JIRIMIA 6:6 - Tanou Moonsoi Timugon

⁶ Tuhan Ondo' Maayo Kaga' Kuasa' nanusub noyo ra raja'-raja' koson mantagar ra puun tataun am mambaal ra timbok koson magawang ra Jirusalim. Indagu Tuhan, “Mangukum Aku ra bandar ti sabap ra masuang kaga' pangimbalaan nasauk ragiti.

JIRIMIA 6:6 ပူးပေါင်းရင်းမြစ်များ

JISAYA 37:33

Gitio noyo bala' ru Tuhan koson ra raja' ru Asyur, ‘Kalo sumubol Io ra Jirusalim, kapoam mapabakis ra panah no tumingkuang riso. Saujor-saujor ra makaampin kalo minggaar ra bandar ragitio. Kalo mambaal ilo ra bujuk ru tana' koson mapalibung riso.

JIRIMIA 20:8

Pogonong ra aku mindadagu, musiti' aku gumolok ra mapuor toojo, “Malaat kaga'! Kapusaan!” Iou Tuhan, iniis am inasaban aku ra moonong paat, sabap ra nampasaboi aku ra tanou Muno.

JIRIMIA 22:17

Kaa' okou ondo' maguyum ayuk ra ampos galama'; mamatoi kou ra ulun ondo' kolondo' sala, am mangimbolo' ra mamagun muno ra malaat kaga'. Ginio noyo ragu ru Tuhan.

JIRIMIA 32:24

Nambaal ulun ru Babilonia ra timbok pagawangan giu' ra liliut ru bandar koson mampagaau raginio, am raino tatanga' ilo mamulunsar raginio. Pangayawan, bitilan am maruol tumapik mangkinibit ra bandar ti maratu' ra ralalom ru kalindu' nilo. Nakito Mu ra ngaangai' ondo' rinagu Muno topot-topot nasauk.

JIRIMIA 32:31

Intor ra bandar ti binaal, mamagun nano nangkinibit Raki' siminangit toojo. Namatas Aku no koson mamuso ra bandar no,

JIRIMIA 33:4

Aku, Tuhan, i Aki Kapuuno' ru Israil, minindagu ra baloi-baloi giu' ra Jirusalim am istana ru raja' ru Jiuda lunsayon, kinibit ru pagawangan am pamulunsaran ru pantula'.

JIRIMIA 39:1

Paat ra sila' koopor, bilor kasiam ra pamarintaan ru Raja' Jidikia giu' ra Jiuda, Raja' Nibukadnijar intor ra Babilonia minatong namulunsar ra Jirusalim nabaya' ra ngaangai' saujor nano.

JIRIMIA 5:29

Kaa' Aku, Tuhan mangukum risilo sabap ra ngaangai' baal raginio; balasin Ku binaal ru bansa' ragitio.

JIRIMIA 5:9

Kalo kia matanda' ra Aku mangukum ra bansa' koson raginio am mambalos ra binaal nilono?

YEHEZKIEL 4:2

Koson boo ra tatandu' ru pagawangan ra bandar no, pambaal ra parit, tana' pinabujuk, pangkiman am tataun-tataun pomopok giu' ra liput ru batu bata no.

YEHEZKIEL 5:5

Indagu Tuhan Raja', “Ilai' Jirusalim no! Paayanon Ku bandar no giu' ra pusor ru tana' ti, am pagun-pagun ra bokon giu' ra libung nano.

DANIL 11:15

Raja' ru Siria pana nagawang ra rondo' bandar ondo' mokoondo' ra kubu am kalaan no. Saujor ru Misir kalo boo mamulunsar, am poyo saujor no ondo' maikang kaga' makayaan ra ikang.

JIPANYA 3:1

Aibui boo ra Jirusalim, bandar malaat ondo' masaga' gumuor ra Tuhan am ondo' mangimbolo' ra mamagun nano galama'.

LUKAS 19:43

Sabap ra masaboi paat no limpuin kou ru pantula' muno, ampangin am awangin kou ra ngaangai' intok.