anak Kuno koson ra taak simbalui ra sinungkalalaing nilo.

YEHEZKIEL 23:39

Namatoi ilo ra anak-anak Kuno koson pataakon koson ra taak simbalui ra sinungkalalaing, am paat ra orou raginio niayuk minatong ilo ra Baloi Kuno am jinamalan!

YEHEZKIEL 33:25

“Posoboyo' atan ondo' paraguon Kuno, Tuhan Raja' risilo: Nanginta' kau ra kual ondo' lakat poyo makararaa'. Sinamba min sinungkalalaing am namatoi. Ati kulaan kau mangkara' ra tana' ti longgom min?

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

DANIL 9:18

Rongogo' akai no, iou Aki Kapuuno'; tantangi' akai no, am ilai' kapaganan mai. Ilai' kaimbalaan ru bandar ondo' sabiton ra inggalan Muno. Makiasi' akai Rirun sabap ra maayo guang Muno makaasi' am sala' ka sabap ra binaal moonsoi mai.

GOSIA 6:9

Imam-imam giu' ra bandar raginio koson ra santimungan ulun mantakou ondo' nambaal ra pamulunsaran sininok ra ulun ondo' mangkiralan. Giu' pana ra ralan ondo' sumuku' ra intok mapasau giu' ra Sikgim pana namatoi ilo. Sumingon ilo mambaal ra ngaangai' baal ra malaat no.

AMOS 4:5

Pampataak no ra ruti' koson ra taak paringkuanangan ri Aki Kapuuno', am ragu minsawat intor ra pataakon ra pinaruang ondo' ibiton min! Binaal koson raginio noyo ondo' masaga' min baalon.

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

MALIAKI 3:15

Itakau galama' makakito ra ulun malilimbau noyo ondo' maansukan. Ulun malaat kalo ayuk rumuang langkaya', kaa' niayuk mangkinam ilo ra guang tumaan ri Aki Kapuuno' ra mambaal ra malaat, am masalok ilo makalabus intor ra ukuman.’ ”

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.